Johnny Cash.. و حديث ذو سجون!
قبل بضعة أيام.. كنت قد كتبت عن مشاهير الفنانين العرب و مدى ضعفهم ثقافيا و اعلاميا..
و ذكرت ان الفنانين الغربيين الكبار.. كانوا و ما زالوا أكثر وعيا و ذكاءا اعلاميا..
و للتطرق لهذا الموضوع بشكل أعمق.. ساستذكر معكم جزء بسيط من سيرة الأسطورة Johnny Cash..
لن أتحدث هنا عن قدرته على التكيف مع ظروفه بدءا من وفاة شقيقه الأكبر بشكل محزن امام عينيه و تلقيه اللوم على ذلك، و خلافاته الكبيرة مع والده، مرورا بالتحاقه بالجيش في فترة ما بعد الحرب العالمية، و من ثم فقره المدقع، وصولا إلى زواجه الفاشل و مشاكله الكبيرة مع تعاطي المخدرات و توقيفه و من ثم علاجه.. و غيرها..
أشك كثيرا بقدرة الفنانين العرب على تجاوز ظروف كهذه.. و هم الذين “يغنون” لأنفسهم عند دخولهم للتجنيد.. أو يزوروا أوراق التجنيد كي لا يدخلوه أساسا.. شخصيا لم أتوقع أكثر من ذلك من “وائل” و “تامر”! 
لن أتحدث عن أغانيه التي تحمل هموم مجتمعه و مساهماته الإجتماعية المتعددة..
لن أتحدث أيضا عن إنجازات جوني الإعلامية الشهيرة، و مقابلاته مع الرئيس الأمريكي نيكسون الذي كان اضطر لإصلاح قانون السجون في الولايات المتحدة بسبب الضغط الإعلامي الذي انتجته تلك اللقاءات..
فقط.. سأسلط الضوء قليلا على ما فعله في العام 1968م.. و من ثم في العام 1969م.. من زيارته لأكبر السجون في الولايات المتحدة الأمريكية و غنائه للمساجين لتسليتهم!
.
في العام 1968م.. حين كان جوني في أوج تألقه و قمة عطائه الفني.. في تلك السنه قام بإتخاذ قرار صعق الجميع.. فبعد تلقيه رسائل عديده من معجبين مساجين.. قرر الذهاب إلى السجن و الغناء هناك!
لم يوافق أحد على هذا القرار.. بل رأى مدير أعماله و أيضا الشركة المنتجة لإسطواناته حينها.. أن مثل هذا الفعل سيكون بمثابة النهاية لمسيرته الفنية.. career killer…!
فالناس في الولايات المتحدة لن يعجبهم.. أن يقوم مطربهم المشهور بالغناء للمجرمين و القتله الذين ارتكبوا ابشجع الجرائم بحق المجتمع!
خصوصا انه في تلك الفترة كان الرأي العام الأمريكي يتجه نحو تقليل الصرف على المساجين.. فالأمريكيين لا يدفعوا الضرائب لرعاية المجرمين و الترفيه عنهم!
إلا أن جوني أصر على موقفه.. لدرجة أنه قال أمام مدير أعماله و ممثلي الشركة المنتجه: سأفعل ذلك.. أنصحكم بالموافقه.. لأني سأفعله على أية حال! (سنايدي )
كان يرى أن المساجين سيتحولون إلى الأفضل لو تم الاعتناء بهم بشكل أكبر!
و بالفعل.. ذهب جوني مع فرقته و برفقة June Carter أيضا.. إلى Folsom Prison.. أحد أكبر السجون الأمريكية على الإطلاق.. و الذي كان يضم أعتى المجرمين في ذلك الوقت.. و غنى للمساجين!
صنع ذهابه هناك هالة إعلامية غير مسبوقة في العالم!
اسطوانته التي قام بتسجيلها Live داخل أسوار السجن.. كانت الأكثر مبيعا لفترة طويلة.. و حققت نجاحا ساحقا!
.
في العام 1969م قام جوني بتكرار التجربة.. لكن في سجن San Quentin Prison هذه المره!
