Responses to “ما بين جزمة بوش و كرستالة ريغان!”

1. 
   HiLal 23.12.2008 at 8:51 am

   هلا والله دكتور مولي
   ماتلاحظ أن كل صبح أول ماتنزل موضوع اجي انا هههههه

   والله ياخوي بعد هالحادثه اللي صارت طلعت لها سذاجات وحماقات بعض العرب خلني أقولهم لك :
   الأولى يقولون أن شيخ عسيري بيشتري جزمة العراقي بـ 40 مليون
   الثانيه مدرب عراقي بيشتريها بـ 100 الف دولار ؟
   والثالثه ان الشركة التركيه المنتجة للجزمة وانت بكرامه والمشاهدين يقول تلقينا عروض كثيره بعد هالحادثه ..,
   والله عاد ليتها صاكته على خشته أو لمسته أبد مالمسته ولا شئ

   وعلى قولت أحد الاجانب باليوتيب بالردود اللي شفتها يقولها ويضحك

   العرب يضربون بالجزم …. وبوش يضربهم بالبومب يعني المتفجرات

   الله يعين ياخوي ..,

   والسماعات البلوتوثيه ياخوك ماحبها كل ماشريت وحده وحطيتها بإذني تعورني بقوة مدري وش بلاني هههه

   وابشرك مزبن لي كم قرش بشتري لي كاميرا رقميه

   والحين انا محتار بين كم نوع وبقولهم لك :
   الأولى :Canon IXUS 970 IS
   الثانية : Canon G10

   عاد مدري وش الزين بس بقول لك وش أحب انا بالكاميرات

   انا مسوي الولد الحساس اللي يحب يصور المناظر واحب بعد تكون الكاميرا دقتها عاليه علشان يكون للصورة جماليه خاااااااصة انت عاد وش تنصحني به وترا ميزانيتي 2500 ريالز

   وموفق دكتور مولي

2. 
   tart 23.12.2008 at 10:29 am

   مشكور مولي الله يعطيك الف عافيه
   عرف كمان من سخافة التفكير الكل يبغى يشترى الجزمه ياناس وين العقل هو بس الواحد يمشي مع الركب الماشي ويزعلون اذا احد اتكلم علينا
   موفق دائما مولي

3. 
   dont deff 23.12.2008 at 10:58 am

   اهلين يا جماعة

   على طاري الجزمة ( تكرمون) انا اشوف ان الجزمه كانت اكبر دليل على نجاح بوش لأن منتظر الزيدي لم يقم به الا وهو ينتظر محاكمة عادلة ولو كان في زمن صدام حسين لم يكن ليجروء على فعلها لسبب بسيط وهو ان حياته وحياة اهله واقاربة وعشيرته والجماعه التي ينتمي لها ستكون معرضه للخطر. لذلك فإن التطبيل لمثل هذا النوع من الاحذية الطائرة انما هو تطبيل لجورج بوش.

   وبعدين يا عزيزي مولي انا اتفق معاك بشأن تأخر الحرس الخاص في الظهور لكن اعتقد في تصوري لان القاعة كانت صغيرة ولكي لا يظهر بوش في بغداد مدجج بالحراسه مما يترك انطباع سيء لدى المشاهدين بأنعدام الامن
   ( it is politics my dear).

   وعلى طاري ريجان انا على ما اذكر ان هناك مهوس بجودي فوستر جلس يطاردها ويحاول الاتصال بها وهي تتهرب منه وبعدين ارسل لها رساله بالبريد يقول فيها انه رايح يقوم بعمل يخلي العالم كله يدري انه يحبها .. وفعلا .. حاول اغتيال ريجان لكن احد الحرس استبسل وتلقى الرصاصة في صدرة اما ريجان فاصابته رصاصه ولكنه نجا من الموت.

   وعلى طاري سماعة البلوتوث بصراحة انا عضو جديد ولذلك ماحب اتدخل في الامور الشخصية لك ( مابعد منت ببدأ امون من الرد الثاني) لكن بصراحة انا اتابع هذه المدونه منذ أشهر واليوم قررت اني اسجل … اعلم انه قراري ارتجالي لكن احساسي بهذا التسجيل مثل الاحساس اللي يجي الشخص لما يتم اختيار احد صورة كافضل صورة يوميه في موقع deviantART
   مبروك!!!!

