!My Why List
انا قررت أسوي قائمة بالاشياء اللي فعلاً ما أملك إجابة عليها..!
فيه أمور في الحياة، مليئة بالغموض، تغلفها السرية.. أو ربما تخالف أبسط مبادىء المنطق..
راح أشارككم قائمتي لأكثر الأمور غموضا.. أمورٌ لن تجدوا لها إجابات واضحه.. لن ينفعكم غوغل.. و لن تساعدكم أمهات الكتب و لا حتى بنات خالتهم..
و راح أسمي هالقائمة (My Why List)..
و بالمناسبة اعتقد ان ابناء جيلي (مواليد الثمانينات الميلادية)، هم أكثر الزوار قدرة على فهم جميع ما يرد في القائمة.. ولا عزاء للشيبان و العجايز.. و جيل النيدو! 
قائمتي لأكثر الأشياء غموضا:
– 1-
ماذا حدث في الحلقة الأخيرة من المسلسل الكرتوني (فارس الفتى الشجاع).. و لماذا تم منع عرضها في التلفزيون السعودي؟ (وجه قافلتن معه)
– 2-
لماذا يرفض كثير من المشائخ في السعودية الاعتماد الكلي على الحساب و الفلك في تحديد مواعيد دخول الأشهر القمرية بحجة ان هذا لا يتناسب مع الشريعه و فيه ابتداع..
بـــيــنــمـا
يتم الاعتماد الكلي على الحساب في تحديد مواعيد الصلاة!!
مع كل مؤذن تقويم أم القرى الذي يحدد مواعيد دخول الصلوات بشكل مسبق!
– 3-
قبل سنوات، أقدم ضابطين سعوديين على خطف طائرة تابعة للخطوط السعودية و نزلوا بها في العراق، و طلبوا اللجوء السياسي من القائد العربي المسلم العظيم صدام حسين (مثل ما سموه).. و أعطاهم اللجوء..
سؤالي.. وينهم فيه اللحين؟
– 4-
مين اللي طق المذيع في التلفزيون السعودي (حامد الغامدي) هاك السنة؟
– 5-
ليش مسلسلي المفضل (Just Shoot Me) ما نزل منه الا two seasons على DVD و هو seven seasons.. رغم انه من أنجح المسلسلات (6 ترشيحات إيمي و 6 ترشيحات غولدن غلوب، و غيرها)؟
– 6-
ليش اذا شفت واحد يتثاوب.. تتثاوب معاه؟
– 7-
ليش نسمي العودة للطريق المعاكس Uturn و رمزها المروري حرف U؟ .. المفروض نسميها nturn و نخلي رمزها المرور حرف n.. فكروا فيها!!
(النقطه هذي بالذات سببت لي أرق من فترة.. يا شيني لامني قمت أفكر بكلش! )
– 8-
ليش وقفوا (بيبسي الليمون)؟
– 9-
ليش في السعودية يرفض المجتمع زواج الشاب من امرأة ذات نسب مغاير (أو العكس) و هي مسلمة..
بـيـنـمـا
يقبل نفس المجتمع زواج الشاب من أجنبية أصلها غير معروف.. حتى و ان كانت مسيحية؟
– 10-
لماذ يتم تدريس الطلاب في المدراس السعودية ان التصوير لغير الضرورة هو أمر محرم و فيه مضاهاة لخلق الله..
بـيـنـمـا
تجد في الشارع صور ضخمة لأشهر المشائخ و الدعاة في اعلانات:
– 11-
ليش (ياسر العظمه) ما يمثل الا بمرايا؟
– 12-
ليش يُمنع الناس في السعودية من انهم ياخذون فوائد إيداع من البنوك بحجة انها ربا..
بـيـنـمـا
البنوك تأخذ فوائد إيداع من مؤسسة النقد؟ .. في جميع دول العالم، الفوائد التي تؤخذ من البنك المركزي تـُعطى بالتبعية للعملاء.. في حالتنا.. البنوك وين تودي هالفوائد؟!
– 13-
ليش شطبوا العويران و صالح الداوود و الغشيان من المنتخب هاك السنه.. و ليش رجعوهم؟
– 14-
من اللي قتل (جون كنيدي)؟
– 15-
ليش الخاله اللي مع فرقة (غيتارا) فكت حجابها؟
احتري قوائمكم!
!Please lay your Why Lists down
يعني اسدحوا قوائمكم الله لا يهينكم!
……………………………………………………….
شوكرن 
_______________________________
Responses to “!My Why List”
ورى ما تسدح تعليق؟ .. ترى ببلاش..
معليش يا عزتي لك.. لازم تسجل دخولك عشان يمديك تسدح تعليقات.
كن صديقي فيذاك..
كلمة الأسبوع
الـصـيـف
إجازة ممتعة للجميع.. إجازة الصيف هي من أجمل مراحل العام حيث نرتاح قليلا بعد وتيرة دراسة أو عمل متسارعة.. نسافر و نتعرف على أماكن جديدة.. و نلتقي بالأهل و الأصحاب في الأماكن البعيدة.. المداومين في الصيف.. على الأقل بتخف عليكم الزحمة في الطريق.. انبسطوا بعد!
Loading ...
هههههههههههه
مولي ربي يسعدك
اسألتك بعضها جا في بالي من زمان اما فارس الشجاع انا مثلك مدري ليه ماجابو الحلقه الاخيره
و الله يارجال قائمتك فيها امور كثيره تعد غامضه واختلف معك في تحديد موعد دخول رمضان
لكن هذا مو موضوعنا موضوعنا يا بطل قائمتي
قائمتي سلمك الله كالتالي ولا تضحك عليها قسم بالله بفغص بطنك
1 – ليش اذا اشتغلت المروحه في السقف قمت ادوخ واذا زادت السرعه زاد دواخ راسي <<< علاقه طرديه
2 – ليش السلع ترتفع اسعارها وفيه دعم حكومي !!!
3 – ليش النمر المقنع فضح نفسه في اخر حلقه وكان يقدر يحكم اتحاد المصارعه العالمي <<< السبب ضغط من اللوبي اليهودي
4 – ليش موكلي يفضل يعيش مع الحيوانات مو مع البشر <<< السؤال هذا موجه لمولي اخخخخخخخخ
5 – ليش افرل AVRIL تتزوج هذاك المخيس قسم بالله شين انا احلى منه <<< يا انه مقهور راحت من يدينه << يعني كان بيجيبها هع
6 – هل صدق الامريكان طلعوا القمر <<< كله من تحت راسك مولي
7 – ليش البنات يطاردوني دايم تعبت من الحال هذا <<<< علشانك مزيون <<< اها <<< امممممم <<<< عجيب
8 – ليش دايم محمد عبده يغنون معه مصاريه <<<< علشانهم ارخض <<< بس ليش ؟؟؟
9 – هذي بايخه ما بقولها
10 – ليش دايم المواضيع الموجوده في مدونه مولي زينه
11 – ليش مولي يخفي اسمه <<< داخل في برنامج حمايه الشهود مدبس على رئيس عصابه مافيا دولي كبير اخخخخخخخخخ
12 – ليش الكامري مع المفحطين و البياعين والله بالخير
13 – من قال من يطول العنب حامض عنه يقول !!!!
عاد هذا الي جاء على بالي هالحين ولا انا عندي كثير والله واكثرها سياسيه <<<<<<<<<يبي يجيب راسك يا مولي اخخخخخخخ
تقبل شخبطتي
سلااااام
والله تدوينه خنفشاريه .. واحسها توها طالعه من الفرن .. لأن جالس احوس .. وجاني الإيميل
<< ما تلاحظ انك صاير اول واحد ترد دايم !!
My Why List
1
ليش مافيه سينما بالرياض ؟!
ولا يعني محلات الdvd ما تعتبر أفلام ؟
يعني تخيلو لو قبل كل عيد أضحى يعرضون رائعه العقاد .. فلم الرساله ! << ولا درء المفاسد ذي بعد
2
الملك والرئيس << يعني ما اقصد شخص معين
اذا جا بينام .. وش يلبس ؟
3
ليش اغلب السيارات بالعالم لها اربع كفرات واربع مقاعد ؟
4
ليش الفيمتو ما ينشرب إلا برمضان ؟
5
ليش كل الناس اعجبها the godfather إلا أنا ؟
مع أني
اعجبتني أفلام أعجبت الناس مثل Vertigo و The Shawshank Redemption و Pulp Fiction و The Dark Knight
6
ليش انتحرت مارلين مونرو ؟
7
وين اوسامه بن لادن ؟ << ترا مب انا اول من يسأل ذالسؤال .. فيه قبلي Morgan Spurlock
8
اخترعو أشياء تصور .. وتسجل
؟
؟
بس ما اخترعو شي يحفظ الروائح
وايش راح يكون اسمه ؟ مرياح
9
!