و برفقة June أيضا.. زوجته هذه المره! :D
!She was always stunning.. may she RIP
أبهروا الجميع هناك!
ادعوكم لرؤية السعادة المرتسمة على أوجه السجناء من خلال هذه المشاهد..
.
و الآن أدعوكم لمشاهدة و سماع أغنيته الشهيرة San Quentin.. و مع ترجمة سعودية بعد!
على فكرة.. لا يفوتكم في البداية لما هزأ حارس السجن اللي قاطعه و هو يتكلم!
الترجمة السعودية
سان كوينتن.. تراك محوم تسبدي من زمان..
تراك فاقع مرارتي من سنه 1963م..
شفت بدايته.. و شفت نهايته..
و أنا من زمان.. صرت ما اسأل ليش..
سان كوينتن.. أكره كل انش فيك..
تراك جرحتني و آذيتني واجد..
و أنا لما أطلع من السجن.. أطلع رجل حكيم.. لكن ضعيف..
يا عضو الكونجرس.. وش عرفك بس!
سان كوينتن.. بالله وش سنعك؟
تتوقع اني ابتغير اذا هدّوك؟
انتزعت قلبي و عقلي.. و دمرت روحي..
مجرد شوفة أحجار جدارك.. ترفع ضغطي!
سان كوينتن.. يا جعلك تنحرق و تخيس..
يا جعل جدرانك تطيح.. و انا اللي أبشر الناس..
يا جعل كل الناس ينسونك..
و يا جعل كل الناس يندمون ان كنت فيه أصلا..
سان كوينتن.. أكره كل انش فيك!
و بالطبع حققت هذه الحفلة نجاحا ضخما.. لم يقل عن نجاح سابقتها.. استطاع جوني أن يقنع الرأي العام الأمريكي بوجهة نظره.. بدليل المبيعات الضخمه لإسطوناته المسجله في السجن!
——————
أحد الكتاب المشهورين كتب قبل سنوات عن هالبادرة من جوني كاش.. و ذكر ان هاتين الحفلتين كانتا بمثابة الخطوة الأولى نحو تغير مفهوم رعاية السجناء في العالم!
هذا هو دور الفنان.. الواعي!
.
بمناسبة الحديث عن ابو كاش.. تصدقون اني حافظ هالأغنية! :
Audio clip: Adobe Flash Player (version 9 or above) is required to play this audio clip. Download the latest version here.
يمديكم؟
———-
قفله:
تذكرون لما قلت لكم صديقي الرائع (فهد) يبي يجيب Distinction؟
طبعا ما خيب ظني.. و جابها! :D
ألف مبروك يا فهد و عقبال الدكتوراة.. و انت قدها و قدود يا بعد حيي! 
و شوكرن
_______________________________
Responses to “Johnny Cash.. و حديث ذو سجون!”
ورى ما تسدح تعليق؟ .. ترى ببلاش..
معليش يا عزتي لك.. لازم تسجل دخولك عشان يمديك تسدح تعليقات.
كن صديقي فيذاك..
كلمة الأسبوع
الـصـيـف
إجازة ممتعة للجميع.. إجازة الصيف هي من أجمل مراحل العام حيث نرتاح قليلا بعد وتيرة دراسة أو عمل متسارعة.. نسافر و نتعرف على أماكن جديدة.. و نلتقي بالأهل و الأصحاب في الأماكن البعيدة.. المداومين في الصيف.. على الأقل بتخف عليكم الزحمة في الطريق.. انبسطوا بعد!
Loading ...
من جد
الفنان دوره اكبر من اضحاك المشاهد وهز خصره
وعندك مثلا اوبرا ياكثر اعمالها الخيرية تقل جالسة على بنك
ع فكرة الترجمة السعودية اثارت مشاعري
ليت فيه مغني عربي يغني لمساجين غوانتانامو ولا سجن الحاير
دايم الغرب يعرفون وين يوجهون مواهبهم..
اي شخص يملك موهبه قويه تلقاه يوجهها لهدف معين ويركز عليه ..
