شوية صور على راس السنة – 2
.
أهلا.. و قسمن بالله توحشتكم برقا برقا.. (اسمع بالتونسي 
)
ما راح أقول لكم معليش على هالغياب و كذا.. لأني حتى أنا صرت استمصل نفسي من كثر ما اتعذر لكم.. لكن ما زلت أطمع بكرم أخلاقكم.. و انا متأكد انكم تعذروني يا حنبي نيلكم..
قبل أي شي.. تراي مزكم أزككم شي بالدنيا.. لدرجة اني صرت ألحس الفقس موب بس أشمه.. المرحلة الجايه ابصير آخذه إبر الظاهر.. و انتم عاد تعرفوني لامني زكمت.. المصالة عندي تصير يعني ما يحتاج أعلمكم.. لذلك وجب التنويه.. التنويه المغناطيسي (بدينا بالمصالة عاد).. .. فـ يبي لكم تتحملوني في هالتدوينة للأسف.. و الأسف سيد الغابة (قايل لكم.. الله يعينكم بس)..
مثل السنة الماضية.. ابسدح لكم كم صورة من أرشيف الصور اللي التقطتها على مدار 2009 م.. الاختيار كان شبه عشوائي للأمانه.. خصوصا ان الصور كثيرة جدا.. و المجال ما يسمح الا بعدد محدود.. عموما اخترت 50 صورة.. أتمنى انها ترتقي لمستوى ذائقتكم الفنية..
Audio clip: Adobe Flash Player (version 9 or above) is required to play this audio clip. Download the latest version here.
-1-
Aim High
الطير اللي مر فوق عامود الإنارة لحظة الصورة ما انتبهت له الا بعد ما التقطت الصورة!
من جد ودي أقول له شكرا.. (لا تشرهون.. مزكم)
…
-2-
Colour Feast
كان يوم جميل.. رايق.. و ملون!
…
-3-
Emotions in the Background
الفكرة في هالصورة موب في طلة جود بعد قلبي..
الفكرة بعصافير الحب اللي جالسين يتماعطون الشوش وراها.. طبعا المرأة فازت كالعادة.. أكره المراريـ ء اللي كذا..
المراريـ ء جمع مرأة..
جمع تشويت.. اللي هو ألعن من جمع التكسير..
يقول العالم اللغوي المعروف (خليل بن جلال).. جمع التشويت أقوى و أجدى من جمع التكسير.. خصوصا اذا كان جمع تشويت بوز.. أما جمع تشويت كعب فهو من البدع اللغوية الممنوعه..
كني طولت و انا اشرح هالصورة؟
عموما هذا كان من باب الإطناب..
ترى بس كان ودي أقول إطناب..
خلاص خلاص.. و الله خلاص (الزكمة لاعبتن بي وقصم)..
…
-4-
Ladybird
راكبة مع الأثاث.. بغيت الصقها بغرا بالطاولة.. بس كسرت خاطري..
…
-5-
Goat Modelling
الصورة ذي سوت ضجه موب طبيعية لما شافوها بعض الأصدقاء..
فيه وحده يوم شافتها تكتها العبره.. و قامت تناشدز يا ويلي.. تقول يا ليت لو ألقى تيس يحبني مثل ما هالتيس يحب هالعنز!
ترى على فكرة.. فيه قصة لهالصورة.. بس ابقولها لكم بعدين..
…
-6-
Merry Xmas
أعجبني هالنموذج لإحتفالات عيد الميلاد..
…
-7-
Autumn
خريف.. و الخريف دايم يحمل معه حزن..
…
-8-
Standstill
ما بانكسر صابر..
…
-9-
Angry Goose
ملاحظين العصبية بس؟
الله يهديهم بعض هالوزز.. يعصبون من غير شي..
الوزز جمع أوزة.. جمع تسطير..
اشرحه لكم؟ .. طيب خلاص..
…
-10-
Bye UK
الصورة هذي لها ذكرى حزينة جدا.. و بس..