انصنع اشكال ساعات كثيره ..
لكن ما فيه احد سوا ساعه تمشي بالعكس .. غيري
10
ليش مولي أكوس مدون ؟!
عفون
ههههههههههههههههههههههههههههههههههههههههههههههههههههههههههههههههههههه القومر طالع ضحكتني وعيوني تداااامع من الفلو
والله ياهو حومة تسبد!!
واللي قبلهاا….. فتان (كوول) مافيك فتان…سرقت من عيني الكرا (وتركتيني) ولهان
اصلا نبرة صوته يالله في اعلان عبدالصمد القرشي لووول
موب القاء وقصيد
:
بالنسبه للواي ليست حقتك عجيبه
1- الفارس الشجاع مااذكره من صغري انا والتلفزيون ماش!
2- بنت عمهم كانت معي بثالث ثانوي سنة الاختطاف يبيلي ادورها اسألها لك هههههههه
4- ومين اللي طق نيشان وكسر فكه؟
6- عدوى التثاؤب قريت لها تفسير تلقاه بغوغل
7- بالعكس انا اشوف انها U وليست n لانك تعكس اتجاهك .. والـ U تعتبر عكس السطر او عكس الاتجاه الطبيعي في الكتابه .. بينما الـ n في الاتجاه الطبيعي !
8- صح انا معك في هذي.. رغم انهم يوم اخترعوه انتشر بطريقه بشعه وصرنا مانلقى الا بيبسي بالليمون وحامت تسبودنا !! … اعتقد انه ون شوت بس مكثرين الكميه بحيث اننا فقدناه يوم انقطع…. وياخوفي يكون مسحوق البيبسي فيه بلى وقالوا نكتب بالليمون لين انتهى في بطونا ورجعوه عادي بدون ليمون !!
9- فعلا تساؤل ماله اجابه مقنعه!
10- مدري وش يبون
11- مايعجبني عشان افكر فيه وفي مسلسلاته
15- يمكن نفع معها حدا انواع فرد الشعر ههههههه
:
واياتي:
– ليش دايم الي يحب النت مايهمه التلفزيون والعكس واللي يحب الشاهي ومشتقاته مايحب الكوفيز والعكس..
– ليش اللي يحب الميرندا برتقال يقولون عنه قروي او يعلقون عليه؟
– ليش مجتمعنا كل شي يرفضونه في البدايه وبعد كم سنه يصيرمن المسلمات؟
– ليش اكثر الناس يميلون لوضع تحليلات وتفسيرات ومدلولات لكل شي رغم انهم عارفين ان الظروف والاحوال تختلف ومافيه شخص مثل الثاني لا في شخصيته ولا طبيعة حياته .
– ليه الاطفال يحبون يقولون سهرنا للصبح؟ هههههه
– ليش يقولون للي يسأل عن اخبارهم “سألت عنك العافيه” على انك لو تدقق في معنى هالعباره بتلقاه موحلو ابدا ..لان مايسأل الا الغايب <اشغلني هالتساؤل
– ليش الرجل الشرقي مهما كان مثقف وفاهم ومنفتح لايمكن انه يتقبل فكرة مدح النساء واطراءهم لرجل ما <ممثل او لاعب او مغني وات ايفر ..ويصير يدور عليه اي شي يعيبه ويحاول ينزل من قدره باقرب فرصه
لا تذكرت شي بجي اسدحه
لا قوة الا بالله على ذكائي
الا دهئي بعد << ذيبه
لين نص المدونه على بالي ” هل تعلم أن ؟”
هههههههههههههههههههههههههههههههههههههههههههه
(((قبل سنوات، أقدم ضابطين سعوديين على خطف طائرة تابعة للخطوط السعودية و نزلوا بها في العراق، و طلبوا اللجوء السياسي من القائد العربي المسلم العظيم صدام حسين (مثل ما سموه).. و أعطاهم اللجوء..
سؤالي.. وينهم فيه اللحين؟)))
الله يهديك بس ما يبيله
مدام عند صدام
اجل الداخل مفقود والخارج مولود
((ليش اذا شفت واحد يتثاوب.. تتثاوب معاه؟))
مولي تسمع بـ إشعاع سايكوفيزيائي ؟؟
<< يعني تراي مثقفه كحه
(( برايفت غضو بصركم عنه : << صكت الصفحه وفتحت صفحة قوقل وغمزت للشعار يعني تراي مسيطره على الوضع ))
ليش نسمي العودة للطريق المعاكس Uturn و رمزها المروري حرف U؟ .. المفروض نسميها Nturn و نخلي رمزها المرور حرف n.. فكروا فيها!!
(النقطه هذي بالذات سببت لي أرق من فترة.. يا شيني لامني قمت أفكر بكلش! )
عاد الجواب من قريحتي الفذه وان ما عملت به تراك بيصير بك مغص دماغي وانا خييتك
الحين لامنك جيت تسوي يو تيرن وشلون يصير شكل الشارع
مثل الـ U والا انا واهمه
يعني اقصد لا سويت يو تيرن وانت تمشي بالسياره ترسم حرف الـ U
يقاله حركه الحين مسوينه وانت تقول وشوله خلاص لا تدقق عيشهم جوو سكلك لهم وامسحه بوجهي
ما يجيبه الا الذهينيه افا عليك بسس
ليش في السعودية يرفض المجتمع زواج الشاب من امرأة ذات نسب مغاير (أو العكس) و هي مسلمة..
بـيـنـمـا
يقبل نفس المجتمع زواج الشاب من أجنبية أصلها غير معروف.. حتى و ان كانت مسيحية؟
بلاه من البطره وقل السنع ( متحلطمه صدز )
اشوى انهم عايشين بـ Bubble لحالهم بس وبعيدين عننا
(( ليش الخاله اللي مع فرقة (غيتارا) فكت حجابها؟ ))
لان .. والا اقولك اقصر الشر تبي توهقن انت
على راسي كل الخوال وش حليلهم << تخاف يتتسرن عليه احد
هذا اللي قدرت افيدك به << يعنني تراه مفلمه وعايشه جو ان اجوبته اطلدز شي
..
تبي اللست تبعي ؟؟ ما ظنتي قرقت واجد على روس الخلق ييزي وانا اخييتك
(F) << ادري قرقه استحملون يا حبي لكم
برايفت مولي (( الله يهديك انا بالطبيعه ما اجمع ودك على هالاسئله تتخيل هل كيف جبت الهبال لخلايا مخي والله العظيم اويييييت له
))
وخرووو عن الطريق .. جبتلكم My Why List
1- ليش مخترعين دوال الجيوب ؟
2- بعض شركات انتاج الدجاج يختمون على الكيسه حلال ( يعني من باب وقسمن ماسوينا شي ) مع انه شركات عربيه ؟
3- ليش التجرافات حقات منول لازم بهن قفل ومفتاح ؟
4- ليش نحط اقواس وشرطات قبل لا ندخل اوامر البرمجه ؟
5- ليش هايدي ما تكبر انا صرت طول النخله وهي للحين تنسدح فوق السحاب ؟
6- ليش البيره والبربيكان والهولستن لازم قواريرهن بنيات زي قوارير المواد اللي بالمعامل .. الشعير ما يتحمل الضوء ؟
7- ومن زمان ببالي ليش ما اخترعو شي يرسل الروايح او يحفضهن بشكل بيانات ؟
8- ليش اي دبدوب يكون ماسك قلب من افتى ان الدبدوب اليف ولا رمز محبه ؟
9- ليش دايم يقولون غبار على الاسطح والغباربكل مكان مايكون على السطح فقط ؟
10 – ليش يستخدم اللون الاخضر لتعبير عن اي شي اسلامي – من المصحف الى نقشات المسجد – ؟
هذه بعضا من الواي تبعي .. تسلم مولي على هيك تدوين .
ههههههههههههههههههه
وربي انك مخزن ..!
متاكد مارحت اليمن هاليومين ..!
تيب مادار براسك ليه علي عبد الله صالح شعرهـ مكرونه ..!؟
محدثتك من جيل النيدو .. يعني احتمال الأفكار غير شكل ..
((ما عمري شفت مؤذن معه خيطين أبيض و أسود!))<< ضحكتني وقصم
لا هم بس يطبقون السنة ولا اغلبية الأشهر يعني نقول 99% يكون دخولها بنفس تقويم ام القرى ….! 
