مدونة موليكيلو – moleculo's blog

Responses to “Posters U won’t C in Ur lifetime”

1. 
   anosah 23.02.2010 at 12:46 am

   البوسترات توجع ! تعور !
   خاصة إنها مفاهيم بدائية في المجتمعات الأخرى و لا حتى هي مجال للنقاش !
   تدوينة رائعة !

2. 
   BAD3R 23.02.2010 at 12:46 am

   رووووعه يا مولي فعلا مجتمعنا يبيله علاج بالصدمات والكهرباء احيانا بس فيه شغله مدري تتفق معاي فيها والا لا الا وهي انه قبل ما اغلبنا يصير يحب البلد وقبل ما اغلبنا نصير نحب بعض وقبل ما اغلبنا يترك اللقافه اللي تفقع القلب ما اتوقع نوصل لاي شي من اللي ذكرت.

   مجرد راي ..

   يعطيك العافيه ولا تبطي علينا بتدويناتك الرائعه

3. 
   بدر الشايع 23.02.2010 at 1:22 am

   بدينا يامولي بالدق على ديرتي ( بريدة )

   والله انا معك فيها جميعاً , إلا سالفة السواقة حقت الحريم , ياخي وش تبي تصير شوارعنا زود على اللي فيها الحين , لو يقننون القيادة ومافيه مبزرة تسوق وعمالة ماعمره شافت سيارات وتجي تسوق بشوارعنا ذاك الوقت يحلها حلال …

   ليتك بعد زودت الصور عن سالفة الموظفين والتعامل المقرف وكذلك الشرطة وشوارعنا وشواطئنا وتعليمنا أو أقول شكلي بتعب وأنا أكتب هالملاحظات

   دمت بود ياعزيزي

   أبو لجين

4. 
   Ч a s м ι и 23.02.2010 at 1:42 am

   آآآي آآآووو أأأه !
   آآآوتش!
   آآآآآآوتش تشارلي قصدي موليكيولو !
   آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآوتش موليكيولو !..
   ذاتس ريلي هيرت!
   << لا تنسى اللهجة الماصله

   والله في الصميم ! أعجبتني الفكرة جدا
   تقبل مروري الاول وادري اني نورت الحته

   

5. 
   samt almasha3er 23.02.2010 at 1:44 am

   الي فوقي وخر بس يعني احنا الي بنضيق عليكم بالعكس نفتك من السواقين وبتخف الزحمه

   أهلن بأبو المول
   تراي اندمجت بالصور وبديت افكر لو صارت صدز نبدأ بأول صوره
   ياخي مابي سينما ليه كل ماقلنا نتطور قالوا ((السينما بالسعوديه ))مانبي <تحمست
   نبي جامعات مستشفيات فيه كوادر سعوديه ميه بالميه شي نفيد منه مجتمعنا العاطل ونستفيد منه كشعب
   المترو ترى ماغرت من حق دبي ولا ودي به اليوم قببل بوكره

   السواقه يبيلنا سنين عشان يستوعبون رجالنا هالفكره ومنها افتك من انيس وطقته
   كلام نواعم وراك حاقد عليهم بالعكس برنامج جماهيري ولازلت مواضيعهم قويه وتشدني دايم

   مباريات المنتخب ياليت والله

   أكره الهاله الاعلاميه على الهيئه كأنهم هم العاهه الكبرى على مجتمعنا ما كأنهم هم وجدوا ليحمونا

   البطاله وما أدرااك مالبطاله

   اوبرا لا وين ببريده أويلاووووه صدز حلم ابليس يالجنه
   شوكرن ابو المول وقصم طقتن الغلقه كم يبيلنا سنه على مانتطور <مابي سينما ولا اوبرا بس اسووق

6. 
   deferredman 23.02.2010 at 3:20 am

   هههههههههههههههههههههههه
   إبداااااااااع
   (عليك بتشجيع المنتخب .. وعلينا مساعدتك على ذلك) …. يرحم أم المخ إللي طلع هالعبارة رهــــيــــبة
   الصدز عاد كل البوسترات حلوة خصوصاً مسرح بريدة الأوبرالي .. رغم بريداويتي لكن جاز لي البوستر .. حسيت حقين الخبوب جايين يشوفون العرض ههههههه