…
-11-
The Herdsman
خالد بعد طوايفي.. بس كان يومها غاسل وجهه بقوة أول ما قام من النوم..
عموما الفكرة ماهيب في خالد يا حبي له.. الفكرة بالخروف اللي مرتز بالصورة وراه.. يا بثر هالحركات..!
الخروف هذا سميناه أنا وخالد.. ابراهيم الفريان!
…
-12-
Fair Lady
تمثال أعجبني في أحد القصور القديمة.. بس ناسي أي قصر والله.. يمكن ويندزور..
…
-13-
Trafford Centre
المركز التجاري الشهير في مانشستر..
…
-14-
Tree Colours
اللي شجعني التقط هالصورة هو إعجابي بتعدد ألوان الشجر.. في نفس المشهد..
تبارك الخلاق عز و جل..
…
-15-
Hoyo
الأوفيرال ريتنغ: 9.5 .. يستاهل!
…
-16-
Cigar Addict
إدمان.. بعيد عنكم ان شاء الله..
…
-17-
Enrique
أيام حفلاته في الصيف.. أحلى أيام..
…
-18-
Jude – 1
يا لبى هالنظرة يا ناس..
…
-19-
BB Addict
يا ان فيه ناس يبي يجيهم تقوس بالظهر بسبته..
…
-20-
Jude – 2
يا لبى معاليق الحشا بس..
…
-21-
Playing Golf
كانت آخر مره لعبت غولف هالسنة..
طبعا أنا اللي أصور فأكيد منيب طالع في الصورة.. فـ لا تدوروني في الصورة!
…
-22-
Snowflakes
بصراحة كريستالات رقائق الثلج شيء مبهر!
سبحان الخالق!
…
-23-
Jude in the Snow – 1
مكمكمينها صح!
…
-24-
Jude in the Snow – 2
مبسوطة كانت!
…
-25-
Jude in the Snow – 3
وقفتها وقفة لاعب بيشوت بلنتي.. يسلم قلبها الدبه..
…
-26-
London under the Rain
لندن جميلة بكل حالاتها..
…
-27-
Cows
موووووو!
…
-28-
K S A
في القلب قبل العين..
…
-29-
Jude’s Feeding the Sheep
هما فيه ناس يقولون لك البحر كاتم أسراري..
و فيه ناس يقولون لك البر كاتم أسراري..
جود.. الخرفان هم كاتمي أسرارها..
لعبتها توكلهم و تسولف عليهم.. و أحلى شي ان أهم شي عندها العدل.. توزع عليهم الأكل بالتساوي.. و اللي ياخذ من أكل اللي بجنبه.. تطلع الأكل بيدها من فمه.. شديده قلب أبوها.. طالعه علي.. شتيت أوي مع الموزفين بتوعي!
…
-30-
When a Legend Signs Your Guitar
فيليب.. و ما أدراكم من فيليب..
ادعو له بالشفاء تكفون.. هالرجل الرائع مريض من فترة.. عسى الله يشفيه و يعافيه..
…
-31-
Guitars
مجموعة من غيتاراتي..
…
-32-
The Cover Guy
قلت لكم في تدوينة سابقة.. هالصورة لها معزة خاصة..
…
-33-
H u g !
لمني بشوق.. و احضني..
…
-34-
Don’t be a Shyer
بعض الأحيان.. الخجل قاتل..
…
-35-
Censorship
طووط..
…
-36-
Glory
أضواء المجد.. ممكن تعمي!
…
-37-
Musical Band
زكرت..
…
-38-
Gold Fever
بيلبـءـلا!
…
-39-
Alone at Starbucks
الوحده مهمة ساعات..
…
-40-
My name is: Jude
أحلى اسم!
…
-41-
Jude’s Wondering
الظاهر كانت تفكر وشوله تلبس جزمة و هي دايم بالـ Pushchair!