على سالفة الطيارين السعوديين ..! << وجه مطير عنونه
من جد هالسالفة توني اسمع فيها ..! صدق وين راحوا ..؟؟
تتثاوب مع الشخص اللي قدامك لأنه يغايرك انه جاه النوم وبالمقابل تقوم تغايرة انه انت بعد فيك النوم ..! <<اشطح تفسير
Nturn<< أمي تسميها كذا ياحبي لها لاقامت توصف نفقع ضحك ..
حتى سفن بالليمون وقفوه << شكل بينهم مشكله
التساول التاسع .. احيانا يشدني واجلس اسابيع افكر ليه ..؟
هذا مجتمعنا ..!
بس برضوا اروح وارجع على نفس النقطه انه الاجنبية يمكن تكون مقبولة اكثر ..
!.. some time for My Why List
-1-
ليش بريزن بريك مصخوها وكل يوم مطلعين لنا سالفة ..؟ تقل انهم مستانسين بحرق الاعصاب اللي يسوونه بجيل النيدو ..
-2-
ليه امي تقول فيني عقدة غربية ..! << عشاني احبهم وادافع عنهم
-3-
ليه امي تستانس اذا صرت سنعه ..! << براااا
-4-
حتى ان خط الاستواء بيسير علينا 
ليه الكرة الأرضيه في حركة دائمة وماتستقر ..!
-5-
ليه الجيران دايم يطلون علينا ..!
-6-
والله احبها ..
ليه قتلوا الليدي ديانا ..؟
-7-
ليه اشوف احلامي تتحقق لغيري وقريبين لي ..!
-8-
ليه المسلسلات العربيه والافلام بعد .. تجيب الغبنه من جميع النواحي لدرجه اني شوي واصيح ابي اغير هويتي والله يفشلون ..؟ <<تقول امي فيني عقدة غربيه ..
-9-
ليه دائما الرد الواقعي والصريح يزعل الناس ..! ليه متمسكين بالعادات مع انها شينة..!
-10-
اخيرا وطولت ولا فيه ليهاااات كثيرة حيل .. بس نفسح المجال لغيرنا
ليه ..؟
الــــــــتــــعـــــــلـــــــــيــــــم في السعوديه من اردى لاردى ..!
والله شيء يحزن اساس الأمة العلم …! وحنا من أسوأ لأسوأ ,, حتى التعليم العالي بعد
والتساول اللي باطح نفسه ..
ليه مدونتك خقق .. وتملك سحر عجيب ..
؟؟
لايكون قانون نيوتن به بس
طولنا بس انتا اللي قلتا اسدحوا قوائمكم .. يالله اورطبها عاد .. هع
ورده
– 2-
لماذا يرفض كثير من المشائخ في السعودية الاعتماد الكلي على الحساب و الفلك في تحديد مواعيد دخول الأشهر القمرية بحجة ان هذا لا يتناسب مع الشريعه و فيه ابتداع..
بـــيــنــمـا
يتم الاعتماد الكلي على الحساب في تحديد مواعيد الصلاة!!
مع كل مؤذن تقويم أم القرى الذي يحدد مواعيد دخول الصلوات بشكل مسبق!
و انا عن نفسي صراحه.. ما عمري شفت مؤذن معه خيطين أبيض و أسود!
باين جهلك يا مولي بهالنقطة و مع جهلك هذا صرت تفتي D:
يا طويل العمر اولا المؤذنين ما يعتمدون على تقويم أم القرى يعتمدون على الوقت اذا دخل اذنوا
و اذا تبي تعرف شروط دخول الوقت راجع منهج رابع ابتدائي و اللي مكتوب و بالحرف الواحد ان وقت الفجر ما يدخل اذا بين الخيط الأسود من الأبيض المادي لا اذا تبين الخيط الأبيض من الأسود بالسما
و هذي من ابسط مفاهيم دخول وقت الآذان و لا تعرفها و تفتي الله يهديك
…
و بالنسبة للاعتماد على الفلك الرسول عليه الصلاة و السلام قال اذا شفتوا الهلال صوموا و ان ما شفتوه تمموا لـثلاثين شعبان
بعدين غاثتك فرق اليوم ذي يعني … لو أن المشايخ افتوا بالاعتماد على الفلك كان قلتوا ليييه و الحديث يشترط رؤية الهلال
..
الله يهديك قل آمين
لو تسمحون لي يا الغالين.. ابرد على الغالي Do0oDy.. لأنه يبدو غضب من احدى النقاط..
و ابرجع ارد عليكم ان شاء الله..
.
هلا والله و غلا Do0oDy..
يا أخي العزيز.. اتفق معك و اختلف.. و ان شاء الله يتسع صدرك..
اتفق معك اني كنت فاهم الخيط الأبيض من الأسود خطأ.. لكن بعد رجوعي قبل قليل لتفسير الآية 187 من سورة البقرة (.. حتى يتبين لكم الخيط الأبيض من الخيط الأسود من الفجر ..).. اتضح لي ان بعض الصحابة رضوان الله عليهم كانوا قد فهموا الآية كما فهمتها خاطئا.. هذا و هم صحابة رسول الله صلى الله عليه و سلم… و هذا يعني و انا اخوك ان الخطأ وارد.. الرمي بالجهل جزافا ما يصير يصدر بهالشكل و انا أخوك.. و انا حذفت من التدوينه ما قلته عن الخيط الأبيض و الخيط الأسود..
بداية.. انا ما أفتيت بشي يا الغالي.. لا تخلي غضبك يحملك على كتابة أمور غير حقيقية فقط لتبرير موقفك..
النقطه اللي اختلف معك فيها.. قولك ان المؤذنين ما يعتمدون على تقويم أم القرى..
انا ما راح أتهمك بالجهل.. حاشاك و انا أخوك..
اللي انا اعرف “زين” انهم يعتمدون على تقويم ام القرى..
قد لا يصرحون بذلك.. لكن انا متأكد من هالنقطه
و الاختلاف ما يفسد للود و الاحترام قضيه..
اسلم لأخوك..
كوني تشوا..
هههههههههههههههههههه…يسعدك ربي..
هيا جات بس على فارس الفتى الشجاع في كتييييييير..عشان كدا الكرتون ماكنت اتفرجو ع السعودية الله يخلي البحرين والكويت وعجمان وعمان…
سمعتو انو العيد السنة الي فاتت جا فيلم troy على القناة التانية..أحد عندو تأكيد على الخبرية..
طيب.. my why list: >>تارا رارارا
1.لية دايما لما نبغا الشي مانلاقيه..ولما نلااقية نكون مانبغاه..
2.لية أحيانآ لما تكون معصب وبتزعق على احد وتكون خارج من الغرفه..يمسك التي شيرت حقك في يد الباب..ولاتتخبط بأي شي..<< تروح الهيبة موقف يزعل ترا
3.ليه كل مرا اضحك فيها براحتي بالجامعه..يجو الامن يشيلوني :cry:
4.لية لما يعرفو الناس اني اشرب حليب اكتر من اي شي بالدونيا يضحكو…!!!!!!!
5.ليه نفسي أطعن البنات الي بدعاية شماغ دسار…
مرحبا ..
عندي في البداية تعليق على ” why ” .. اتمنى لو بيوم يكون عندي طفل أول كلمة ينطقها كلمة لييييش ؟؟
دائما الاشخاص اللي يسألوا اسئلة تعليلية يكونوا أذكياء و منقبين و باحثين ” هاي قناعة من جد ” .. عموما
بالنسبة لقائمتك ..
عندي تعقيب على التثاؤب .. اذكر زمااان ( يمكن ايام اول ثانوي وقت ما كنت مجتهده ) قرأت لها تفسير في موقع اي سؤال و هسا رجعت ابحث عن الموقع .. انصدمت انه لساته عايش ! والله غبار من جد و ذكريات !
اتمنى تحصل وقت تمر على هالموقع و تقدر ترسل لهم اسئلة اذا ودك
http://www.aysoal.com/aysoal77.htm
بالنسبة لسؤال الزواج .. ببساطة لاننا مجتمع ذكوري ، يجوز لك ما لا يجوز لي للاسف الشديد ، و حتى الرجل احيانا ينحرم من رغبات معينة بسبب عوامل كثيرة منها اجتماعية ، طبقية ، عادات و تقاليد .. ثقافة العيب .. الدين الاهل كل شئ !