مو مثل اللي عندنا يفتح فمه ويناهق كنه حمار .. سوري !.. بس الحقيقه مورة
..
ومدونتك خونفشاريه بصراحه هوع
ياما قلت لاهلي ان العرب رايحين في امها بس يهزوؤني ويقولون العرب هم الاساس << وش رايك انت ..!
سيا مولي
مزرعة بيتنا << يعني لك تقطف منها الورد بس تراها مافيها الا وحدة ومتهاوشين عليها انا واختي هع
..
وردتنا اللي في الـ مزرعتنا هع ..
ابو مولي ياحبي لك
والله ياخي انا تخبر ثقافتي فرنسيه مااعرف انق لين زي
لكن والله زي ماقلت في مدونتك الاولى عن الفنانين العرب ، ان المجتمع المهزوز والي ثقافته ماعندك احد هو الي يشجع الفنانين الصقيط على الظهور والشهره .
ياخي لما كان المجتمع مثقف وواعي طلع لنا فنانين للحين ماقدر احد يسوي مثلهم .
لكن الصراحة والله يالاغنيه الاخيره حقت ابو كاش جازت لي بالحيل جدا وانا اسمعها تخيلت اني راكب كابريس 79 وفاتح الدريشه والزقاره باليد اليسار والدركسون باليد اليمين ورايح لسان فرانسسكو الي جنب الهلاليه .
شكل فيه صله قرابه بيني وبين ابو كاش يمكن عشان حرف الشين الي يجي عقب حرف السين بالحروف الابتدائية الي في كتاب الهجاء .
ابو خرشه + ابو كاش = حب
هلا و غلا rainyshore..
كلامك بمتمه يا الغاليه.. و اوافقك تماما على كلامك..
و امنيتك بالغناء لسجناء غوانتنامو و الحاير هي أمنية جميله فعلا..
لكن لن تتحقق لسببين..
في غوانتنامو.. يحرمون رحمة السجناء..
و في الحاير.. يحرمون الموسيقى و الغناء!
.
اجل جازت لك الترجمة السعودية؟
نورتي المكان..
هلا و غلا قطوة..
كلامك سليم تماما.. و ما عليك من كلام اهلك.. تلقينهم بس خايفين يصدمونك بالحقيقة المره!
.
الله يرج خالد.. علمكم على كلمة خونفشارية!
طيب مين اللي قطف الوردة؟ .. تسانها معك ترى ابيها!
نورتي المكان..
يا هلا والله ابو خرشه..
ههههههههههههههههههههه
ههههههههههههههههههههه
مهبول انت.. و رب المصحف منتب صاحي!
.
اعنبو ابليسك والله حول 5 مرات احاول أقرا ردك للأخير و ما أقدر.. أجلس اضحك و انسى وش قريت!
اجل فرانسيسكو جنب الهلالية؟
شف كله بكوم و (ابو خرشة + ابو كاش = حب)!!
شكلك لعبتك الشخمطه على جدران الحارة منول!
.
نورت المكان والله يا حبني لك!
الله يبارك فيك شكرا على التهنئة
ابو خرشة على طاري الكابرس توني قاعد اشوف صور كابرس 81
http://www.abunawaf.com/post-7003.html
بالتوفيق
فهد
فهد يكتب بالعربي!!.. نو واي!
مرررررره مرررررره منصدم تراي!
.
هلا و غلا فهد.. و الف مبروك يا حبي لك..
!Don’t mention it mate.. afa Bs
جدا فرحت لك.. انا الـ غورو حقك!
عقبال الدكتوراة!
.
!BTW, what a silly movie we’ve watched tonight
?They are not as good as the used to be, are they
.
!Glad to see you here mate
والله خطير خطير خطير يامولي
جبتها بالصميم
انا صراحة ما اقدر اتكلم لأن ابو خرشه تكلم بدالي وقال كل شي وكلامة كله حكم بس زادها شوي لما راح للكابرس (-:
هلا و غلا ابو خلود!
على كذا منتب معلق أبد.. كل مره تقول أبو خرشه قال كلش.. انا اشهد انك زول!