…
-42-
Jude’s Reading
تعشق الكتب..!
…
-43-
The Wide Cliff
ذكريات جميلة في هالمكان..
…
-44-
Looking up to Daddy
أهم شي انها تبي تفتح جيب الجاكيت.. من اللحين!
شكلها تبي تطفرني باتسر..
بس بيلبـءـلا بعد!
…
-45-
A bird’s Shelter
في الهايد بارك يومها كان فيه زحمة.. و هالعصفور المسكين يبي يمشي على الأرض بس موب لاقي محل.. لكن بعد فترة اكتشف هالمكان الآمن و البعيد عن أعين الناس.. لكن موب بعيد عن عدسة كاميرتي.. أمششش يا العدسة..
…
-46-
This Water
العصير هذا له قصة جميلة..
ابقولها لكم في تدوينة مستقلة بعدين..
…
-47-
Albert
النصب الشهير لزوج الملكة فكتوريا..
…
-48-
E l e g a n c e
الأناقة لها أهلها يا ناس.. ملاحظين بس حركة اليد اليمين؟
كنها مطلعتها مع دريشة ددتسن 82.. بس ولو.. تظل رائعة قلب أبوها..
…
-49-
V & A Museum
من أروق الأماكن..
…
-50-
The Cutest
جود تقول لأمها.. يــمـــه مـــنــك!
…
أتمنى ان الصور جازت لكم..
و أتمنى لكم كل النجاح و السعادة و الصحة في السنة الجديدة و طول العمر..
هل عندكم New Year Resolutions ؟
اذا عندكم علموني عنها..
أنا بالنسبة لي قررت.. السنة الجديدة لازم أنشر كتاب في مجال تخصصي الأكاديمي.. و أرجع العب حديد.. و ممكن.. ممكن.. أكتب Sitcom.. اذا ساعدتني الظروف.. يالله هذا سر محد يعرفه الا انا و انتم.. لا تعلمون أحد تكفون الين يجهز العمل..
!Forget the yesteryear.. Live the New Year to the maximum
أخيرا..
ترى بعد أقل من شهر.. بيجي الـ Anniversary حق المدونة.. و بهالمناسبة.. أتمنى من أي عضو عنده طلب أو اقتراح يتعلق في المدونة و يتمنى تفعيله يبلغني تكفون..
يالله.. ابروح الحس فقس.. شوكرن.. 
_______________________________
Responses to “شوية صور على راس السنة – 2”
ورى ما تسدح تعليق؟ .. ترى ببلاش..
معليش يا عزتي لك.. لازم تسجل دخولك عشان يمديك تسدح تعليقات.
كن صديقي فيذاك..
كلمة الأسبوع
الـصـيـف
إجازة ممتعة للجميع.. إجازة الصيف هي من أجمل مراحل العام حيث نرتاح قليلا بعد وتيرة دراسة أو عمل متسارعة.. نسافر و نتعرف على أماكن جديدة.. و نلتقي بالأهل و الأصحاب في الأماكن البعيدة.. المداومين في الصيف.. على الأقل بتخف عليكم الزحمة في الطريق.. انبسطوا بعد!
Loading ...
كل عام وانت بخير مولي
وسنه حلوه علينا وعليك يارب
الصور شوي في حقها اقول تجننن
كلها روعه
وجود بسم الله عليها تاكل القلب
ويعطيك الف عافيه على هالتدوينه الحلوه
حي الله picky ، وش هالملح؟ .. ترى من سجلت في المدونة و ملحك يقوطر..