4. 
   khaled 23.12.2008 at 4:43 pm

   يا اهلن يا اهلن
   الموضوع اليوم خنفشاري >>انلحس مخه
   3 مواضيع بموضوع والله شي اليم
   اول شي انا اقول من جد انزعجت من الجزمة >>حس انها اهم منه هههه
   وثاني شي قهر كنت احسب هذي اول جرية على رئيس
   وثالت شي السماعة مرة جامدة وخطيرة وخنفشارية وشكلي انا ناوي على وحدة
   وبالنسبة للتصورير انت عارف راي ومخلص
   بس على “اثروا التزليب” ههههههه من جد شكل كان فيه اجتماع كبير مرة بينهم
   
   المهم طولت عليكم نشوفكم على خير تصبحون على ليل سلملم

5. 
   son moleculo 23.12.2008 at 6:38 pm

   قصم اني شفتها قبل لا تكتب هالمدونة بس ما عرفت انه ريغان

   ويسلموووووووووو على هالكتابه طيب يعني انه مقصوده ولا كيف

6. 
   N0oNy 23.12.2008 at 8:05 pm

   اعنبوا ابليسكم حتى صعرور ما طلع له.>> nice

   بعديييييييين انا ابي سيجراتي الثلاثه !!!!!!(( كنت بكتبها “سيقراتي ” بس حسيتني بكون طنازه عند فراغ عاطفك الجميل )

   big moly انا قررت الله لا يعوقني .. اذا جيت الرياض .. عازمتك على فطور الساعه 12 سيريل لازم اخلي ابوووي يشوفك عشان يفرح !! ودوجه جمبي تغمس فيسها بصحن السيريل حقها
   مره انت انساان عندك اشياء ماششششششششششششالله .
   فانا قررت اضمك الي لائحه الفتاكين بجانب هتلر ومهمد ابدو ونفسي طبعا
   الله يزيد ابداعاتك اي سوير اني افرح لما اعرف عنك اشياء كيوت زي كذا .. تستاهل بق برو .
   ولو تقولي ممنون ذوقك بالردود .. ترااا بتصيييييييح !!

7. 
   anosah 23.12.2008 at 10:43 pm

   موضوع الجزمة أقول يا شماتة أبلة تازة
   السماعة موب صاحية ماشاء الله
   بس التصوير أحلا ;)
   —
   كلمة الأسبوع
   و إنت بخير و بصحة و سلامة و الهلال دايما فايز يا رب :D

8. 
   sahab 24.12.2008 at 1:58 am

   يسلمو مولي على الموضوع
   معك حق الموضوع أخذ أكبر من حجمه ولو كان الموضوع يستحق أو أعطى نتيجة كان ما احد عطاه وجه
   التقنية مالي فيها وزين اللي أعرف سماعة البلوتوث
   أما التصوير فمنتهى الروعة ………
   طولتها صح
   تحياتي يامبدع

9. 
   rainyshore 24.12.2008 at 2:25 pm

   مولي
   مالك داعي
   لاتستصغر الحدث

   دوك هاللنكات واقراها بتمعن تكفى

   والأميركي جون كيني في «نيويورك تايمز» كان عنوان تعليقه «الحذاء الذي سُمع حول العالم»، أما الأميركي الآخر ديف ليندورف فقال: «منتظر الزيدي فعل ما كان يجب أن نفعل نحن (الصحافيون الأميركيون)».

   http://www.daralhayat.com/opinion/editorials/12-2008/Item-20081222-6001c79f-c0a8-10ed-0088-d0c1aab24139/story.html
   واذا حسيت ردي ماله اي هدف عادي امسحه بس اهم شي تقراه

10. 
    Mr.Talal 25.12.2008 at 7:53 pm

    ياخي سبحان الله .. فيه تشابه فلسفي بيني وبينك هع :D

    الزبده أنه في كلاسنا نظام قروبات ودايم في محاضرة الانقلش نسحب شوي وندردش وتصير

    هواش..

    الزبده أنو كانت وجهة نظري نفسك تماماً

    وفيه واحد من الشباب يمجد فعل منتظر … وانه عبر عن مشاعر العراقيين وخلى الغرب يدري ان الشعب غير مستفيد من الحرب…الخ

    >> عمركم شفتوا واحد يشرح وجهة نظر غيره أكثر من ان يشرح وجهة نظره هو << هع

    المهم انك جبتها على الجرح واخيرا لقيت أحد يؤيديني..