.
نورت يا عضيدي..
فعلا حدث مبهر
بس يا مولي ماتتوقع انه سوا هالشي بحثا عن عمل غير مسبوق يزيد من شهرته ويتسجل باسمه اكثر من انه يكون عمل انساني ؟..
بعدين من فكر في المساجين المجرمين اللي قتل واللي اغتصب واللي سبب مآسي لناس في حياتهم بيستخسر فيهم الترفيه استغفرالله ..
بس عموما كلامي هذا هو مناقشه للتدوينه وليسسسسسس دفاع عن شلة عريبياااا اللي واحدهم اذا فكر يسوي عمل خنفشاااااري غير مسبوق راح يدور له مسؤول كبير وطلع اغنيه كلها تمديح ونفاق وترفيع هذا غير الثقافه الضحله ونقل الكلام وفلان قال فيك كذا وش ترد عليه؟ … وسمعنا ان صار بينكم كذا عسى ماهوب صدز؟
:
الترجمه شي خراافي .. يبيلك تبرمج سوفتوير يترجم للعاميه النجديه ومالك الا اللي ينشره ههههههههههههه
يسلمووو مولي
هلا والله و غلا picky..
الله يسلمك يا الغالية..
.
النقطه اللي أثرتيها مهمة فعلا و جديرة بالنقاش..
لكن خلينا ناخذ الموضوع من ثلاث زوايا…
أولا.. هل كان جوني في حاجه للشهرة في تلك الأيام؟
– جوني كان يتربع و بشكل مطلق على عرش موسيقى الكونتري في أمريكا في ذلك الوقت.. انا شخصيا استبعد انه كان في حاجه لانتشار أوسع أو شهرة أكبر.. لأنه وصل الى مرحلة بعيدة جدا من الشهرة..
ثانيا.. هل ما فعله جوني كان متوقعا له النجاح و انه سيلفت الأنظار بشكل ايجابي؟
– أنا لا أعتقد ذلك أبدا!
بلعكس.. هو خاطر بمجده و شهرته و وضعها على المحك لما اتخذ هالخطوة.. الكل أكد له انه راح ينتهي بمجرد ما يقدم على خطوه من هالنوع.. و لو افترضنا جدلا انه كان يتوقع ان هالخطوة بتلفت كل هالانظار و بهالشكل الايجابي (و هالشي انا استبعده).. فهو ذكي جدا.. و يستاهل!
ثالثا.. هل سعى جوني لعمل هالة إعلامية لزيارته الأولى؟
– الحقيقة أبدا!
أخذ معه فقط مصور واحد و هو صديق شخصي له على فكرة.. و بس!
و الحفلة لم تصور فيديو حتى.. على الرغم من أغلب حفلاته.. حتى في بداياته كانت مصوره فيديو..
الشي الوحيد اللي سواه و ممكن ينحسب كتسليط ضوء على زيارته.. هو تسجيله للحفلة لايف على اسطوانات.. لكن انا اشوف ان هالشي من حقه.. و في النهاية السعي في نشر الحفلة.. هو سعي لتوصيل الرسالة من زيارته للسجن في نفس الوقت..
.
.
بالنسبة ان الواحد يستخسر انه يرفه عن القتلة و المجرمين.. كلامك صحيح كإنطباع أول..
لكن فكري بالموضوع بطريقة مختلفة..
جوني كان دايم يقول ان السجن مليء بـ “ضحايا الظروف”!
فيه مجرمين أصبحوا مجرمين لأسباب خارجة عن إرادتهم.. منهم من نشأ على هالشي.. منهم اللي كان فقير و معدم و يبي يعيش.. منهم اللي ما قصد يرتكب جريمه معينه.. و منهم المظلوم!
انا ما ابرر الجريمه بلعكس.. انا (و ايضا جوني) أقول المفروض ينالون عقوبتهم اللي أقرتها عليهم المحكمة..
