Responses to “أن تأخذ حقك.. بلا مماعط شوش!”

1. 
   mDo0o 26.09.2009 at 9:09 am

   مش مسدأه خااالص .. انا اول مرا اكتب اول كومنت

   اولن اولن .. كل عام وانت بخير ومبارك عليك الشهر والعيد والعيد الجاي وكل شي واليوم الوطني وراس السنه .. لان حاسه ان المدونه الجايه بعد سنه

   وبخصوص هالتدوينه ماعندي اي شي اقوله غير انك قوي كيف تصمل على كلمتك ولا تمل وتأجل الموضوع :” <– ماشاء الله بس عشان ماتقول مدى نضلت او شي من هذا القبيل اللي مو زين ..

   ثانيا حلوة الفكرة بس ماعندي هذي بطاقة الائتمان الا اذا سرقت حقة ابوي <–

   ام حديجاااان .. لا بس سلم عليه

   وانا متحمسه للأغنية ..

   ويارب يارب ماتتكسر قيتاراتك .. مع اني ودي انك تغني الاغنيه اللي كتبتها

   يلا يلا سي يووو ..

   اتمنى اتمنى اتمنى تستعجل بمدونة جديدة لاني احب اقرا مدوناتك بالخفا <– استحي ارد <– اييي هييييين مدوو

   يالله طولت عليك p:

   bye bye

2. 
   mDo0o 26.09.2009 at 9:11 am

   صح نسيت اقول توصل بالسلامة ان شاء الله ..

3. 
   SuPer Woman 26.09.2009 at 9:37 am

   اول معلومة آآخذتها ان تدوينك طوووووووويله بالحيـــــــل >> الله ميـــر يسلّم لنــا هالأنـــامل

   ما صدقت عويناتي يوم وصلنــــي الايميــــل يُبشر بهطوووول تدوينات جديدة
   عن جد اشتقنا لك واشتقنا لشخابيطك ,,
   ~~~~~~~~~~~~~~~~~~~~~~~

   وكل سنــــة وانت واللي يعـــز عليك بخــــير ونعمـــــة ,, ويدوووم عزك يا وطن ((والله يا هي صارت بلاوي متلتلة في الشرقيه والسبة هاليوم الوطني ))
   ~~~~~~~~~~~~~~~~~~~~~~~

   والله منت هيّـــــن يا ابووو المووول قلبت الدنيا عليهم لين اخذت بحقك (( قدع يا راجل ))
   >> ما ضاع حق وراهـ مطالـــــــب خاصة اذا كان المطالب ما يعوقــه شيء مثلك
   وعلى فكـــرة الشعب السعودي بشن حرب اهلية مع الاتصالات وبيسووون اضراب عن الجوال والنت في الفترة القادمة
   ~~~~~~~~~~~~~~~~~~~~~~~

   Dave ما يتعامـــل الا مع الكليبااات ومو اي كليب (( كليب من العيار الثقيـــل ))
   >> ما شا الله عليه وفــــي لجيتارهـ
   ~~~~~~~~~~~~~~~~~~~~~~~

   ختاما” بخصوص انشاء مركز بيع الهدايا التذكارية انا من اللي يؤيدون الفكرة
   لكن ما عندي بطاقة ائتمان أصلا” >>ينفع بطاقة الصراف حقت الجامعة خخخخخخخخ

   يلااا بروح اقند راسي بكوووب شاهي
   
   سلاآآآآآآآآآآآآمــــــــــــز

4. 
   ASMA 26.09.2009 at 9:40 am

   أخييييييييرا كتبيت شي..
   اشتاقينا لك والله..
   ولاعد تعودها …

   والله شكلي بصير اسويها هع واتشكى على كل شي –>تيت..
   بس مولي انا خاطري اشكي عالإتصالات وماهقيت فيه شي يخافون منه هع..

   آآآني ماعندي وشسمه حقة الائتمان يعني مارح افيدكم ….

   وان تسان جا شي بخاطري لام حديجان بدزه هع..