   يا أخي أنت رايق … ودي أصير صديقك >> شلون ؟

7. 
   tart 23.02.2010 at 4:02 am

   اهلين موولي,,
   تصدق قلبت عليا المواجع,,,,
   مدري متى بيكون عندنا سينما,,,وتصدق عاد مانبغى نسوق والله بس اهم شي يعرفون فينا ,,,يحنو علينا من البطاله اللي بتزيد وربي توجع قلبي,,,
   لا ومعاملتنا برة السعوديه وتقول وباء,,
   ولا الكورة اشوف اخواني كل يوم بطاقه واشتراك ,,,ومعاملة رجال الهيئه ,,,آآآآآآه موليكو….
   يااموليكو لو بديت اتكلم راح الف مدونه ثانيه,,,
   بس عساااااااااااااااااااك على القوة..

8. 
   dm3t7zn 23.02.2010 at 4:09 am

   هلاااابكـ ابوو المول ,,, يالله ان تحييهـ ,,,

   موضوعكـ هذا ,, يسوي كذا للواحد…

   كله كوووم,,واللي تكلمت فيهـ ,,,وانه نعيش على حلم ,,,ومهاترات ونقاشات ودوائر للحوار وبالاخير تكون بحلقهـ فارغهـ

   من جد صدق يعني حلم ابليس بالجنه

   كل اللي فالحين فيهـ شفط بهالفلووس وحنا نحتري الشئ الصح ,,,ونبيهـ ولانشوووفهـ يسكتووونا بس ..

   بس سالفة السواقهـ من جد ,,,ابو القلق لو ساقو الحريم ,,,,الحين ,,هاللي يسوقون عندنا خلهم ينتظمون ويعرفون لانظمة المرور صح بعدين يحلها ربكـ مو تجي بالاشاره عشرين وااحد صافط قبل الاشارة بامتار ,,,اقال انه ماقطعهآ..اللي يسويها ودك تقول به تسذا

   والا سالفة ,,السعوديين برا ,,شئ يقهر بصرااحهـ لاشفنا اللي غيرنا يعاملون ازين منا ,,,,ليه حنا وش ناقصنا ,,, قهرررر

   بس الحين ماودك تغير رايك بالاوبرا ,,,,الحين خلقهـ بريدة منتفشين تبيهم ينتفشوون زيادهـ

   ابو المووول فوووتكـ بعافيهـ اشوفك على خير وتزدح ,,بخير ,,,وسلم على جووود

9. 
   Amal-S 23.02.2010 at 5:45 am

   جايز نشوف أحسن من كذا .

10. 
    dont deff 23.02.2010 at 8:31 am

    اهلا د.مولي

    بصراحة فكرة رائعة ومميزة… لكن ما تلاحظ انها فنتازية شوي.. لا لا مو شوي الا كثييير…
    بس ومالوو.. خلنا نحلم دام الحلم ببلاش

11. 
    SuPer Woman 23.02.2010 at 8:39 am

    اهلاً مولـــي ..~

    جبتــها ع الجـــرح بصراحــه ,,

    من امنياتي القلبيه اشوف السعوديـــة متطوره ولو في حاجه وحده بـــس >> مانيب طماعه

    وضعنـــا مزري ومأساوي والسبب كـــله من الواســــطــه ..~

    وعلى قولة ناصر القصبي ان المترو ما راح نشوفه الا في 9\9\9999 يعني اذا حجت البقر على قرونها

    بالنسبة للسواقـــه انا كنت بالبداية من انصار هالفكره لكـــن بعد ما استوعبت الفكرة عارضت وبقوووووه