بالنسبة لأسئلتي مو مدونتها بس اللي يخطر في بالي الحين
1 – ليش الله خلقنا ؟ لا تقولوا للعباده … الله مو محتاج عبادتنا ، ليش خلقنا بمشاعر يعرف بالضبط شقد احنا ضعاف و بسيطين تجاهها؟
2 – ليش الحروب و الشجع الانساني ؟ و القتل و اختراع القنابل والاسلحه ؟ برضو مشاعر مخلوقه فينا ؟ ما نقدر نسيطر عليها .. و احنا نهايتنا بيت على طول جسمنا .. لا سم زياده ولا اقل
ذكرت هالاغنية http://www.youtube.com/watch?v=nzLZ32kZT5M
3- اي واحد يأثر على الثاني الدماغ او العقل ؟ و بالضبط كيف يلتقوا و يشتغلوا ؟ ( هذا مو سؤال ليش )
4 – ليش القدر قاسي علينا ؟ ليش الظروف تقهرنا و اعظم مخلوق هو الانسان بس ليش انخلقنا بتركيبة معقده ؟ لدرجة ان أغلب هالعلوم تدور حول الانسان .. تفكيره سلوكه نفسيته شغل جسمه تأثير الطبيعة عليه و دوره فيها … ليييش الانسان مو مثل النمله ؟رفض يعيش الكون زي ما هو ساري .. الا مو قاعد بالغصب هو يأثر على الكون …
5 – ليش الناس تخاف من التغيير و المجهول ؟
6 – بما اننا نستخدم فقط 10 % او 15 من ادمغتنا … ليش الباقي قاصر علينا او متى رح نقدر نستخدمه ككل ؟؟
انا دخت .. بروح انام ، ما راجعت كلامي !
سي يو
لووووووووووووووووووووووول
كل ما أقرا وحدة أقول هذه أحلا وحدة لووول
عشان كذا آخر وحدة أقوى وحدة
SomeOne
أعجبتني لقافتك بالنسبة للبس الرئيس و هو نايم
>> مخلوقه من جيل النيدو ,, فـ بالتالي ,, بووه نوقيطات بسفها وذلك لعدم اهليتي بالرد عليها
انا وبكل ذهانه مني ,, وشجاعه وقوه ,, و((عزم وطموح )) قررت اني اجيب ورقه وقلم وارسم شارع واسوي Nturn وَ Uturn المهم .. وبفني الرسمي وابداعاتي اللا متناهيه والغير محدود >>بسم الله على قلبي اشوفني داخله تدبير ..
رسمت اشاره وسياره واتبعت الطريقتين ,, وبعد جهدون جهيد اتضح لي يا مولي ,, تكفى لا تفكر بزود ,, لان تفكيرك بعد التجربه هذي يؤدي الى التهلكه ( ناهيك انه بيرجعك نفس اتجاهك – سيده -)
وفي شي لاحظته ,, واياتك الي عندي احساس ان بوه غيرها كثير ,, عن المجتمع الوطني السعودي .. خلاص تعودنا ان وطني العزيز الي براسه يسويه لو هو غلط ..
بس انا هاو ليست .. الي ساكنين بالرياض رجااائن يرحموني ويجاوبون علي سؤال فيه طياره بمتحف بمخرج 11 وشلووووووووووون رزوهاااااا هنااااااااااااااااااااااااااااك ما بوه طريق !!!
* P.S نسيت اسم المتحف بس هقوتي انه صقر قصر قرصان شي من هذا القبيل والله العالم ,,,,, تقبلووو تحياتي ,, وجاوبي على هاوي لانه هبلبي !!
هلا يالغالي….
بالنسبة للأذان الأوقات نفسة كل سنه ميلادية يعني هم (راعين تقويم أم القرى) قعدو سنه كل يوم يسجلون أوقات الصلوات مثلاً يوم 1/1ميلادي وقت صلاة الفجر نفسه بيوم 1\1السنة الجاية لأن التواريخ الميلادية مثل ما أنت عارف شمسية وما تتغير…
هذا رايي ومشكور على التدوينات المنتازة…
أتمنى أنك ما زعلت..
صباح الخير جميعا00 وكل عام وانتم بخير ادري انها متأخره معليش اعذروني لي فتره طويله مادخلت المدونه 00برايفت لأستاذ مولي <<<وش هالزين وش هالملح الي يقوطر من تدويناتك الحلوه خبري فيك يوم انك وجعان عساك دوم طالعن من الشر والله ودي افتر عليهن كلهن وهاتك ياردود بس ماحبيت اقلب اوراقك القديمه <<اطلعي برااا 00 الموهيييم بالماااضوع كل ابووه انك رجعت لنا من جديد بكل نشاط وحيويه وكل مواضيعك حلوه ومفيده خصوصا حق الينق واليانق تخبر انا مثل هالمواضيع تستهويني حييييل خصوصا افكار كونفوشيوس <<<انقليزي دا يامورسي 000 وموضوعك مع النادله اممممم لاتعليق خلني ساكته بس لا اطقها بكوه الحين والمدونه مابه مناديل 00
اما هالتدوينه العجيييييبه البطله الفتانه الرائعه اممممم معليش ابي ادلي بدلوي الوشسمه مع اني من مواليد حقبه من الزمن تسمى اواخر السبعينات ميلاديه وحطوا خط تحت كلمة اواخر <<<يقالها تصغر بعمرها هههههه وبما اني اكبر منك بالعمر يا استاذنا الفاضل معناه مرت علي وايات اكثر من واياتك نظرا لاني عاصرت اشياء انتم يامواليد الثمانينات ماعاصرتوها صح ولالا ؟ هذا وان تشابهنا ببعض الوايات وبعضها عندي لها اجابه بس كم تدفع واعلمك <<<بدت بالابتزاز 00
وعشان اعطي فرصه للي بعدي يقول واياته لان فيه ناس صافه سرا وراي بدخل بالموضوع 00
* ليش كتكات ابو قصدير ماصار كت كات ابو قصدير وش هدف شركة نستله العريقه يوم انها تشيل القصدير ؟
* ليش انقطعت شوكلاتته فانفير ذات القرطاس الذهبي من الاسواق في مختلف انحاء العالم حيث اني بحثت عنها في امريكا وفرنسا وسويسرا والنمسا وسكاكا والجوف ولازال البحث جاريا ؟
*لماذا فقد قرندايزر في الحلقه الاخيره يده اليمنى مع ان دايسكي مشهود له بالقوه والتكتيك والهروب من براثن العدو وتحقيق النصر في كل حلقه ؟
*وش دخل اللون بموضوع السؤال عن احوال الواحد كأن يقول عمر لزيد وشلونك ؟ فيرد عليه زيد الحمد لله زين ولا يقول لوني احمر او اخضر او اصفر ؟
*ليش صدام غزا الكويت ؟ يعني توه يتذكر سالفة الفرع والاصل ؟ مع ان كل الدولتين نالتا استقلالهما ومحد على احد؟احلى مابالموضوع انهم مددولنا اجازة الربيع لين عقب رمضان خخخخخخخخخ
*ليش سوق الاسهم عندنا ينهار ؟وجه يصيح
*ليش يوم براد بيت طلق جنيفر ماتزوج جوليا بدل انجلينا ؟ مع العلم انهن كل ابوهن ممثلات والثنتين اساميهن تبدا بحرف الجيم
* ليش ربعنا مايعرفون بباريس الا الشانز ؟
* ليش الممثلات الكويتيات مك ابهم كثييييييييييييييييييييييييييييييييييييييييييييييييير ويجهر عيون المشاهدين ؟
*ليش حليمه بولند غصب تكون دلوعه ؟
*ليش السليق ماينوكل الا بالعشاء ؟
*ليش زمان القناة الاولى كانت فترتين تسكر الظهر والشاشه تصير وشششششششششش وتفتح عقب العصر يعني هذا تلفزيون ولا بقاله ؟
*ليش سليمان العيسى ماصار يسوي برنامج مع الناس الي كان يجي كل يوم احد مدري سبت ؟
*ليش القناة الاولى ماصارت تجيب ذيك الموسيقى حقة رمضان ؟
*ليش افلام الكرتون ماصارت بجمال افلام كرتون زمان فلونه 00 سانديبل 00 ريمي00هايدي 000 جزيرة الكنز 000 الليث الابيض ؟ وصرنا نشوف سخافات خصوصا الي يسون الدبلجه مصاريه ؟ ديجيمون وبيكيمون الخارقات الثلاثه ؟؟ الحمد لله والشكر على النعمه !!