    وعلى طاري الكلاس تصدق ان دكتورنا امريكي ولا جاب خبر عن اي شي حتى الانتخابات..

    أنا مسوي فاهم واباركله فوز اوباما مع انه نفس البشرة .. الا انه يقول نو ديفرنت!!

    شهيتي مفتوحه للتعليق خصوصا بعد ما قشعت بسيارتي الرصيف لا وبعد استاندات جامعة بنات سعود (تحت الانشاء) هع

11. 
    NANO 27.12.2008 at 10:10 pm

    سـ الخير..

    تسيف حالك خيي ..
    اول شي بقول كان ما برد تسبدك الزيدي وما ضبططت الكفخه

    >> خذ عليك به http://www.sockandawe.com/

    << ترفع ضغطه زوود

    وعلى الربط بين الحدثين هييين اصلا انت بروفسوور الذهانه والفطنه << كيف الترفيع بس

    بس حلف لو انا داريه عن الحدث الاول كان جمعت مثلك << تراك وارث الشي مني انا هاا “اووش بس”

    وسسسع صدرك بس عن هالشرذمه

    والسمااعه رهيبه مرره بس مدري وراه منيب اميل استعمل سماعات كذا انا شخصه دووغري << ويليه بس صبر الارض

    << فاتحه موقع السماعات ترسل خطاب يفطنون لهالدعايه الي موب من اللائق تجاهله وعدم مكافئته < من يوم قالت موقع السماعات اغسل يدك خيي P:

    فووتك بعافيه

12. 
    moleculo 27.12.2008 at 10:24 pm

    هلا والله أخوي HiLal..
    يا أخي انت جبتها تمام.. ابد اختصرت كتب كاملة لما ذكرت تعليق الأمريكي.. بالضبط.. حنا رجمناهم بجزمة انسان تافه يقول هو بنفسه “سأفعل عمل يدخلني التاريخ”.. يعني يبحث عن مجد شخصي ما همه لا وطن ولا أمه.. و هم بنفس الوقت يرمونا بمئات الآق من القنابل!
    .
    لا ابد اذا مشكلتك مع سماعات الجوال انها تعور اذنك.. انا أضمن لك ان الـ Jawbone ما راح تضايقك أبد.. أولا جدا جدا جدا خفيفه.. و ثانية يجي معها 3 قياسات لسدادات الاذن.. أكيد بتناسبك..
    .
    بالنسبة للكاميرا.. أبد مثل ما يقولون “لا يـُفتى و مالك في المدينة”.. و أنا أقول ما أقدر أفتي بالكاميرات و NANO موجودة.. هي خبيرة الكاميرات.. ان شاء الله بتقرا ردي هذا و بتنصحك بالنوع المناسب..
    لكن دام ميزانيتك 2500 ريال.. أنصحك تشري SLR لا تشري كاميرات عادية..
    .
    اسلم لأخوك..

13. 
    moleculo 27.12.2008 at 10:25 pm

    هلا والله tart..
    العفو يا الغالية.. والله يعافيك و يسلمك..
    ابد أوافقك تماما على كلامك..
    نورتي المكان طال عمرك..

14. 
    NANO 27.12.2008 at 10:33 pm

    ويييييييييه نسيت اهم شي
    التصويييييييييييييييييييييير

    قلووووب قلوووب قلووووب << للتصوير موب لك

    تدري اني مستانسه من يوم شفت الشسمه ذاك البيج تحمست صدززز
    عاد الحين لاهنت كل تدوينه معه صوره هديه