الله مير يسلمممك
:
يسعد مسااااااءك د.مولي
أبطيت بقوه هالمره بس عوضتنا بهالتدوينه اللي على مزااجي
صور
:
و Merry Christmas حتى احنا معيدين باقي يومين ونأجز
وسلامتك من الزكمه في خالد ولا فيك
بس والله حرام كافي عليه H1N1 سلامتك مايشوف شر …غزال والشر زال <وش تبين
:
الصور تاخذ العقل ماشاءاالله
ابي اقتبس اللي جازوا لي (أأجز) شي < plagiarism علني..طراه انهم غاثينا فيه هاليومين بالكوليج
:
"Snowflakes"
روعه هالصوره خرافيه بكل المقاييس .. حبيتهاا…تمنيتها اكبر وتفاصيلها ادق
كنت احسب شكل السناو فليك هذا مجرد تصور وانها في الحقيقه عشوائية الشكل !
ودي احطهم بكفي
ابي المسهم
سبحان الخالق
:
"Goats Modelling"
سللللللم قلبهممم
حرام نسميهم خرفان هذول دلع
شي سوو كيوت
هذا اللي على راسها بكله؟
ووه يادلبي
متحمسه لقصتهم
:
"E l e g a n c e"
ماشاالله سو كيووووووووت ياربي احفظهااا .. تهبل الصوره بكل تفاصيلها وجود محليتها اكيد
"ملاحظين بس حركة اليد اليمين؟
كنها مطلعتها مع دريشة ددتسن 82."
هههههههههههههههههههههههههههههههههههههههههههههههههه
الله يرج بليسك
:
"The Cover Guy"
هذي قلنا راينا من قبل فيها
creative!
:
"Bye UK"
حسيت فيها كمية حزن قبل اقرا الكومنت
:
"Enrique"
روعه
:
"BB Addict"
انتشاره غريب هالجهاز ! .. بس غريب ان ما طرا لي اخذه يمكن لاني احب التميز <البااب
يمدحون الآي فوووون
:
الصور ممتعه لابعد درجه
الله يسعدك يا مولي
انت مبطي ماكتبت وانا مبطيه ماطبيت أقرا لك
ماتشوف شر وادهر في شم الفقس
الصور شي ..
.
صورة الوزز ولنددن وقت المطر
والخروف الملقب بالفريان ي
صورة جودي مع الغنمات
الله يخليها لك….
أنا مفكره أعرس هالسنه
..
.
~>أتميصل بس
السنه هذي ببدى أنفذ مشروعي الصغنن اللي لي سنه أخطط له:)
وترى سرك في بير بس لابطيت ماكتبت بنعلم
!Forget the yesteryear.. Live the New Year to the maximum
وكل عام وانت وجودي وامها بخير
~>3 وردات
ماشاء الله كل صوره تقول الزود عندي
وفيه صور حسيت انها تركت اثر عندي مثل االي رومزتلها الظاهر بلوحده
معليش ابحفظ كم وحده منهم عندي على الجهاز ..
ابستخدمها باكقراوند لسطح المكتب
وكل عام وانتم الى الله اقرب
ياااااااااااااناااااسي تزنن بسم الله عليها ماشاء الله
أكيد قمرونه سِميتــي حبيتها وربي
الله يحميها ويخليها لك يارب
تصويرك رائع
والأروع تعليقاتك اللي تونس الله يونسك على هالظهر
السلام عليكم مولي
>>>> متابعه منذ مبطي واول مره تسدح تعليق
كل عام وانت بخير
صووووووور ولا اروع ولا احلى ولا اجمل ولا اطلق
تحيااااتي
هههههههههههههههه
سنه سعيده عليك وعلى عائلتك واحبابك واصحابك واعضاء مدونتك
صور حلوة، وامنيات احلى لكن بليز لاتعلب حديد لأنك لو لعبت حديد رايح تنشغل عن المدونة
ولاتنسى تترجم الكتاب بالعربي، من باب الإلتزام الأدبي تجاه لغتك الأم وكذلك من باب المسئولية الإجتماعية تجاه الناس اللي ينتظرون منك شيء
الا على فكرة بكم الخرفان عندكم؟ وش رايك تصير تاجر مواشي وتصير من هوامير البلد!!