* ليش ابو نوره ماصار يغني قصائد مطوله باللهجه الحجازيه مثل شفت خلي بعد غيبه 00اسمر عبر 000 الخ ؟
*ليش ماعاد فيه مايكروسوفت شات ؟<<<ياحلو ذيك الايام
*ليش عبد الوهاب الدوكالي ما انشهرت له الا اغنية مرسول الحب حتى القناة الأولى كانت تجيبها ؟
على قولة شعبان عبد الرحيم بس خلاص 00
هذا الي يحضرني الان <<<لاوالله ماقصرتي
وبالاخير اعذروني على الاطاله وانت يا استاذنا الكويس ياليت تكثر لنا من هالمواضيع الي تهيض المشاعر وتخلي المخ يطلع غبار وهو يسترجعها 00
دمتم ساااالمين 0
(يعتمد)
ليش ابوي تزوج على امي؟
…………..بس خلاص…………
هههههههههههههههههههه << عن جد كل واحد قائمته احلى من الثـــاني ..
<< My Why List
1: ليه الخبااز اذا جاء يخبز يفصخ سااعته << اجل وش رايك …
2: ليه الواحد اذا جاه النوم يروح ينام < لا والله اقعدي بس ..
3: ليه الكليجا سميت بهذا الاسم ؟؟ << عللي هههههه ياقدم الجعرافيااا.
4: ليه اللقيمات دائريه<< وش تبين شكلهااا
5:ابسئلك مولي << ولا تدررري خلاص < عصبيه هع
6:ليه دايمآ اذا جاء من يرن الجرس وقلنا مين يقوول ” انـا” <>علشان نلبس جزمتيين << ياخف دمك ..
ثــانكيوووو مولي على فكره الاقواائم << شي << خقققققق
شكرا لجميع اللي شاركوا و تفاعلوا.. يا عزتي لكم..
قبل ما أعلق عليكم ابي انوه عن شغلتين:
.
1- أبي أضيف تساؤل جديد لقائمتي:
ليش محد علق على الأغنية اللي سدحتها؟ .. مالت على الظالم!
.
2- أرجو تعذروني هالمره راح أختصر بالردود.. و مثلكم يعذر مثلي يا عزتي لكم..
هلا و غلا Hilien..
نورتي المكان طال عمرك..
هلا والله و غلا S.A.L.M.A.N..
قائمتك روووعه.. ما حصلتش يا رائل!
اسلم لأخوك..
هلا و غلا SomeOne..
والله من حظي الحلو يا الغالي انك اول من يرد دايم.. بس هالمره سبقك بها هيلين!
قائمتك.. رهيبة!
لا خلا ولا عدم.. اسلم لأخوك..
هلا والله و غلا picky..
سلامتك ألف سلامة.. أجر و عافية يا الغالية..
.
اول شي.. مافيه تفسير منطقي لحكاية التثاوب.. صدقينن!
بس قوووووووووووووويه نفع معها فرد الشعر… الله يرجك!
.
قائمتك خطيرة.. اما الميرندا.. بقوة اتفق معك..
و هذا يقودني لتساؤل لا يقل خطورة:
ليش جمع الببسي.. كرتون ببس..
لكن جمع الميرندا.. موب كرتون مرند!؟
.
الا تقولون “بيرندا” من زمان!
نورتي المكان طال عمرك..
هلا والله و غلا NANO..
سلامة خلايا مخس يا عزتي لس..
.
صادزه انتي؟ .. سايكوفيزيائي؟! .. تصدقين هالحتسي؟!!
و بعدين لأ.. ما لك لوا.. ما ارسم حرف U ارسم حرف n.. فكري فيها!!
.
نورتي المكان مثل كل ابو دايم..
هلا و غلا NOLY..
الله يسلم يا الغالية..
قائمتك راااائعه و فيها نقاط مره جازت لي مثل ملاحظة قوارير البيرة و اللون الأخضر!
نورتي المكان طال عمرك..
هااااااااااااااي
اولاً : ههههههههههههههههههههههههههههههههههههههههههههههههههههههههههههههههههههههههههههههههه
ثانياً : باقولك قائمتي :
1. ليه ربي خلق ناس نحاف ورشيقين وناس سمان ودبيين…؟
2. ليه السعوديين عندهم اللي ماتتغطى قليلة ادب وماتستحي ومتبرجه واذا جت شيخه مصريه من الازهر متحجبه قالوا ماشاء الله عليها لا بعد ويتتلمذون على يدها.
3.ليه الواحد اذا جا يذاكر جاه النوم…؟
4. ليه بعض الناس شايفين نفسهم على ولا شي……؟
5.ليه كل انسان مايعرف وش جانب الابداع اللي فيه..؟
6.ليه اللي تفكيره تحليلي ومنطقي يقولون عنه فيلسوف..؟
7.ليه نحب اخواننا وخواتنا حتى لو قهرونا…؟
8.ليه مو كل شي نبيه يصير..؟
9.ليه الناس يحبون المظاهر..؟
10.ليه مااحب اشرب شاي ..؟
11. ليه مايخترعون علاج ناكله وننام ونقوم نلقى انقسنا نحفنا وصرنا رشيقييييييييييييييييييييييييييييييين…؟
وبافي اشياء كثيييييييييييييره بس اذا تذكرت بارجع اكتبها..
هلا و غلا والله بـ قطوه..
يا عزتي لك والله..
قائمتك رائعه بكل ما تحمله هالكلمة من معاني..
اما بريزون بريك.. هاك اليوم العيال يتكلمون عن حلقات السيزون الجديد..
قلت لهم اها بس! .. القناة اللي تجيب بريزون بريك ما اشوفه ابد.. اخاف المح لي لقطه بالغلط!
مالي خلقهم يرفعون ضغطي و يحرقون أعصابي..
لامن السيزون قضى.. اشوف كـــــل الحلقات ورى بعض.. تصدقين سيزون 3 سويت كذا!!
حول 5 ساعات.. و قضينا.. و كفى الله المؤمنين شر القتال!
.
نورتي المكان يا عزتي لك..
مزرعة ورود!
هلا والله SKY..
ميو ميو سوشي سوني..
سعيد جدا بوجودك و تفاعلك يا الغالية.. و قائمتك روعه..
نورتي المكان..
باناسونك دملبنغز..
ارحبوووووووووووووو
ههههههههههههههههههههههههههههههههههه وربي انه عليك افكار خنفشاريه وطلعات خطنطيرة
بجاوب على اللي اقدر من الواي لست بتاعتك
السؤال الاول ما اقدر اجاوب عليه لاني ماعرفت المسلسل
2 اتوقع ولا تاخذ كثير على توقعي انه تحديد الاشهر مذكور بنص شرعي لذلك لايتم الاعتماد على الحساب والفلك <<<ادري فلسفه
3 مثل ماقالت نانو اما انهم ماتوا والا انهم ماتوا
4 تدري هاك السنه من كثر ما افكر بهالسوال كبر راسي قولي قااااء لا عندي جواب بس ما اقدر اطرحه هونااا علشان ما احط بذمتي شيء
5 اي دونت نو
7 مولي ليش مانخلي رمزه n,u
بتقول ليش لانه اللي جاي من فوق بيصير عنده u
واللي من تحت بيصير عنده n
يمديك على التفسير ههههههههه
8 لانه مضر بالصحه
9 قد سالت عن هالشيء وكان قاهرني مررره واسمع الجواب يقولون انه الاجنبيه مو معروف عنها شيء يعني عن نسبها واصلها يعني بيسمون عيالها عيال ال ….(بحسب الجنسيه)
اما اللي من نفس الديره وغير النسب بيكونون يعرفون عنها كل شيء شغله اهلها واصلهم وهكزاااا ويسمون عيالها ……. بحسب اصلها
اتمنى اني قدرت اشرح زين لاني فاشله لابعد مدى بالشرح ههههههه
ماي لست ولاتضحك لانه اللي حاضرني الحين
ليش الهواء ماله لون ؟؟
وليش الماء مو كله حلو ؟؟
واشياء كثيرة تخطر على بالي بس الان ماتحضرني
يسلمو مولي
هلا والله و غلا HaNeEn..
مشاركة رائعة و ثرية مثل ما تعودنا منك.. و قائمة ولا أروع..
شكرا جدا على الموقع الجميل فعلا.. لكن ترى الاجابة على التساؤل جدا مبهمه.. و حكاية السايكوفيزيائي هي نظريات غير مثبته علميا..
.
الأغنية اللي وضعتها راااائعه.. الطفل اللي يغني فنان!
نورتي المكان طال عمرك و نوم العوافي..
هلا والله و غلا anosah..