    تدري وش ابطل شي سويته انك خليتن اطقم انا ولماااسه بالكامات

15. 
    moleculo 27.12.2008 at 10:34 pm

    هلا والله و غلا dont deff..
    أول شي.. حياك الله يا الغالي.. و توما نور المكان.. ليتك مسجل زمان يا عزتي لك..
    و ثاني شي.. اسمك جاز لي حيل!
    ….
    فعلا.. أوافقك تماما على النقطه الأولى اللي تفضلت فيها.. أصلا جورج بوش حاول يلعب على نفس هالوتر بعد ثواني من هالحادثة..
    ….
    يا رجال خل يظهر مدجج و ملحم (يا مصلي ساعات ).. يا روح ما بعدك روح.. و العمر موش بعزأة..
    أنا يا الغالي ما أقول المفروض يكونون لاصقين جنبه.. لكن على الأقل يكونون محاوطين المكان.. أو متواجدين في الصفوف الأمامية..
    ….
    أما اللي أطلق على ريغان والله ياهو كان يمر بظروف يا ويلي..
    على فكرة ترى مشهد اطلاق النار من قرب توهم سمحوا ببثه من سنوات قليلة.. و موجود في اليوتيوب.. بس على الطاري.. قبل فترة شفت لقاء مع مرافق ريغان اللي تلقى الطلقة.. مسكين صراحه.. تقريبا انشل تماما بعد هالحادثة..
    ….
    الله يبارك فيك يا الغالي..
    نورت المكان.. و خلك قريب و أنا أخوك..

16. 
    NANO 27.12.2008 at 11:02 pm

    (((بالنسبة للكاميرا.. أبد مثل ما يقولون “لا يـُفتى و مالك في المدينة”.. و أنا أقول ما أقدر أفتي بالكاميرات و NANO موجودة.. هي خبيرة الكاميرات.. ان شاء الله بتقرا ردي هذا و بتنصحك بالنوع المناسب..)))

    يحلفوون ان له ساعه تناظر الرد خاقه عجزه ترد هههههههههههههههههههههه

    شكرا خيي على هالشهاده

    وبمناسبة الكام انا توني مبتدئه بس ان شاء الله افيدك
    دامك تبي كام دقتها عاليه
    مالك الا مثل ما قال اخيي مولي .. SLR ازين شي
    انا ماعندي علم باخر اخبار اسعار الكميرا بس رح شركة عبدالواحد
    وشف الاسعار لاني سمعت ان سعر الكانون 400d & 450d نزل سعره
    وجرب الافضل لك .. وربي يوفقك ان شاء الله
    التجربه الشخصيه افضل.. انا انصحك بكميرا canon 450d
    تجي معها عدسه وممكن يجي معها عرض يفيدك ان شاء الله
    ” تراها افضل لانو طبعا بما انه احترافيه لك حرية تبديل العدسات بس تراه مكلف
    بس العدسه اللي تجي معها جيده جداااا
    وافضل لك لانك لو فكرت تنمي هالشي وان شاء الله متى ما ربي رزقك فليساات مالك به شي اشر عدسه لتصوير المناظر الطبيعيه ” وترا العدسه اللي تجي معه زينه مره والله << خلاص فهم

    بس ترا اذا ما لك بالتصوير مره يعني ما ودك تدخل ذا المجال بس تبي تطقطق كم صوره وانت رايق الموود
    خذ كانون شبه احترافيه وراح تلاقيها ان شاء الله بالمحل اللي ذكرته
    وهي لاباس فيها تطلع صوره كويسه ماشاء الله
    ولك حرية الاختيار بالنهايه

    وبالنهايه ترا انت اللي لك الاساس بشكل الصوره لانك انت اللي ذوقك يحكم عليه اختيار زاوية الصوره ووضع التقاطها وما على الكام الان انها تعكس الصوره الي انت خططت لها بجوده كويسه .. دربك خضر ولا بديت وشريت الكام ورنا ابداعك خيوو
    مولي طلعن من هنا تكفى هههههههههههههههههه

    فوتكم بعافيه

17. 
    moleculo 28.12.2008 at 1:36 pm

    هلا والله أبو خلود.. وحشتني خشيشتك يا ملي..
    يا حبك للجريات يا الهيس!
    …..
    خالد.. تكفى.. و اللي يرحم أمنا.. و اللي يرحم الدب اللي حول كوخك.. حاول تجي السعودية في شهر 3 أو 4.. شفت سيقار ابو كشه اللي كل ما شفت صورته تسعبل؟ .. قسمن عظمن لاشري لك واحد.. و ادخنه قدامك!
    بس انت حاول تجي يا الشين.. و بعدين شف.. لو تطأ* قدماك السعودية و ما تطلع فيزا بريطانية.. لا انت اخوي ولا اعرفك.. رح شف لك أخو ثاني.. خلـ أبو خرشة يصير أخوك..
    …..
    نورت محلك يا الذيبان..
    …..
    * تطأ : بغيت أبلع لساني و انا أكتبها

18. 
    moleculo 28.12.2008 at 1:39 pm

    هلا و غلا son moleculo..
    يا حبي لك ما فهمت قصدك.. وش اللي مقصوده؟
    نورت المكان طال عمرك..