    ودمت بووود

    تذكرت جووود يوم شفت الشووز البنكي(( الله يكرمكم )) يا لبى بس ..~

12. 
    SuPer Woman 23.02.2010 at 8:45 am

    .. Oops

    نسيــت اقولك (( الله ميـــر يحييــك في وطنك الام والاب والاخت وكل ابو شي

    حـــتــنور الخرابــــه يا باشا ))

13. 
    fouz 23.02.2010 at 1:31 pm

    درس التفكير خارج الصندوق

    مبدع مبدع مبدع

    لو بس يصير منك نسخ كثيره شوي

14. 
    BaRcaAaWey 23.02.2010 at 4:43 pm

    أهلـ ي ــن مــولــي

    أخــ ي ــرا عــ ط ــيــتــنا و جــهـ <<< تشوف هالنك باليومين هذي بالمدونة يمكن ما تلقونه

    بــصــراحــة أحلام حلو إن الواحد يعيشها لكن عبدالمجيد عبدالله يقولك ( يحلمووووووووووون )

    يعني مو عشانك بالمملكة المتحدة تحسب زي هنا

    يعني مو عشان عايش بمملكة وحنا بمملكة تصير نفس الأفكار

    الحين مولي عندكم أغنية اسمها ( Dreaming ) ترا مترجم قوقل يشكي

    اللي باوصل له إن كل هالكلام أحلام لا يمكن تحقيقها أبد أبد

15. 
    Zora 23.02.2010 at 5:04 pm

    فنتاااااستك .. أبدعت و أصبت ..

    

16. 
    omar albori 23.02.2010 at 5:09 pm

    حي الله ابو المول

    مابي اتكلم صراحه عن روعه البوسترات اللي من جد خيااال في التصمبم والانتقاء بس بغيت اتكلم عن بعض من مواضيع البوسترات <<<ياكثر كلامي

    من ناحيه مترو وسينما وبطاله اغسل يدك ولاتنشفها صحيح ان الواحد ودة بهالأشياء بس لكن كأن واحد يقول في أّذني (تبطي)

    وسواقه الحريم طال وكثر الكلام عنها والشي ذا متوقع راح يصير وانا من معارضيه<<وجهه نظري الشخصيه تقبلوها
    لا لشيء ولكن لحفظ حقوق الانسانة التي تسمى مرأة

    بس النصر والهلال يبي لي ساعه اتكلم عنها والبوستر اوووووكيييه

    سلمت يمناك على ماكتبت<<<يمكن يكون اشول

    ماتوقعت يابو المول تسمع لمايكل بوبليه

    صمت المشاعر/ روحي اسرقي موتر ابوك وخذي لك فرة في الحارة

17. 
    sweetheart 23.02.2010 at 5:55 pm

    ياهلا

    بـ إختصاااار روعــــــــــــــــــــة

18. 
    SomeOne 23.02.2010 at 8:16 pm

    صراحه انا استغربت من بوستر كلام نواعم
    انا ما اتابع البرنامج ولا لي أي علاقه فيه
    لكن حسب ما اعرف إنه كمل سنوات
    والبرنامج يمشي على طريق علاج مشاكل وسلوكيات المجتمع
    بغض النظر عن سلبيات البرنامج و((الثرثره والسواليف اللي مالها داعي )) ويعيبه عدم التجديد .. إلخ
    لكن كأني شفت إعلان عن نسبة المشاهدين المرتفعه جدا ً

    احس من الظلم إنك حكمت على فشل ذريع لجهد ناس ( أضعاف هالأربع ) ورا الشاشه من إعداد وإخراج وإعلان وإداره وضخ مالي ، بإنه “فاشل”
    انا من هالمبدأ تضايقت ، يزعجني كثير إذا كان شخص تعب على أي شي ( تحقيق حلم ، إنتاجه لأي شيء ) ويجي الإنتقاد بكل بساطه و يكون هالإنتقاد هادم !