يا حبك للطنزة يا شينك!
نورتي المكان طال عمرك..
هلا والله N0oNy..
وينك يا الغالية زماااان عنك.. وش اخباااري!
الا وشلون صديقتك الكيوته!؟
.
أول شي.. انا فهمت ليش البنات موب فاهمين حكاية الـ nTurn.. لأنكم ببسطاه ما عمركم سقتوا!!
لو تفكرين فيها زين كان فهمتي قصدي.. بس خلي عنك اشوى انكم ما تسوقون دام هذا اللي عندكم.. ولا كان حوااااادث!
.
الله يرجك على هالتساؤل.. اسمه صقر الجزيرة!
.
نورتي المكان..
هلا والله و غلا أخوي Abudahoomi..
افا عليك يا الغالي ليش ازعل.. اويلاو بس.. عمري ما ازعل من النقاش و انا اخوك.. و انا تراي يا الغالي احترم اللي يختلف معي كثيرا.. و هدفي دائما و ابدا هو الوصول للحقيقة اينما كانت..
.
بالنسبة للنقطة اللي تفضلت بالإشارة اليها مشكورا..
انا اقول معاك حق 100% .. و اوافقك تماما.. هذي أمور فلكيه محسوبة سلفا.. و اثابتها علميا هو “بيس اوف كيك” مثل ما يقولون..
طيب و انا أخوك.. وش رايك باللي يقول لك.. ان دورة القمر و مواعد دخول الأهلـّه.. هي أيضا أمور فلكية يمكن حسابها سلفا.. و سبق أن تقدم عالم أمريكي مسلم من أصل مصري إلى الأزهر.. و أحضر معه كتيب فيه مواعد دخول الأهله لثمانين سنه قادمه مع الاثبات الفلكي العلمي لها.. و تم قبول كل ما جاء في كتابه..
اذا يهمك هالموضوع انا مستعد افصل فيه..
.
اسلم لأخوك يا الغالي..
هلا و غلا عبير..
صباح الخيرات يا الغالية..
ممنون ذوقك و كلامك الحلو بخصوص المدونه يا عزتي لك..
.
قائمتك ما يحتاج.. مسكته!
اعجبتني حيل.. لكن توقفت عند شغلة..
انتي خريجة مايكروسوفت تشات؟!!! .. اجل انتي زُمل!؟
يا زين هاك الايام ولا؟
والله كنت ابكتب نفس هالتساؤل يا عبير.. بس قلت ما ظنتي احد بيفهم!
.
نورتي المكان طال عمرك..
هلا و غلا wadha..
ما تدرين وين الخير فيه يا الغالية..
عسى الله يسهل أمورك و يكتب لك السعادة لك و لأمك و لكل أهلك.. قولي أمين..
نورتي المكان طال عمرك..
هلا و غلا hoOor..
الله يحلي أيامك.. و الشكر لك انتي يا الغالية على هالقائمة الجميلة جدا..
نورتي المكان طال عمرك..
هلا و غلا Arooj..
قائمتك خباااال.. بس وراك مركزة على الرشاقة؟!
اذا ذكرتي شي امانه تعالي كملي.. جازت لي مره قائمتك..
نورتي المكان طال عمرك..
هلا والله و غلا tofe..
صراحه بدعتي بالاجوبة.. و خصوصا حكاية الـ nTurn..
انتي اكثر وحده قربتي من الفكرة..
هو مو الفرق بين اللي جاي من فوق ولا من تحت.. لأ..
هو يعتمد.. هل انت اللي بتلف.. ولا.. فيه احد قدامك يشوفك و انت تلف.. فهمتي علي؟
و انا اقول المفروض نأخذ الموضوع من وجهة نظر السائق.. و بالتالي يصير nTurn!!
.
السؤالين اللي سدحتيهم روعة!
نورتي المكان طال عمرك..
ههههههههههههههههههههههههههههههههههههههههههههههههههههههههه
والله يااني مت من الضحك.أجل باناسونيك..وسسوني..
انا اليوم صحيت من النوم ادني تعورني ومن اول اقول ليش..شكلك وانتا بتكتب الرد حشيت فيا ولاشي..
بجد موضوعـ شيق .. وتوحفه …
من كرسي المشاهدين … –>> عشان فاتني الموضوعـ ..
في امان الله
عسى ضحكتك دوم يا SKY..
هلا و غلا be7ar..
ابد ما فاتك شي يا الغالي.. يالله نحتري قائمتك!
.
نورت المكان..
صباح اللقيمات والفيمتو :$
1-ليه اذا فكرت بشيء ..مثلا اقول يوه هالبنت شعرها يتساقط ..بكرا يصير لي نفس الشي
2-ليه احياناً ابكي من اشياء سخيفة وماتحزن مثل حفل اختتام الاولمبياد؟
3-ليه اذا جت الساعة 2 ومانمت ..ماانام ابد لين الفجر؟
4-ليه مااقدر اكمل مسلسل كامل..بسرعة أملّ واوقف متابعة؟
5-ليه اذا جيت أصلّي أعطش بسرعة؟
6-ليه اذا زعلت بطني يعورني :(؟
7-ليه اذا سمعت احد يودع احد ..احزن مرة حتى لومااعرفه ابد ولالي صلة فيه؟
آهلییییییییییییین
؟
؟
آولا بارکوا لی صرت آقوی عضوه مع ان عمری بحیاتی ماکتبت بمدونه
ماقدرت آغیب کثیر والموضوع هذا شغل لی بالی وکتبت قائمتی فی ورقئ و؛ذا فیه خطآ املائی صححوا لی
اغلب اسالتی استنکاریه
لیه الناس ترمی الوسخ بالشارع ؟
لیه الناس ماتهتم بالمرافق العامه ؟
لیه بقالتین یفتحون جنب بعض ؟
لیه ماندرک قیمه الآشیائ ؛لا ؛ذا خسرناه ؟
لیه الموضه وعالم الآزیائ عالم غریب یعنی الموضئ القدیمئ بعد فتره یرجعون لها ؟
لیه للأن فی ناس ماتعرف حتی آبسط الجمل فی اللغئ الانجلی.یه ؟
لیه ” نسیت ” ماجبت ورقتی اللی فیها الآسئله
لیه فی طغاه العالم ماعندهم ضمیر ” یعنی ماعندهم جانب انسانی
لیه مافی زی مدونه moleculo بالنت ؟
لیه ….؟
وآکید فی بقیه وراجعه
شکراٌ مولی
هلا والله rainyshore..
يا مساء السنبوسه..
.
قائمة جميلة جدا يا الغالية.. و على فكرة.. الناس اللي تبكي بسرعه من أمور بسيطه.. هذولي ناس قلبهم أبيض و سرائرهم نقيه!
.
نورتي المكان..
هلا والله sweetheart..
ألف مبروك يا الغالية..
عاد يبقى السؤال.. هل راح تقدرين تحافظين على المركز!
.
قائمتك جميلة جدا!
نورتي المكان..
يسعد لي اوقاتكم
رجعت بالـ My Why List
– ليه دم بني ادم صار رخيص .. تشوفه على شاشات التلفزيون ..وعلى صفحات الجرايد ,,
وممكن تلقى صور الموتى والحوادث والحروب ملقاه على ارضية مطبخ او في الشارعــ ؟؟
– ليه جيل 2000.. ما يخافون .. اذا خوفناهمـ …
– ليه نبكي يومين .. على الأحداث و المصايب الي تصير في العراق وفلسطين ولبنان .. وليه ننسها …
– ليه ..ما صار الموت له هيبه .. وتلقى الناس الي بالعزا .. حالهم شين … ؟؟
– ليه كل الناس تابعت مسلسل بوابة الحارة .. بحجة أن فيها أخلاقيات حلوه ..
طيب وين هالاخلاقيات الي يقولون عنها في المسلسل التركي .. !!!!
– ليه الارض تدور .. وحنا ما نحس … هذا السؤال من سنه خامس ج ….
– وليه الناس تقول عن الـ صريح … ما عنده ذوق …. !!!!!؟؟
– وليه اذا شفت افتح يا سمسم ابكي …
– احن كثير لبرامجنا زمان افتح يا سمسم .. المناهل .. مدينة الإعراب ..سين وجيم .. لبيبه
ليه ما يجبون هالحين مثلها ؟؟؟؟؟؟؟؟
– ليه كنت أخاف من موسيقة برنامج مصطفى محمود العلم و الإيمان …
– ليه كان يجيني انواع الاكتئاب .. لمن يقطعون افلام كرتون عشان المناسبات الوطنيه والمباريات …
– ليه كنت أحس اني ابغا اموت اذا شغل ابوي الراديو وهو يوديني للمدرسه الصباح ..