كل عام وأنت بخير يا مولي
وعساها سنة أفراح وانجازات يا رب
الصور كلها حلوه
الله يحفظها تجنن بسم الله عليها
بس صور جود
قلبوووووووزه وهـ
احلى تدوينة
عشان شفت صور اكثر من تصويرك
يعطيك العافيه
مرحبا مولي << تشوفهم ينادونك مولي وبتقلد
سلامات ماتشوف شر
كل عام وانت والجميع بخير
اول مرة اكتب تعليق , من فترة طويلة وانا متابعة بس من بعيد
وش هالزين وش هالتصوير الرايق !
تحمست لمماعط الشوش اللي بالخلفية
الله لا يضرك ماشاء الله الصور روعة وجود بسم الله على قليبها زادتها حلا
عسى الله يحفظها ويجعلها قرة عين لكم وتشوفونها باعلى المراتب ئادر ياكريم
اما المشاريع بالنسبة للسنة الجديدة كل سنة اقرر واخطط لمشاريع وش كثرها واذا قضت السنة وراجعت حساباتي لقيتني ماسويت شي
.. ( فيه احد منكم يصير معه نفس الشي؟ )
هالسنة منيب مخططة الا لشي واحد وهو اني اركز بشغلي و انسى السنة الماضية بكل تفاصيلها تماما لأنها كانت سنة سيئة ومتنيلة بستين نيلة لاعادت
يعطيك العافية والله يحقق امانيكم ويجعلها سنة خير على الجميع
السسســللآلآم..
أقولل مولي أنت تصويرك ألـــــــيييييم
الصور الثآلثة شيي بسس ورا ما رحت لعاصفير الحب الي وراها وسلمت عليهم
The herdsman فــيها خاالد!! الحين ليشش يومنك تصوره طرا عليه يغسسل وجهه!؟>>
اييه ولا جوود وهي تقرآ الكـتآآب
طالعتن على أبوهاا وتفككر بعد وتتمعن 
أهنييك عليهآ ما شـآء الله
وصـورة الكووب في ستاربوكسس إبدآع بسس السموك ذا عجزت أعرف أصووره
وهــي عند الخرفاان جمييلة ياناس تنبسسط معهم حط لها وااحد بالحووش .<>وش تبين غير التفوق؟!
>>آخـ،ر سننه
وبصصص و يعطيك العافية
اول شي سلامات وماتشوف شر
والصور رووووووووووووووعة وخصوصا جود الله يخليها لك
وسنة سعيدة ومليانها انشالله حب وسلام
السلام عليكم..
كل عام وانت بخير مولي..
الصور جدا روعه..
وأكثر شي عجبني
Bye UK
London under the Rain
حسيتهامعبره<>
Jude’s Feeding the Sheep
وكل صورها تجنن يالبي قلبهابس..الله يحفظها..
حياك الله مولي ..
منووووور اكثر شي
وجوووود لبى قلبها بسم الله عليها
عن جد حبيت تصوييييير ك الخرافي
تبارك الله الصوررررر مررررره كييييييوووووت
والثلج واااااااااااو
اخووووووووووي المزكم, شكلك عديتني با حبيب اخوه
الصوووور راااااااااااااائعه وخاصة 11 و 21 لووووول لأن خيشتي فيهن
بس ياخي بالصورة 11 كنت مرة مغسل وجهي, تصدق حتى انا ما عرفت نفسي
بس والله الصور الييييييييييييييييييييييييييمه اليييييييييييمه اليييييييييييييمه
ااااه ودي امطخ خدييييييييداتها ماشاءالله 
واحلى شي جووووود يا بعد شرايين وعيون وخشاشيم عمها
merry Xmas bro, and Happy new year
that’s true lets open new page
I loved ur sentence” Forget the yesteryear.. Live the New Year to the maximum”
اولاً ماتشوف شر ..والله يقوويكـ. .ويعطيك العافيه ..”