    بعيدا عن مسأله الثقه اللي لها علاقه بهالموضوع

    لكن انا ماقلت هالكلام إلا لمعزتك وثقتي بأفكارك ومبادئك

19. 
    iNdoOo 23.02.2010 at 8:42 pm

    

    قصصصم بالله ان البوصطرات أفلل شي

    خصوصا متروو جده

    منجججججججد شر البليه ما يفطططس ضحك

    يعطيك ألف تلريون عافيه يا فنان !!
    

20. 
    Miss~BuBu 23.02.2010 at 9:09 pm

    أهنيك مولي

    تدوينة قوية ومعبرة ….

    

21. 
    7anno 23.02.2010 at 9:53 pm

    اصيييييييييح والا اصيييييييييييييح
    وربي من جد بوسترات ما اظن نشوفها بحياتنا نهائياً !!

    اللي بالصميم من جد، البطالة يا الله يا هي موجعه
    واللي تحتاج “كسر للصندوق” عشان يفكرون “برى الكرتون (احس هذي تصلح اكثر)” السينما والقيادة، وربي لو بس القيادة، راح نرتاح كثير!

    صحيح مرات اكون ضدها، لما تصير لنا مواقف، بس بعدها اقول ليتني اسوق كان ريّحت اهلي وارتحت..

    مولي، مترو جده؟
    انت متأكد مترو ماهوب Submarine

    الله يسعدك دوم يا رب.. والله ييسر أمورنا ويحقق لنا شيء بسيط من كل اللي عرضته بالتدوينة هذي..

22. 
    fto0oma 23.02.2010 at 10:23 pm

    أهلآآآ مولي ~

    مبدع كعادتكـ ،، أكثر شي جاز لي بوستر الهلآل

    شكرآ عالهتدوينه الرائعه

    وتوصل غانم سالم لآرض الووطن ،،

23. 
    Jodiy crespo 23.02.2010 at 11:22 pm

    اويلاو على اختي المواطنه مع القياده ..واااخ بس على مهرجان السينما
    ياخي قسم هذا حلم الا خرافه اصلن ماظن انه قد طراء على بال احد يتخيل بس تكون عندنا ها الشغلات يا امولي
    اييييييييييييييه <<من قلب

    نقول يارب على الأقل اذا مو بوقتنا بوقت عيالنا هذا اذا ما عجزو ولسى ماهوب صاير شي
    ياربيه بس عورت قلبي ع هيك مدونه .. احنا ويييين والعالم ويييين
    الله المستعان
    عواافي والله يا مبدع .. مدونه ولا احلى

24. 
    MJNONK 25.02.2010 at 10:40 am

    ,

    و لآ بالاحلام يتحقق شي من اللي ذكرته ..
    خصوصا ان النصراويه يعترفون بان الزعيم افضل منهم بكثير ..
    مدونه رايقه .. اعجبتني حيل استمر ..

25. 
    حنان 27.02.2010 at 10:53 am

    مبدع مولي
    من جد لو فيه منك 100 بالسعوديه باسلااااااام
    كان صدق صار ذا الشي وماصار بس خيال
    بس ندعي ربي يتحقق لوبعد 100 سنه

26. 
    ahm1h 27.02.2010 at 8:11 pm

    مرحباا مولي ..
    البوسترات فيها تعبير رائع وحسب والاروع لما تكون واقعيه
    مشكلتنا دايم نحبط انفسنا ونقول مستحيل وخيال بالعكس انا متفائله جدا
    انه بيجي يوم ويتغير هذا كله

27. 
    lady-11 3.03.2010 at 10:32 am

    صباح الانوار

    اما مترو جدة,, الاعجوبة الثامنة

    بس عتبت عليك, ليه كذا مع النصر مساكين هم بروحهم متحطمين ومتهزأين يبيلهم تهيئة نفسية للمواجه الهلال, وبعد كذا يهيئون للتهنئة.