– ليه كنت احس بالمغص اذا شفت العيسى في برنامج مع الناس ,,
– ليه اولاد خالي الي تربيت معهم .. جحدوني بعد ما كبرنا .. و صارو مثل عيال الجيران …
– ليه كل الاطفال الي كانو حولي يوم كنت طفله كانو اولاد ,,, ؟؟ وينهم البنات وليه ما اخذوني معاهم ..
– ليه دايم افكاري غريبه عن الي حولي ..
– ليه احس بالامتنان لابسط عطاء ..
– ليه الي يحب ياخذ من شخص ما يحب يعطيه .. مع انه ممكن يعطي بسخاء لشخص اخر …
– ليه الصداقه بين المرأة والرجل السعودي فاشله في الغالب ..
– ليه نحترم الحب في حياة الاساطير والقصص والمسلسلات والافلام ونشوفها شي عظيم ومؤثر ,,
بينما نبغضه في ما حولنا ,, ولمن هم منا .. ونستحقر من يقعون فيه ..
– وما شاء الله .. ليه مولي ديناميكي وجزاب .. ومختلف في طرحه وفي أفكاره ..
————————————————————-
وايات اعجبتني .. ووقفت عندها كتير …
– ماذا حدث في الحلقة الأخيرة من المسلسل الكرتوني (فارس الفتى الشجاع).. و لماذا تم منع عرضها في التلفزيون السعودي؟ – ليش وقفوا (بيبسي الليمون)؟
– ليش دايم محمد عبده يغنون معه مصاريه <<<< علشانهم ارخض <<< بس ليش ؟؟؟
– ليش دايم الي يحب النت مايهمه التلفزيون والعكس واللي يحب الشاهي ومشتقاته مايحب الكوفيز والعكس..
– ليه المسلسلات العربيه والافلام بعد .. تجيب الغبنه من جميع النواحي لدرجه اني شوي واصيح ابي اغير هويتي والله
– لية دايما لما نبغا الشي مانلاقيه..ولما نلااقية نكون مانبغاه..
– لية أحيانآ لما تكون معصب وبتزعق على احد وتكون خارج من الغرفه..يمسك التي شيرت حقك في يد الباب..ولاتتخبط بأي
شي..<> صحيح ليه تزوج ابوه على امه,,
– ليه اذا جيت أصلّي أعطش بسرعة؟
– ليه اذا سمعت احد يودع احد ..احزن مرة حتى لومااعرفه ابد ولالي صلة فيه؟
هلا و غلا be7ar..
مداخله و قائمة من أروع ما يكون.. لا خلا ولا عدم..
.
يالله.. ذكرتيني بـ (افتح يا سمسم .. المناهل .. مدينة الإعراب ..سين وجيم .. لبيبه).. تذكرين مدينة الأبواب؟.. يا زين برامج منول!
.
نورتي المكان طال عمرك..
آهلا مولی
آحم آحم آحسنی شخصیه مهمه لما سآلتنی
بس آول لیه ماصححت الاملائ حقی آتعب نفسیا لما آشوفه مو مرتب
المهم جوابی هو ایه بستمر من آنشط الآعضائ وآتمنی آکون دایما آقواهم بس بصراحه ماتوقعت آکون آول وحده
مع انی مابعتبر نفسی بسباق عشان آتصدر القایمه یعنی بهتم بنوعیه المشارکه واذا کان عندی شی اضیفه
بکمل قایمتی
لیه الطیور تشکل آسرابها آشکال هندسیه حلوه ؟
لیه مانهتم بکلمات زی شکرا والله یعطیک العافیه ولوسمحت ؟
لیه طریق الرجوع یکون آقصر من الذهاب ( طبعا الا فی حاله الشوق )؟
لیه فی ناس ماتحترم الطابور ؟
لیه مب راضیه آخلص روایه عالم صوفی مع آنها تنام لیلیا جنبی ” آموت وآعرف لیه ” ؟
وبس آتوقع
باقی آقولک مولی سلم علی بسکوته
وقوله ؛نی اشتقت له وبارک له العید
هلا والله سويت هارت..
شكرا على هالقائمة الحلوه..
و سلامك لبسكوته بيوصل ان شاء الله.. تشتاق لك العافيه..
نورتي المكان طال عمرك..
ليه لما نمشى فى المطر نرفع أكتافنا لفوق ؟ وش بنسوي يعنى ؟
ليه إذا إحنا دخلنا طريق غلط وإحنا سايقين السياره نقصر صوت المسجل أو راديو السيارة ؟
ليه لما تكون بطارية الريموت شبه فاضية نضغط على الزر بقوه ؟
ليه لما يعطينا احد قلم جديد .. أول شي نسويه نجرب نكتب إسمنا ؟
ليه نقول هدية مجانية ..؟ مو المفروض إن الهدية تكون مجانية ؟
ليه لما نكون داخل البيت والسماء تمطر نسأل في مطر برا ؟ يعني المطر بيكون جوا !!
ليه لما يقول لنا واحد انتبه الجدار لسا مصبوغ ما نصدقه ونمد اصبعنا نتأكد ؟
ليه الخدمة تكون سريعة لما المطعم يكون مزدحم أكثر من لما يكون نص نص ؟
ليه لما الواحد يصف السيارة فى موقف فاضى اللى جاى وراه يصف جنبه ؟
ليه دايما لما واحد يركض يلحق الباص تلاقيه مبتسم ؟
ليه نفكر إن لما ندوس على ازرار الأصانصير كثير ، راح يجي بسرعة ؟
ليه وإحنا بنأكل الطفل الصغير فى فمه بالملعقة .. نفتح فمنا ؟
……………………….
هذه قائمة إلا أن تشارك ..
مولي سلامات تصلك وتحييك .. لتكون بخير أينما كنت .. وحيثما حللت
اووبس …ليش محذوف ردي
هلا و غلا reef.meemoo..
قائمة رائعه جدا.. سعيد حيل بتواجدك و بتواصلك.. يسلم غاليك يا الغالية..
نورتي المكان..
هلا و غلا lolo..
لا افا عليك يا الغالية مستحيل يتم حذف ردك..
لكن انا من بعد اذنك نقلته لموضوع (قانون Murphy و العلاقات الإجتماعية).. لأني حسيت ان ردك كان عليه مو على هالموضوع.. ولا؟
http://moleculo.net/?p=287
نورتي المكان..
ماظن لها داعي المـآي لست ( My list )
لانه ماظن أحد بقراها
يلا نشوفكم في آخر المدونات
إلا على فكرة ايش معنى مدونه ؟؟ هههههههههه
فعلآ ليش !
.
ليش سواقنـــا يسمي المملكه [ سلفر ] ؟
ليش اغلب الشعب يسمي هذاك الشي اللي يطلع مويه بارده وحاره [بزبوز ] وإلا [ صنبور ] ! من وين يآحسرهـ جايبين هالاسامي !
وليش دائما اللي يصيح اول هو المظلوم =/
وليــش ليــش دائما ندرس مناهج طول وعرض ما نعيها ولا نفقهها =/
.
د.مولي اهنيك تساؤلات عجيبـــه من جد =/
[
HaNeEn 19.09.2008 at 8:12 pm
1 – ليش الله خلقنا ؟ لا تقولوا للعباده … الله مو محتاج عبادتنا ، ليش خلقنا بمشاعر يعرف بالضبط شقد احنا ضعاف و بسيطين تجاهها؟
4 – ليش القدر قاسي علينا ؟ ليش الظروف تقهرنا و اعظم مخلوق هو الانسان بس ليش انخلقنا بتركيبة معقده ؟ لدرجة ان أغلب هالعلوم تدور حول الانسان .. تفكيره سلوكه نفسيته شغل جسمه تأثير الطبيعة عليه و دوره فيها … ليييش الانسان مو مثل > النمله> ؟رفض يعيش الكون زي ما هو ساري .. الا مو قاعد بالغصب هو يأثر على الكون
]
الغآليــه حنين (L)
تساؤلات مميزهـ عن باقي التساؤلات ..
لكن مالاحظتي انها شوي قدحت فالعقيدهـ
انا متأكده ماكنتي تقصدين هالشي ودائمــــــــــا إنا نقول كلآم ماندري لـ أي درجــه قوته ..
شوووفي يآ ألبي اذا فعلآ ودك بإجابات عن هالتساؤلات انا بقولك واعذريني على التطفل
بس لـ أني لو انا مكانك اتمنى احد يقول لي هالمعلومـــه ..