لكن ساعات يا picky.. الرعاية الجيده بالمساجين و اعطاؤهم الشعور انهم مازالوا مهمين و ممكن يرجعون للمجتمع بشكل أفضل.. تكون أنجع من سجنهم و عقابهم مئات السنين!
و هالمبدأ تتبناه أغلب السجون في الدول الأوروبية المتقدمه.. السجن في بريطانيا مثلا كأنه هوتيل بصراحه!
.
بلحيل جاز لي تعقيبك.. ودي دايم يكون فيه نقاش و حوار لما اتكلم عن مواضيع جديه..
.
نورتي المكان يا الغالية..
مسيك بالخير ياعم
مدونه رائعه تابعتها تقريبا من اول ايامها لكن انشغلت مع الدراسه شوي ، واذا تبي الصحيح هالايام عندي IELTS وحايسني خص خصوص اني ما بعد كملت 3 شهور في البلد ، غث اهلي الـ ESSAY كل يوم عندهم موضوع جديد.
المهم موضوعك زي العادة رهيب ويفرفش الواحد خاصه الترجمه ياعمي شفرة ذي ميب ترجمه ، الان قاعد اقرا في كتاب لمؤلف اسمه روبرت فيسك بعض كتاباتك الجديه تذكرني فيه <<< عرفت ليه منيب اعلق واجد – احس اني اخور احيانا
اخيراً : بالتوفيق وابروح اذاكر
يا هلا والله أخوي ttt998..
نورت المكان يا الغالي..
كلامك عن المدونة هو مصدر اعتزاز.. و سعيد جدا ان المدونة اعجبتك.. عسى نظل دايم عن حسن ظنك..
.
عاد بالله عليك الترجمه ما تحس انه توصل المعنى صح؟ قل الصدز!
.
يا عزتي لك تشبيهك لي بكاتب الـ اندبنت المشهور Robert Fisk.. هو شرف ما استحقه!
قريت لقاءاته مع بن لادن؟..
أي كتبه جالس تقرا؟
.
علق واجد يابوي و خور على كيفك.. ما عندنا الا حلالك طال عمرك..
المهم شد حيلك تكفى.. اللي في مدونتي ما يعترفون بغير الـ ديستنكشن!
نبي نسمع أخبار طيبه قريب..
نورت المكان..
اولا صباح (( الروقـان
))
عسى كل شي زين وامورك تماام التمام ..ان شاء الله
هالتدوينه والكومنتات عليه .. ابشركم كلكم .. رجعت الكهرب لقريحتي بعد جفاء طويل
اولا بقول رايي بالتدوينه ككل .. مثل كل ابو دايم خيي ما يقصر ابدع به
نبدا شوي شوي .. اول مره بهرج بجديه
picky >>
يا بعدهم انتي بعلق على كلامك لو تسمحين لي (F)
انتي تقولين انه ليه مايكون له نيه مب انسانيه ويكون مقصده من اللي سواه يوجه اللمبات عليه ويصير اشهر << قلت اشهر لانه على قولة خيي مولي مب محتاج الشهره ..
طيب حبي لك يا خييتي ..هو وش سوا ؟؟
راح يغني للمساجين .. مسك خط .. خسر قروش بنزين .. قش فرقته كلهم وجابهم .. ومرته لا ننساه
غنى لهم .. مدري وراي يوم شفت المساجين يضحكون اويييييت لهم مررررررره يضحكون من قلب
ما يمنع بالمقابل انه يأمل زياده الشهره .. لانه سوا شي
يعني مو مثل اللي يهرج يهرج يهرج , بعد وحده يهرج << تقلد شخصا ما
ويشتهر وهو ما غير يهرج يعني ما سواا
الزبده يا عنوني .. انه ما يمنع يكون له نيه ثانيه خصا انه اتم المقصد الاول والنيه الاساسيه بذمه
وعلى سالفة انه حسافه بهم الغنى
ترا حنا كلنا بشر
من عواطف .. تجيبنا مصايب على روسنا ما يقدر الواحد مننا يتحمله وممكن تجبره على شي مو بيده !!