   توصل بالسلامه يارب
   وترى عشاك عندنا لاجيت السعوديه

5. 
   Mr.Talal 26.09.2009 at 10:20 am

   welcome back……

   يا مراحب يا مراحب..

   بالنسبة لموضوع التدوينة فعلاً برى فيه احد يتفاعل معاك لأنهم حاطين قنوات التواصل فعلية

   وفيه أحد يرد يقرأ ويرد عليك بس عندنا للأسف اسم بس عندهم موقع او ايميل..

   خليهم يردو على التلفون بالأول..

   وانا جربت ارسل شركات من خلال الانترنت سواء كنت ابي حق أو ابي اعطيهم حق

   وبرضوه مافيه احد يعطيك وجه ولا حتى برسالة تلقائية

   اذكر مره ارسلت ايميل لطيران ناس اشتكي فيه على مواعيد رحلانهم لأحد المناطق الداخلية خصوصاً أنهم الناقل الوحيد فيها..

   واقولهم ان الوقت لا يلبي حاجة أكبر شريحة من المستفيدين من المنطقه وأعطيهم نسب وإحصائيات بس مافيش حد رد .. يمكن ايميلهم مخترق أو طفى الكهرب على سيرفرات هوتميل ذاك الوقت

   ومره ارسلت لموبايلي بس يعجبونك يردون بتلقائية وبتعقيب بعد من خدمة العملاء..

   وبعد مره طلبت من ماكدونالدز من شباك السيارات كرسبي دجاج قطعتين وهو حط بالفاتورة ثلاث قطع بعدين بهته ورجع لي فرق السعر بس شكله ما عدل الفاتورة..

   المهم وصلت البيت ابي اتسحر الا 3 قطع وانا بين كلها ولا أخليها ..اذا خليتها حرام نعمة تكب على الفاضي >ماشاء الله عليه

   واتصل على رقمهم الموحد ولا احد يرد والكلام برمضان ولازم الواحد يتسحر حلال مو يبلف ماكدونالدز ريالين ويتسحر ..

   المهم اتصلت عليهم على يومين وغالباً خارج أوقات الدوام وارسل لهم ايميل وإلى الآم مافيش اي رد .. وشكلي بتصدق عنهم بهالريالين..

   ادري اني أخذت الموضوع وناسه بردي بس تعرفون نفضفض..

   ======================

   المتجر فكره حلوه لكن شف لك حل اغلب الشعب ماعندهوش كردت كارد..

   بس على فكره وش بتبيع؟؟؟

6. 
   nofah 26.09.2009 at 10:29 am

   أعجبتني الفكرة بصراحة

   الواحد المفروض ما يسمح أن أي أحد ياكل حقه او يتلاعب فيه

   من ناحية شركة الإتصالات وش نقدر نسوي ضدها عشان ناخذ حقنا

   شكراً لك

7. 
   tart 26.09.2009 at 10:30 am

   اول شي كل عام وانت بخير دكتور…..
   كم مره توعدنا انك ماحطول علينا وتغيب عننا….
   والاهم من هذا كله انك بتجي السعوديه زياره ,,,,الله يحيك ويارب تطول عندنا…..
   اما بالنسبة لمدونه اليوم والله انك صادق لو كل واحد ادب اللي خربله واشتكي عليه عالملاء كانت الناس اتادبت في تعاملها,,,
   بس تصدق عيوني عورتني لانو الخط مررررررررررررره صغير

8. 
   white clouds 26.09.2009 at 12:19 pm

   مولي تسوي لنا هنا دوره في مماعط الشوش الألكتروني

   هي مره وحده رسلت إيميل ع الأس تي سي عشان موقهم خدماتي البايخ فيه مشكله بعد اسبوع دقوا علي .. اللي كلمني حسسني اني مالي داعي في الحياة ماله داعي اصلن ان معي جوال ..!