    المهم لبى قلبها صاحبت الحذاء الزهري

    مولي المزيد من الابداعات

28. 
    Rapier 3.03.2010 at 7:36 pm

    يعني لازم تجيبون سيره النصر في كل شي ؟؟؟؟؟؟؟؟؟؟؟؟؟؟؟
    واحب اقول لكل سعودي يحلم زي هذي الأشياء : من جدك انت ترى حنى بالسعوديه مو اليابان

29. 
    sweetheart 7.03.2010 at 12:55 am

    مولي لايزال الإبداع مستمراً
    شوف هذا الموضوع
    http://tomaar.selfip.com/vb/showthread.php?t=138939

30. 
    Sarah Albugami 8.03.2010 at 3:22 am

    رائع جداً من جد ابدعت ما شاء الله ومن جد حلم مستحيل يتحقق
    تدوينة مميزة ما شاء الله ~
    تقبل مروري/ ســـاره

31. 
    Thinking correctly 28.03.2010 at 5:51 pm

    الســــلـآآآم عليـــــكـــم
    Posters Awesome
    بمــآآ انــكـ تحب الطـرق المبـآآشرهـ
    راح نكتــب هيــكـ
    الفكــرهـ مرهـ حلوهـ . كثيـر من الـى بيسعــوو لـ رقى المجتمــع بـ يتطرقو لهــآآ .
    وتختلـف الأسـآآليــب …
    حبيت اكتــب تعليــق لكــل بوستــر .. معليــش لو فيــه ازعــآآج

    اول شئ سينمــآآ ..و.. الأوبــرآآ
    يمكـن لو اتغيــر الشعـب كلــه فيــه احتمــآآل الفكرهـ تكون منــآآسبــهـ
    بس فـي هــآدآ الوقـت ما راح تنفعنــآآ ولاا تعـدل شئ
    فـ لو استبدلناها بـ المشاكل والنقص الى يعاني منـه المجتمـع يكون أفضـل

    متـــرو جــدهـ .. العطــآآلـــه .. احتــرآآآم السعودييـــن .. كــلـآآآم نــوآآعــم
    10\10
    نتمنـــــــــي

    اثبــآآآت لـ هيئـهـ الأمـر والنهي عـن المنـكـر ..!
    أي شخـص لـه الأحقيـه بـ الأمر بـ المعروف والنهي عن المنـكـر

    اختــلآف في الرأي لا يفســد للـود قضيـــهـ
    يعطيـــكـ الــف العافيــه

32. 
    DW 4.04.2010 at 11:47 pm

    ياخي وريتنا عالم جميل.. متى يتبلور لواقع نعيشه

33. 
    eman 13.04.2010 at 4:08 pm

    موضوع حالم وابو الفله
    وخصوصاً السينما ياسلام سبق وكتبت مقال عن السينما بالسعوديه موجود بمدونتي..http://eman222.wordpress.com/2010/04/11/162/
    واتذكر اطلعت عليه رئيسة تحرير عكاظ قالت لي من يسويلك سينما القصبي والا السدحان الله يسدحهم

34. 
    Anoudito 19.04.2010 at 3:40 am

    الحلم قد يصبح حقيقة يوماً ما

35. 
    dr.hanan 22.04.2010 at 5:24 am

    السلام عليكم

    مولي

    أحييك على هذه الأحلام الراقيه

    /

    وَ هنا أشكرك على تحقيق حلمي الأزلي

    بــ/إعطااااء كلام نواعم شلوووووت داعس 545455كيلومتر في ال6 ثواني الماضية من عمر المشاهد!

    االلآآآآآآآآآآآهي حلمي تحقق بالحلم

    ^
    ^
    ^
    ^

    حلوه الفكره

    (لنحقق أحلامنا بالحلم)

    اممم تنفع عنوان حمله صح

    /

    أستاز مولي

    نعتزر إن زل لساني في هازا المتصفح

    لكن جو الخبر يعج بذرات محملة بمادة الانثرتوباكي مما يسبب التناحه اللا إراديه

36. 
    Misshudgensksa 25.04.2010 at 1:14 am

    (لنحقق أحلامنا بالحلم)

