. موقع Philip .
يمكن بعضكم يذكر صديقي العزيز و أستاذي عازف الغيتار المعروف Philip John Lee.. و اللي سبق أجريت معاه لقاء مصور (هـنـا).
اليوم Philip أطلق موقعه الرسمي! 
و بصراحة موقعه جدا خطير، و جاز لي جدا.. ودي بس أعرف من اللي مصممه.. انا اشهد انه مملوح! 
الموقع فيه أقسام متعددة، و قريبا جدا حسب ما فهمت راح يتم افتتاح سوق رقمي في الموقع، بحيث يمكن لجمهور Philip شراء معزوفاته و الـ تابليتشرز و حتى لوحاته من خلال الانترنت!
لزيارة الموقع الرسمي لـ Philip John Lee اضغط هـــنـــا
صراحة خطوة افتتاح موقع رسمي جاءت متأخرة جدا من Philip، فكل الشخصيات المعروفة في العالم باتت في حاجة ملحة لأن تسوق لأنفسها و تنشر ابداعها الفكري من خلال الشبكة العالمية..
لكن مثل ما يقولون.. كل تأخيره فيها خيره..
أتمنى له كل التوفيق لأنه انسان رائع بكل ما تحمله هالكلمة من معاني و يستحق الأفضل!
على فكرة.. يمكن كثير منكم ما يعرف هالمعلومة..
تدرون ان Philip هو مؤلف و عازف هالمقطوعه التي تعتبر في رأيي المتواضع من أشهر معزوفات الرومبا في التاريخ الحديث؟ :
Audio clip: Adobe Flash Player (version 9 or above) is required to play this audio clip. Download the latest version here.
و طبعا معزوفاته في مجملها تفوق هالمعزوفة بكثير..انصحكم اقتناء أعماله.. فيها Charm صعب ينوصف.. خصوصا ألبومه الأخير (The collection)، و هو في رأيي المتواضع.. أفضل عازف فلامينغو في العالم بعد باكو دو لوسيا!
اليوم عزفنا سوى.. و شخمط لي على واحد من غيتاراتي
أنصحكم بزيارة موقعه و تصفح أقسامه، و خصوصا محبي و عازفي الغيتار..
وااشوكرن!
تحديث: توفي فيليب في 7 مارس من العالم 2010م.. كم كان رجلا رائعا آلمني فقده كثيرا.. لا أنساه ما حييت
_______________________________
Responses to “. موقع Philip .”
ورى ما تسدح تعليق؟ .. ترى ببلاش..
معليش يا عزتي لك.. لازم تسجل دخولك عشان يمديك تسدح تعليقات.
كن صديقي فيذاك..
كلمة الأسبوع
الـصـيـف
إجازة ممتعة للجميع.. إجازة الصيف هي من أجمل مراحل العام حيث نرتاح قليلا بعد وتيرة دراسة أو عمل متسارعة.. نسافر و نتعرف على أماكن جديدة.. و نلتقي بالأهل و الأصحاب في الأماكن البعيدة.. المداومين في الصيف.. على الأقل بتخف عليكم الزحمة في الطريق.. انبسطوا بعد!
Loading ...
مولي ..
ماشاء الله عليك تعرف تعزف
هههههههههه واحنا مانعرف عنقليزي
زين منا نمشي بالعربي ههههههههه
بس موقعه حلوو
قوله تقولك المها مبرووك عليك الموقع بس حط شرح بالعربي فيه ههههههه
بالتوفيق مولي
المعزوفة اللي إنت حاطها هي من أكثر المعزوفات اللي حببتني بالقيتار!
فنان فنان فنان!
يتخيللي إنه راح ينشهر بعد ما يموت مثل أكثر المبدعين..
شكرا أبو المول
هلا والله المها..
.
ايه اعزف.. بس عاد منيب محترف.. اطقطق على قدي..
.
و بالنسبة للموقع، الله يحلي أيامك.. أبد أبوصل له مباركتك.. و أبقوله تقول لك مهية حط “سب تايتلز” لموقعك!
.
نورتي المكان..
يا والله بأبو كوب..
صدز والله؟ .. ابقول له هالكلام..
من ناحية فنان.. انا اشهد انك صادق.. لو تشوف وشلون يعزف الرومبا ذي مثلا.. شي عجيب..