من بآب { إنَّ الَّذِينَ يَكْتُمُونَ مَا أَنْزَلْنَا مِنْ الْبَيِّنَات وَالْهُدَى مِنْ بَعْد مَا بَيَّنَّاهُ لِلنَّاسِ فِي الْكِتَاب أُولَئِكَ يَلْعَنهُمْ اللَّه وَيَلْعَنهُمْ اللَّاعِنُونَ } 159 البقرهـ
أقــول :
اجابتـــك في كتاب شرح العقيده الطحاويـــه الجزء الاول – تحقيق التركي
وبين هذا في مسألة القضآء والقدر .. مثلها مثل القول [ ليش ربي خلق معاصي ولا يبينا نعصيــه وكاتب لنا كل شي قبل مانخلق ويحاسبنا عليه ] المسأله موجوده اتمنى انك تراجعينها واذا مالك خلق انا اجيبها لك ^_^
في صفحــة 389
[ كيف يريد الله امرا لايرضاه ولا يحبــه ؟ وكيف يشاؤه ويكونه ؟ وكيف يجتمع له ارادته له وبغضه وكراهته ؟ ]
لو الرد قصير كتبتـــه هنا .. لكن الرد طويل نوعــا ما لان فيه بعض المذاهب والاعتقادات والردود عليها , فـ أعتذر عن كتابتـــه
.
واللي لفت انتباهي بعد رقم 4
انا بقولك لان الانســـان رضى انه يحمل على عاتقــه الامانه ..
{إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً }الأحزاب72
اما النقطــه الثآنيــه واعتذر على الاطالـــه ..
ألبو انا متأكــــــدهـ زي ما انا متأكده من اسمي انك ابدا ماتقصدين سب الدهر والقدر والظروف لان سب الدهر هو سب لله
عن أبي هريرة رضي الله عنه قال : قال رسول الله – صلى الله عليه وسلم – : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
تخريج الحديث :
الحديث أخرجه البخاري و مسلم .
معاني المفردات :
السب : الشتم أو التقبيح والذم .
الدهر : الوقت والزمان .
يؤذيني : أي ينسب إليَّ ما لا يليق بي .
وأنا الدَّهر : أنا ملك الدهر ومصرفه ومقلبه .
.
اعتذر منــــك اخت حنيـــن , ولو ضايقك كلآمي شوي . ابيك تفكرين وش المصلحه من اني اوجع راسي واضيع وقتي واكتب لك كل هالرد !؟
واعتذر من الجميـــع على الاطآلـــه , واتمنى اكون وفقـــت فالرد
.
^^
سؤال واحد:
اش صار لببيروا وهل لقى أبوه في الحلقة الاخيرة ووصل لبلاد الالدورادو؟
اتكلم عن مسلسل الاطفال الكارتوني (( النسر الذهبي))
شكراً لك امعتني
لكن ما فيه احد سوا ساعه تمشي بالعكس .. غيري !
إلا قد سووها ب فلم براد بيت بآخر 2008 بس مادري نسيت وش اسمهـ .. !
يالله ..
ترى لو حطيت كل تسآؤلاتي بتخرب مدونتك فبحترم نفسي و أضع القليل فقط ..
1-
ليش السعوديين دايما ما يتقبلون الاختلافات في الأحكان بين المذاهب السنية .. بس لو اختلاف بين مشايخهم هم يتقبلونه عادي .. يعني مثلا بين المالكي و الحنبلي و كذا !
2-
ليش أمي ما تخليني اشتري عيني عينك هولستن من السوبر ماركت ؟!
يعني بمعنى آخر ليش نستغرب لو بينت شرت هولستن .. أقول ترى بدون كحول ؟!
3-
ليش البنت لو تبي تدخل بقآلة بالسعودية يطالعون فيها الناس باستغراب كأنها بعين وحدة !!
4-
ليش لسى المنتديات في العالم العربي شغالة و هذا وجهي إن لقيت منتدى أمريكي مثلا >> قد دورت في القوقل تبي تشوف و ما لقت شي !!
5-
ليش المسلسلات العربية لو شفتها من الحلقة 25 من اصل 30 تفهم كلش ..
و لو مسلسل أمريكي مثلا لو ضيعت نص حلفة ما تفهم شي .. ( في بعضها طبعا ) ؟
6-
ليش حاطط فوق البحث ببثارة ؟!
6-
ليش يوم ما إن سمعت عن مدونتك كثير اشياء زينة و جيت أفتحها و كانت مهكرة ( العطل الفني في الموقع المضيف ) .. ليش جا حظي كثير و كل يوم افتحها و كذا لين اشتغلت ؟!
7-
ليش في كثير بنات قدي بايخات ؟!
8-
ليش أنا تفكيري غير عن البنات الي قدي ؟! >> اي المراهقات ..
9-
و صراحة عندي نفس سؤال بررزن بريك
وش حسوا به يوم طلعوا قصة أمه ذيك .. ؟!
فقط
أشكرك اخوي ع التدوينة الحلوة ..
سلآم
1- ليش بعض الافلام المصريه تمنع من العرض بسبب امور خادشه لحيائنا كمسلمين لكن افلام ومسلسلات غربيه (تجمل افكار الخيانه الزوجيه – تحلل حقوق الشواذ – وتحلي العلاقات المحرمه للشباب) تنعرض عاااااااادي ولا كان في شي.
احس اننا نحب نتفلسف على بعض وبس.
2- ليش ماعندنا القدره على حب بعض كعرب مع اننا نحب فنانين وممثلين ماندري وش قصة امهم .
3- ليش كل ماكبر الرجال صغر عقله
سوري
4- ليش جلسة الحريم اسخف مماتتصور (اسفه بنات)
5- ليش العرب مفتكرين اننا مستحيل نتطور
مع ان العلم بدا من عندنا هل لان نص علمائنا يموتون خخخخ ولا لان تجارنا العرب يدعمون المنتجات الغربيه اكثر من العربيه.
6- ليش بدا يصير ذوقنا واحد البنات صاروا يحبون الرجال بشكل واحد والشباب صاروا يحبون البنات بشكل واحد يعني البنت الي شكلها مختلف عن الي يطلع بالتفزيون تنتحر
7- هذي تشبه نقطتك بس مختلفه شوي – ليش في مجتمعنا البنت مايتزوجها الي يكلمها تلفون بس عادي يروح ويتزوج وحده مسيحيه كل شي عادي عندهم والاهم من كذا اذا ماعندها بوي فريند تعتبر معقده
8- ليش اغلب البنات حسودات وغيورات ويحبون المؤامرات والفتن خخخخ
9- ليش وصلنا لزمن الصايعه تسمى دلوعه والمحترمه تسمى مسترجله
10- ليش الرجال يحبون الجمال الطبيعي مع انهم ميتين على اليسا ونانسي واغلب الفنانات الي وجيهم واجسامهم عمليات تجميل هالشي اكثر شي محيرني وسمعته اكثر من مره (حلات البنت بجمالها الطبيعي بدون عمليات بدون مكياج) لكنهم يعجبون ببنات كله مكياج وعمليات تجميل.
11- ليش البنت الي تحب قليلة ادب والرجال الي يحب انسان حساس
12- ليش البنت الخليجيه تتربى بطريقه عربجيه ودفشه لكن مطلوب منها انها تكون اكبر دلوعه
13- ليش الناس تجيب عيال اذا شايفه ان العيال هم وغم
14- ليش احنا مجتمع مستهلك (لاعت كبدي من هالصفه)
سلااااااااام بابو الفله .. خيووو .. شو اخبارك .. جبتها في محلها لقيت لي شي اتلكع به مير ..
ابو الفله
ون .. ليه العرب اصبحو رجعيه والغرب تحضرو على غير سنع .. واصل العلم والحضارة العرب ؟؟
تو.. ليه دائما .. الي يبينا عيت النفس تبيه والي يبينا عيا البخت يجيبه لنا ؟
ثري … ليه دايم الدوافير يلبسون نظارات ؟؟
فور … ليه اذا فضيت تقضي اشغالك واذا انشغلت ماعد به وقت يخلص سبحان الله ..
فايف … ليه نادرا تلقى احد يحب الرياضيات
؟؟
سفن .. ليه الحاجه ام الاختراع .. ليه ما نخترع الاوقات العاديه ؟؟
لو تلاحظ مافي رقم سته .. خخخ خفت اكتبها تنفهم غلط << لا و الله
والحافظ الله .. بام الله