وصراحتن عليكـ تصوير انما اييه وكاميرا قدعه جداً
وبجد احسك محترف ..و تجيب الصوره جييب
وخاصة مع الطيور .. شا العلاقه بينكم .. واحد فوقك وواحد متخبي منااكـ
بس بجد صور روعه
ويا لبى قلب جودي سميتي
الله يحفظها ويخليها لكم..
وعقبال ما تفتح لها مدونه لها الحالها ..
ويله الله يقومك با السلامه وماتشوف شر يا مولي
ملاحظه بس : رد picky طويل حبتين
السلام عليكم ورحمة الله وبركاته
كل عام وانت وعائلتك بخير وجميع الاعضاء بخير وصحة وسلامه
وسلامتك ما تشوف شر لا تعدي جود وامها بس
الصور جدا رائعه
وخاصه Snowflakes و Gold Fever و Jude – 1 و Bye UK
موولي نسييت أقول
ترى حفظت بعض الصور بجهازي عادي صح؟!
>>أجل وششوله تقولين 
وصـورة الثللج
(خوقاااقية) وخنفششارية على قولة خالد 
ولندن جمييلة
>> 
بكككل حالاتهاا
و القـراررات الي بسسنه الجديدة عممل خيري أن شاء الله صغنون عل قدي أنا وصحباتي
>>دافورة 
وأششد حيلي بدراستي
هلا مولي
كيف الحال وما تشوف شر
ليش كل هالغيبة
بس يالله مسموح
صور روعة والتعليق أروع
تسلملي جود الله يخليها لك
اليوم فيه تدوينه
اول شي اتمنى من الله يجعلها سنة سعيدة لك ولمن تحب
حافله بالانجازات والنجاح والتوفيق ..
ياا نااااااااااشو يا جود .. كبرت وحلوت
تدوينهـ ممتعه كل ابو الامتاع الي ممكن ينكتب ويتعبر فيهـ ..
>> انبسط كثير و انا قرا لكـ
خاصه وانت مختار Spice Girls وربي وحشوني
تعرف كيف تلمس قلوبنا بكل حرف وكل صورهـ ..
شكرا لكـ
من الاخر …………. والله يا انت لغز
أهلين وسهلين
الحمد لله ع سلامتك مولي
وكل عام وأنت بخير وجميع أعضاء المدونة
أتمنى سنة سعيدة للجميع
معليش تأخرت بالرد لإني ماني قادرة أختار آحلى صورة
ماشاء الله صور جود كلها حلوة وخفيفة دم
واضح أن شخصيتها مرة حلوة ، خاصة إن صورها تحس إنها تتكلم عنها
وهالشيء نادر وآحلاها
When she was looking at you with eyes full of feeling
touching one
بالإضافة إلى صورة Bye UK
والبحر والسنو
مره حبيتهم
ألف شكر لك مولي
ولا تتأخر علينا
انبسط بالعطلة
ودي اقولك سر غير سالفة الصور الي اكوس شي بالعالم
انا معجب جدا بشخصيتك موليكلو
وكل موضوع تنزله يقطر ملح وحلا
موب يقطر الا يصب الله يوفقك اخي كل شياتك كويسه >> شياتك جمع اشياء مدري جمع شي
وشكرا
اول شي اهليت وسهلين مولي…وكل سنه وانت طيب يارب..
ثاني شي يقولو عندنا >>من طول الغيبات جاب الغنايم>>والمره هادي غنايمك مجموعة صور ههههههههههههههه الله يعطيك الف عافيه,,,وبصراحه الصور رائعه بس تخيل للاسف من الصوره 24 للاخير ماطلعت عندي,,,ومرره انقهرت وحاولت احدث الصفحه ومازلت المشكله,,, اتمنى اقدر اشوفها,,,
وبجد ماتتخيل قد ايش افرح بتدويناتك الجديده وانتظرها على احر من الجمر ..
وترى انت اللي توقطر موقطره من الملح…ياااااااااااازينك
غلى قكره ترى احلى صور صور جود يارب تحظها لك….