بمعنى اوضح انهم بشر ياا حبي لك .. غير معصومين عن الخطا
صح منهم سفاحين وبلاوي بس برضوو (( ياما من المساجين مظاليييييييم ))
وبعدين الواحد لا غلط ترا فوقه الله يحاسبه
يعني اللي يسوونه هنا مجرد ردع .. حتى لو قالو عقاب .. فالعقاب بيد الله يا حبي لك ..
وبعدين هو سوا شي للترفيه ( لا بيقلل من وقت عقوبتهم ولا بيطلعهم من السجن )
خليهم يحسون انهم بشر خارج نطاق مسمى ( مساجين ومجرمين ) شوي
كني مسكت يسار عن الموضوووع
مولي تكفى قفل الباب لا اطلع عنه
ختما لتعليقي .. وجهة نظرك على عيني خييتو ..
..( السجن في بريطانيا مثلا كأنه هوتيل بصراحه ).. << وراه زايره قط
..( الرعاية الجيده بالمساجين و اعطاؤهم الشعور انهم مازالوا مهمين و ممكن يرجعون للمجتمع بشكل أفضل.. تكون أنجع من سجنهم و عقابهم مئات السنين! ..)
هذا بالضبط اللي كنت ابي اقوله لخييتي picky
وكلامك منطقي جدا وهذا امثل شي .. لان اتوقع لو المسجون تعامل بإجحاف دائم وقسوه .. راح يطلع متولد بداخله حقد على كل شي
وعدم المبالاه بأحد لان محد اهتم فيه وقت شدته .. فبتكون مشكل كبير
والعكس ( ممكن ) يكون صحيح !
خييو فهد ..
<< وش دخل ذا بـ ذا يا دبيشه هههههههههههههههههه
(F)
ألف مبرووووووووك وعقبال نبارك لك معرس
لا من جد مبروووووووووك وعقبال الدكتورا يا رب
موليكو << ماعرفته الى اللحين ( ياخي صعب )
الكلام اللي قلته من القلب وتستاهل اكثر ، أما الترجمه فهي سالفه تطول ( ميب صااااحيه ) حلاوتها انك تسمع الاغنيه وتحس ان الترجمه نفسها بس ما يفمها الا حنا ( انا نفسي ما فهمت وش كتبت )
روبرت فيسك ما طحت فيه الا من تالي وللاسف الشديد ما قريت اللقاءات لكنها في البال ( بس اخلص من الـ IELTS ) ( اول اختبار وبعد 3 شهور من الوصول للديره ، يعني توي متواسي ) بالنسبه لكتاب الطيب اسمه :
THE GREAT WAR FOR CIVILISATION
تحياتي
أهلاً
وأنا يا آجي أول وحدة ولا آخر وحدة
مولي
لما قرأت اللي كتبته عن جوني كاش
قلت هذا ينطبق عليه ” عندما يكون الفن رسالة :)”
المهم المرة الجاية نبي السيرة الذاتية لآنريكي فديته
أمزح معك وعلى طاري آنريكي
تفضل ذيس سونج ، ريميند مي أوف سكن
http://www.youtube.com/watch?v=C25zV2L6Sc8
احس اني صرت محور التدوينه فجأتن
عوافي على التوضيح مستر مولي .. صدقت بكل كلمه قلتها
وانتي بعد يانانوو صح كلامك وفعلا..حتى لو كان في نيته يبحث عن عمل يتسجل باسمه شي حلو انه “سعى” وجاب شي جديد ويعتبر عمل انساني
وكلامي عن المساجين طبعا ماقصدت المظلومين واللي ارتكبوا جرايم عن طريق الخطأ واضح اني قصدت المجرمين اللي على مستوى .. لاني فكرت بالطرف الثاني اللي تسببوا له في ألم قد يكون أعظم من الجلسه بالسجن اللي كنه هوتيل على قول مولي <صدق زايره؟ خخخ .. ما وقفت على اني اجيب لهم فنان مشهور يعمل لهم حفله ضحكوا من سرهم بلا <كنها مسكت خط 8O .. يكفي انهم عايشين بسلام
:
يعطيكم العافيه ياقمااعه
هلا والله و غلا NANO..