19. 
    moleculo 29.12.2008 at 10:28 pm

    هلا والله N0oNy..
    أول شي.. و قبل أي شي.. ممنون ذوقك!
    شوفي.. ما حلفتيني.. قلت لـ لماسة اني ابرسل لها السيجارات و هي تعطيكياهم.. فقالت تخيييل.. مالك أمل.. و قصم!
    و بعدين قالت لو وصلوني.. تحلم فيهم نوني!
    ….
    أبد عزيمتك مقبولة..
    و أهم شي انك حطيتيني مع هتلر.. أحس اننا متوافقين بأفكار كثير!
    نورتي المكان طال عمرك..

20. 
    moleculo 29.12.2008 at 10:30 pm

    هلا و غلا anosah..
    الله يحلي أيامك يا عزتي لك..
    ViVa Hilal..
    نورتي المكان طال عمرك..

21. 
    moleculo 30.12.2008 at 2:49 pm

    هلا والله sahab..
    الله يسلمك يا الغالية..
    سعيد جدا ان الصور جازت لك..
    نورتي المكان طال عمرك..

22. 
    moleculo 30.12.2008 at 3:08 pm

    هلا والله rainyshore..
    كلنا لنا داعي ان شاء الله يا الغالية..
    …
    أول شي اسمحي لي اعتب عليك عتاب الأخ على أخته.. هل عمري في يوم مسحت رد لك أو لغيرك؟ .. ذكرك لهالشي و بهالطريقة فيه تعريض منك علي و أنا اخوك.. و انا بأمانه ما استحق هالشي..
    …
    طيب نجي للموضوع..
    مشكلتنا يا الغالية نفهم الموضوع بشكل منقوص أو ربما من زوايا ضيقة.. و لا أستثني نفسي من هالأمر طبعا..
    لما نستشهد برأي صحافي أو صحافيين غربيين عشان ندعم رأينا.. يشبه تماما لما نقول:
    جونسون الالماني أعلن اسلامه.. و نعتبر هالشي انتصار للدين!
    في حين ان الدين بغنى عن جونسون و عن ألمانيا كل ابوها!
    ….
    آسف على هالاطناب.. ابرجع لمحور الحديث..
    الصحافيين الأمريكيين اللي ذكرتيهم ينظرون لهالموضوع من منطلقات مختلفة.. مثلا:
    1- كلا الاسمين هما من الاسماء الليبرالية المعروفة في أمريكا.. و ما يحتاج أتكلم عن العداء الشديد بين حكومة بوش و الليبراليين الجدد في أمريكا..
    2- هناك حنق كبير ضد بوش و ادارته بدأ يطفو على السطح مؤخرا.. و هالمقالات هي من باب النكاية ببوش.. لكنها لا تعني تمجيد الحدث.. ولا كان شفتي هالصحافيين يرجمون الساسيين بالجزم!
    3- الغرب بشكل عام ينظر للموضوع كحدث “كوميدي” أو “غريب” .. Funny.. و على فكرة أغلبهم ما فهم أبدا ان المقصود من هالحركة هو “اهانة” بوش!

    أيضا اسلوب الاستشهاد الانتقائي بهالطريقة هو أمر غير علمي برأيي.. لسببين..
    1- تعرفين قصة اللص اللي قال له القاضي فيه اثنين يشهدون انهم شافوك و انت تسرق.. فقال اللص أنا مستعد أجيب 1000 واحد يشهدون انهم ما شافوني!
    أنا برضو مستعد بضغطة زر في غوغل أجيب مقالات لعشرات الصحافيين الغربيين اللي استنكروا هالحدث و استنكروه!
    2- في مثل هالأمور التي لا تخضع لقوانين العلم المعروفة.. لازم “نعتد” بآرائنا.. كونها تخالف آراء أشخاص آخرين.. هذا لا يعني أبدا انها خاطئة!