37. 
    goodfeeling 28.04.2010 at 10:48 pm

    طرحك للموضوع روعة ——— وهذا شي مو جديد عليك اصبحت سمة ملازمة لك ……
    ولكن لدي تعليق …………… قبل أن يسمحوا للمرأة السواقة يلزمهن غسل عقولهن —-
    بصراحة البنات أنا عارفة وضعهن لأني اعيش بينهن هنا خاصة في السعودية ………….
    ثقافتهن محدودة في اطار معين وحلقة معينة ((ليس الكل )) فقط العموم الظاهر …..
    ستكثر الحوادث لأنها ((كل شوي تناظر للمرايا وللميك اب)) تهتم بالخارج والداخل فارغ …….
    تناقشها — تكلمها كلمتين (( ضياع وتشتت )) ((خليها تقود نفسها وشخصيتها )) بعدين تقود سيارة …. يسامحوني البنات ………بس هذا رأيي مع أنني اكثر انسانة احتاج لقيادة السيارة ولكن هناك بديل ………. وليس كل البنات مثلي ………….وبالنسبة لدار الأوبرا خسارة فلوس مااااحد راح يجي لأن مجتمعنا ما يقدر ها الفنون وهذا يبغاله ناس رايقة ومعاها عامة الشعب لا ……… خاصة احنا في بلد الحرمين والسمة الظاهرة في المجتمع ان هذا حرام وما يجوز ومن ها الكلام إذا دخلت في مكان عام ورن جوالي اغنية يناظرولي كأني ارتكبت جرم واني انسانة ((صايعة))
    مره حالم انت هههههههههههههه .. احلم ياخويا كمان ان بدلنا الشماغ بالقبعات الامريكية تخيل … مع الثوب مره كشخة

38. 
    Prince 1.06.2010 at 5:22 pm

    اخ شو اقول بس في الصميم بجد تهئ

    متى بنتغير بجد متى بنصير ننافس الدول الكبرى

    متى بيتغير تفكيرنا <<< مو انا ^0^ الجحلط الي بالبلد <<< لا حد يسمعك

    بجد صراحة صراحة ويش اقول تهئ غير انه

    My Heart Is Broken بجد

    نبغى نصير افضل بدل ما نحلم نحقق الي نفكر فيه الله يعين ويهدي هالـ.. هالـ..

    خلني ساكت لا اصير في غوانتنامو اليوم ^0^

    تسلم بجد طلعت حرتي ولو جزء قليل منها

    المفروض بعد سويت كذا مول او سوق وكتبت عن العوائل تهئ حالنا يحزن

    انا شكلي بهاجر <<< خفض حسك بس

    ^0^ يارب شسمه الي ببالي يشوفوها وينصدموا شوي ويحسوا بإلي هم فيه

    خاصة عن الهيئة ……… مرة في الصميم فلة ^0^

39. 
    Prince 1.06.2010 at 5:58 pm

    موضووع حلو بجد ادبااااع ^0^

40. 
    7lm 29.07.2010 at 6:53 am

    اخ ياقلبي ..
    بس !! متى بنتطور!!
    متى !!
    وصلنا 2010 و أحنا أخر العالم تطوراً بكل شي وبكل القطاعات للأسف
    و أذكر بداية الترم اللي طاف كانوا بيجون يشوفون جامعة سعود عشان يصنفونها من أفضل الجامعات عاد دكتورتنا تدورر بين القاعات ووراها العاملات ينظفون ولا دخلت علينا عاملة بنص المحاضرة تقول لها نظفي ههههههه والمشكلة انه المبنى بكبره مافيه تكييف وبعز الحر!!
    وبالاخير محد جا!! تصور !!
    ومن جد لا دراسة لا تطور ولا شي !!
    وحنا لانزال نعيش احلام اليقظة لعلها تخفف شوي عنا!!
    ولكن لايزال هناك أمل لايزال هناك أمل
    

Trackbacks

1. Fake Posters « Saudi Jeans

ورى ما تسدح تعليق؟ .. ترى ببلاش..

معليش يا عزتي لك.. لازم تسجل دخولك عشان يمديك تسدح تعليقات.