صباح الخيرات.. ابد كلش تمام.. عساك للحين مروقة بس؟
.
كلامك بمتمه يا الغالية و أوافقك عليه.. و الغالية picky ترى عندها وجهة نظر قوية فعلا و كانت تستحق المناقشة.. و صراحه سعدت جدا بهالنقاش الحلو..
.
ايه زرته.. انسجنت 3 مرات في قضايا تتعلق بـ معط شوش الخوات!
أنا أدخل السجن؟ .. توفي من بؤس اويلاو! (وجه جالس يفسر كمومه)
الصدز شفت عنه ديكومنتري مره في الـ BBC..
.
أما فهد يتزوج.. ماظنتي ابد!
فهد يبي يعرس اذا ماتت صباح!
.
نورتي المكان مثل كل ابو دايم..
هلا و غلا ttt998..
هين الاسم صعب.. لامنك توهقت قل (مولي).. و انا ابفهم على طول!
.
يا عزتي لك.. يسلم قلبك يا الغالي..
أجل لك ثلاث شهور بس؟ .. مستجد يعني! .. عسى دلوك أماكن القاعات؟
الله يوفقك يا رب و يسهل امورك.. و الايلس ان شاء الله موب صعبه عليك.. ليت أول ما تطلع نتيجتك تعطيني خبر ولا عليك أمر..
.
الكتاب هذا جدا رائع و من أروع ما كتب روبرت.. أتمنى لك قراءة ممتعه!
نورت المكان يا الغالي..
هلا و غلا سويت هارت..
سعيد بتواجدك يا الغالية..
انريكي ماله سيرة.. ابوه اسباني و امه فلبينيه.. أبوه كان يغني و أمه ملكة جمال الفلبين.. فهو حب يغني مثل ابوه بس خاف ان شهرة ابوه تخلي الناس ما يعطونه وجه.. فنزل كم ألبوم بإسم وهمي (الظاهر إنريكي مارتنيز اذا ما خانتني الذاكرة).. و اشتهر بلحيل و الناس حبوا اغانيه.. فصار يغني باسمه الحقيقي.. و تراه كان شين بلحيل.. و سوى عمليات تجميل واجد لما صار مملوح.. و بس قضت سيرته!
.
يالله هالأغنية.. ذكريات من جد!
نورتي المكان..
هلا والله و غلا picky..
صرتي محور التدوينه لأنك أثريتي النقاش طال عمرك بإثارة بعض النقاط المهمه..
تواجدك دائما مهم!
.
انا دخلت السجن بعد؟
الظاهر تبين من يمعط شوشتك مع نانو!؟
.
الله يعافيك و نورتي المكان..
مولي لا تقول أمه فلبينية
يؤة
طيب بس صوته حلو مرة
وصحيح أبوه كان حارس ريال مدريد هذا همي
سمعت أغنيته كان يو هير مير ، رهيبه
نسيت ما أقول مبروك لفهد ، طرت بالعجبة من جات سيرة آنريكي
معليش آسفة مرة
وألف مبروك وعقبال ماتحقق كل أمانيك يارب
امه فلبينيه و قصم!
.
هين هو مبدع موسيقى ما فيها كلام.. لكن ولو.. أمه فلبينيه!
شوكرن..
مشكور مولي على الموضوع
وان شاء الله ترجع بالسلامة
هلا و غلا sahab..
العفو يا عزتي لك ولو..
الله يسلمك و يخليك.. نورت المكان..
الرجل هذا اسطوره
وانت جلعتها في سطور ابو جود
يسلم ويعطيك الف عافيه على مجهودك
عاد مدري انت شفت الفلم الي يتكلم عن سيرت حياته من بطوله
وش اسمه ذااااكر ياربي
المهم شفته مشقوقه lol:
الله يسلمك يا الغالي و يعافيك..
ايه شفت الفيلم (Walk the Line).. جدا رائع!
.
أما شفته مشقوقه!
تراه اعتزل التمثيل!!
اسلم لأخوك..