لا و ذاك اليوم يقول لي.. مره سهله تراها.. وش رايك أعلمك وشلون تعزفها.. انت تجيبها بسهولة..
قلت له ما ودي أخيب ظنك طال عمرك..
هو بدى يسوق لنفسه بشكل أفضل الآن.. و الله يوفقه..
العفو يا الغالي.. ولو!
هلا مولي..
بصراحه خويك فيليب قليله عليه مبدع..والمقطع الي انت حاطه مااقدر اقول عليه ايلا يااااااااااااي
والموقع خطير..حاسه انه راح يصيرجدا مشهوور
الله يوفقكم انت وهو..
ومشكووور مولي..
هلا والله و غلا واني!
ما بغيتي طال عمرك!
اهم شي ان المقطع جاز لك!
بس مرررره اعجبتني (ايلا).. يا دلبو!
الموقع مره حلو.. بس عجزت اعرف من اللي مزينه!
..
شكرا يا ذوق..
و العفو.. ولو!
اهلن وسهلا بأخي وصديقي وزميلي وعزيزي…
شي خنفشاري الموقع.. والاخنفشر شي اللي صممه..
الى الامام ايها البطل.. حسيت انك بصف اول ابتدائي
ما شاء الله على خويك.. والله ياهو يدق دق اليم وانت بتصير زيه خخخخخ
بس قلة لا ينسى الوعد اللي وعدني اياه انه راح يدرسني
هههه
هلا و غلا أبو خلود..
يا شيخ انت اخنفشر خنفشاري شفته بخياتي.. قصدي حياتي.. انعفط لساني حسبي الله عليك!
.
اجل يدق دق اليم؟ .. يا شين اللي حدهم رابح صقر اذا جوا يمدحون عزف أحد!
.
ابد هو عند وعده بس انت تعال و يصير خير..
منور يالذيب..
ياااااااااااااااااااااااااااااااااااي ما اخقق من الموقع هذا الا ذاك
وبس <<حسيت ماعندي سالفه
يا هلا وغلا نوني..
اخقق شي هو تعليقاتك!
تذكريني بوحده من خواتي.. عسى الله يحفظكم جميع..
وت افعل يعني .. طيب اسحب اخقق شي واحط بدالها ما افتك من هذا الا ذاك
اتحدى لو اختك تجيب مصطللحاتي
الله يخليييها لكم يارب
بعدين من امس وانا اهوجس بالكليب حسيت اني قابله للابداع << ابيي قيتار مولي دبر لنا يمكن نطلع افتكه زي (فلبوبي )
نوني.. الله يرجك!
دامك قابلة للإبداع.. ابد ابشري بالغيتار.. تامرين أمر..
قصدكم يعني يجي مثل عبادي الاخطبوط الاخضر <<< بالله وش يبي هذا واحد يقوم و يرفسه
و الله يدق ابو جون
إلا هذا لو تعطيه عود وش بيسوي <<< كلاً على تفكيره
تسلم
سلاااااام
هلا و غلا سلمان..
فيليب جرب يعزف على العود.. لكن ما عرف.. يقول وشلون تعزفون عليه بدون “فرتس”.. اللي هي التقسيمات البارزة في رقبة الغيتار..
.
الله يسلمك.. نورت المكان..
دائما تبقى البصمه العربية و التميز <<< نعرف لازم يمدح ربعه
يعني على كذا العود اصعب يعني
تتقن العود = تتقن الغيتار
تتقن الغيتار =/= لا تتقن العود
و قل فيليبلازم يعرف للعود عيب كذا خليه يجيني ادرسه بس اخخخخخخخخخخخخخخخ
يعطيك العافيه
هلا و غلا سلمان.. الله يعافيك يا الغالي..
شخصيا.. لا اعتقد أبدا ان العود أصعب من الغيتار.. خصوصا مدرسة عزف (الفلامينغو) و التي ينتمي لها فيليب..
.
اسلم لأخوك..
تصدق عاد ,, تراي أحب الغيتار وأحب أعزف فيه ,,, بس المشكله أسعاره بالسعوديه غاليه ,, فا سويت واحد بسس المشكله غرفه الصدى ,,,, سوت لي الزحمه مو معقوله ,, لدرجه أني جربت أحط طاسه طلع صوتها تقل طقطقه كنداسه ,, تعرف أحد يبيعه بأسعر ما تتعد الـ 5000 ريال بالسعوديه ؟؟