وانا عجبتني صور الخريف,,,
ولو صورت علبة الفكس تكمله للصورر
Best Blog ever thank you for reminding me how much I love this blog
مولي
الحمد لله ع سلامة المدونة ، وشكراً لأن راحتنا تهمك
بس رد علينا عاد حتى لو تشكرنا وتقول برجع أرد
اشتقنا لك حيل
سنة حلوة عليك
أخيرا عرفت اسجل
تقوم بالسلامة إن شاء الله من الزوكآم
تكفير ذنوب إن شاء الله << دايم الشيبان يقولونها
Jude’s Feeding the Sheep
وهـ بس ..
تسلفني إياها
مبروك عليك الـ 5 <<< من زمان بأقولك إياها بس توي اسجل <<< قصدك توك تعرف
سنة حلوة عليك وعلى اللي تعرفهم إن شاء الله
وإن شاء الله سنتنا تبدأ بعيد على الفقر
تدوينة حلوة في مدونة أحلى
+ To my favorites
ممكن تحط لنا رابط تحميل الأغنية ولا اسم المغنية واسم الأغنية
لكـ ..
بمنـــاسبــة عيــد الكريسميــس
حآبــه اقول لكـــــم ” كــل عــام و احــنا مــآ لنــا دخـــل ”
وعســـى أيــامكم وسنونكـم (( سنون جمع سنة – جمع ملحووس )) كلـــها سعــادة و هنــا و جميــل
وسلامتكـ يــا مسـتــر مولــي أجـــر وعــافيــه || ترى يمدحون الزنجبيــل بس يسبب حريقه في حلزقك
||
والصووووووور اليمــــــة و أألـــم شي صورة رقم 20 >> يالبى الشباصه والشدوووق يا نــاس ..~
بالنسبــة لجديدي في السنة المقبلــة >> ارحمينــا يا مسلمه إنتي وجديدك
1- راح اخضع لعمليه فرمتـــه لانـــي من جــد بديت اهنق واخنبق واجـــد
2- ببدأ بإجراءات الخُـــلع بين اسناني والبريسيز اللي ناشبن فيه من مبطي
3- ************ >> مشروع محجوووب لاسباب امنيــة ..~
وشيكـــــرن من الرياض لـــ لندن ع التدوينـــه الجميــلة ,, ما ننحرمـــش
happy new year
الصور خطيييره خصوصا lady bird
و bye UK
thanx
مجموعة مميزة وتعليقات أجمل …
حفظك الله وسنة مليئة بالأفراح والإنجازات
تصويرك خرافي وجهدك أشد اخترافي
أهنيك حقيقة بالفوز وبالمدونة الجميلة
تحياتي
الله الله يا مولي يمين ابداع > تحسه يعلق على مباراة > بدينا شغل المصالة
صور حلوة واكثر ما عجبني The Cover Guy مضبوطة صح
بانتظار المزيد من التدوينات يا بطل
ترى ما كتبت الرد الا يوم قريت الكلام اللي احرجني اللي هو : حي الله R7MANY ، وش هالملح؟ .. ترى من سجلت في المدونة و ملحك يقوطر.. > يمين بالله امزح ما يحتاج واحد يقول وش يبي ذا القروي
لله درك
<<لالا اقصد مببببببببببببببببدع ماشاء الله تبارك الله
وسنه حلوه يااااااارب<<شخباااااااااااااااااري
!Forget the yesteryear.. Live the New Year to the maximum
I’m doing my best ^_^
I just love London more ,
May God bless Jude
أبداااااااااع … فوق الخيال …
بالصراحه قمة الصور ..
ودي أمدح وأقول بس مأدرت …
موفق خيووووووووووووووووووووووووووووووووووووو ….
معلييييييييييش مرررهـ بططططل تصويرك
بجد بجددد إنت خطييييير ^.^
آهنييييك وآلله .. إستمرررر يَ مبدددع