    ………

    أخيرا.. هالبطل المغوار يا الغالية.. اللي ترون انه شجاع اسم النبي حارسه..
    – ليش ما رجم المجرم “مقتدى الصدر” بجزمته و هو اللي يشوفه دائما؟
    مقتدى الصدر ربما قتل من العراقيين و هجر منهم أكثر من بوش!
    – ليش ما رجم “نوري المالكي”.. ذراع بوش نفسه في هالبلد؟
    – ليش ما يروح يرجم جزمته لو على باب سفارة طهران في العراق.. هالبلد اللي “ضيعت” العراق و قضت عليه سياسيا و اجتماعيا؟
    – ليش “اعتذر” للمالكي عن هالتصرف.. لو كان شجاع فعلا يعني؟
    – الرجل هذا نفسه كان تارك ورقه في بيته لما راح للمؤتمر الصحفي كاتب فيها (سأقوم بعمل اليوم “يدخلني التاريخ”)!!
    لأنه يعرف تماما.. مدى سطحية العرب للأسف!
    ..
    نورتي المكان طال عمرك..

23. 
    moleculo 30.12.2008 at 3:19 pm

    هلا و غلا Mr.Talal..
    يا عزتي لك يشرفني ان أفكارنا تطابقت في هالموضوع..
    وش عندك قاشع الرصيف؟ .. شكلك كنت تكلم بالجوال صح؟
    اذن لازم تطق لك سماعة Jawbone! (مـُصر على الدعاية )..
    اسلم لأخوك..

24. 
    moleculo 30.12.2008 at 3:26 pm

    هلاااا NANO..
    أول شي.. احمدي ربك انك ذكرتيني تعلقين على الصور.. ياااني حقدت عليك أول ما قريت ردك.. قلت وش دعوه طنشت صوري هالشينه!
    عاد انتي تعرفين رأيك يهمني جدا بحكم انك مصورة خبيرة ما شاء الله عليك..
    …
    يا انس ما ينبل بافمس فوله!
    اها بس وش بيجه؟
    العفو يا حنبي نيلك.. بس عاد من زين لماسه هالشين.. متغليه بالتصوير مدري وش عندها..
    …
    بعدين تعالي ليش ما تستخدمين سماعات؟ .. اذونتس يامل الصلاح ما يصير!
    ها اجيب لس وحده و انا جاي لمكم قريب؟
    …
    نورتي المكان طال عمرك..

25. 
    NANO 30.12.2008 at 4:17 pm

    والله ما اردك وانا اخييتك

    << وهقته

26. 
    moleculo 30.12.2008 at 4:24 pm

    يعني ظنك ممكن تتعودين عليها؟
    أخاف تضايقك ولا شي..
    معزمة يعني؟ ما باذنك ماء؟
    < < توهق!
    ..
    أفا عليس والله.. لا تحديني والله أجيب المدير الاقليمي لشركة Jawbone بكبره.. و اجدعه بحوشكم! (وش بتزين به طيب! )
    أنا كم أخت مصورة عندي.. كلهم ثنتين.. و وحده توني جايب لها كاميرا فما لها حق تشره!

27. 
    NANO 30.12.2008 at 8:06 pm

    انت احلته بحوشنا وهو يعطيك العلوم

    خلاص لا تشيل هم الشرهه.. سماعات تسدّن ههههههههههههه << بتلت

28. 
    moleculo 30.12.2008 at 8:16 pm

    هههههههههههه
    من عيوني والله يا أوخيتي..

29. 
    Mr.Talal 30.12.2008 at 9:02 pm

    هههههههههههههههه

    ايه المشكله الجوال خخخخخخخخ..

    والسماعه مدري والله ما جازت لي حيل…

30. 
    son moleculo 1.01.2009 at 7:42 pm

    انا اقصد انها مقصوده رمية الحذاء على بوش >>> لاحد يسمعنا بس

    هذا قصدي طال عمري >>>هههه

31. 
    Bnt daddy 2.03.2009 at 3:39 pm

    mola7`9a 7lwa tshkr 3leeha ya sh6oor
    >> ya shee5a
    nice shot &
    (:

32. 
    moleculo 24.07.2009 at 8:54 am

    الغالين حيل..
    ..Mr.Talal.. son moleculo.. Bnt daddy
    نورتوا المكان يا عزتي لكم..

ورى ما تسدح تعليق؟ .. ترى ببلاش..

معليش يا عزتي لك.. لازم تسجل دخولك عشان يمديك تسدح تعليقات.