   ما ادري كيف بتكون الحياة من غير يوتيوب

   مولي فكرة المعرض حلوه وماااره اوكي .. بس خلي البداية على خفيف

9. 
   anosah 26.09.2009 at 2:33 pm

   كل عام و إنت بخير و صحة و سلامة

   و الله إنك مجدي فيهم
   صراحة إن هالكندي خطير!
   لو حنا كان قلنا معوضين و خلاص
   الصراحة إنه فنان

   الصور مرة حلوة ما شاء الله

   و بالنسبة للتصويت أنا أقول بتنجح فكرة الأشياء التذكارية

   ننتظر التدوينة الجديدة

10. 
    M.M.20.M 26.09.2009 at 2:50 pm

    وانت بصحه وسلامه
    ابد من عندي انت معذور ياملا العافيه
    وعن طاري اخذ الحقوق من دون مماعط شوش
    هذا الله يسلمك في قديم الزمان كان واحد شرا سياره…………2002 من الوكاله شاريه من الرياض وراجع به الى القصيم سيدا
    وهو بالطريق توقع انفقع الكفر…؟؟ ليته كذاطلع الكفر مع الجنط مع الهوب
    وبغا يروح في خرايطها ابو الشباب بس ستر ربك ولا جاه شي وابد ما كمل للقصيم على طول جاب صطحه وراح سيدا للوكاله وكلمهم بس المسكين عطوه خامس ولا عطوه وجه فراح لواحد يقربله يشتغل بجريده …………. وقاله السالفه قاله من بكرا تلقا الموضوع بالجريده فقاله اصبر لا تنشر ودق على الوكاله بس الوكاله ميبسين روسهم ماعطوه وجه قال انتم ماصدقتون بكرا بتقرون طرف القصه واذا ماشفتو لي حل راح تنزل القصه كامله
    وصدق سواه ابد ما صار الظهر الى هم داقين عليه قالو تعال نبغاك في الوكاله وعطوه سياره نفس سيارته بس فل كامل وسياره ثانيه تقدر تقول فخمه شوي

    انتهت السالفه

    بس خل عنك سالفت الفديو كلب هذي رهيبه

11. 
    momey 26.09.2009 at 5:05 pm

    وانت بصحه وسلامه

    هذا الشي الي الواجب يصير بس مين يسمع نص الي عندنا يسكتون

    وهشي يقهرررررررررررررررني احيان حتى على التوافه ما ياخذون حقهم شلون على شي كبير

    ولو تشوف بيوتيوب حلقه ل99 حقة الخطوط وتأخير الطياره وايش الي صار

    تدري ان الله يخلف علينا
    …………………………..

    وسؤال ايش اسمك بتويتر ؟..؟ يا رب ترد علي وتقول لي تحمست اشوف التويتس حقاتك

12. 
    albori 26.09.2009 at 7:08 pm

    هلا والله ابو المول
    مابغيت تكتب على بالي بعت المدونة

    سالفه المراسلة هنا بالسعودية اغسل يدك بمزيل عرق
    والله ماحد يرد عليك لو انك تصايح
    زي ماقال استاذ طلال يحطون ايميلات ولا يردون عليها

    انا بقول لك سالفه صارت لي مع الخطوط وانتبه زييين
    جبت معاي لاب توب جديد بقراطيسه ويوم وصلت السعوديه لقيته مكسور طاحت عليه شنطة
    رحت واشتكيت والله ماعندك ماعند جدتي الشكوى لله

    بخصوص المدونه الجاية مع ثامر المحيميد ابي ارسل لك اسئلتي بعدين

    اما سالفه مركز بيع الهدايا التذكارية
    انا من المؤيدين لك وبقووووة والكردت كارد هين امرها نزرفها

    بس ودري تعرض واحد من غيتاراتك الموقعه عشان اشريه

    توصل بالسلامه للوطن وسلم لي على جود

13. 
    NaSSeR 26.09.2009 at 9:06 pm

    عيدكم مبارك … أبو جود وكل زوراك الكرام

    من زمااان عنكم

    بارك الله فيك على هالتدوينة الزينة

    فتحت لنا آفاق جديدة للضغط على بعض الجهات اللي بهذلتنا بحياتنا وجابت لنا الصمرقع

    عندك مثلاً .. حنا يا أهل حايل ساكني المنطقة الشرقية .. ذبحنا طيران سما بإحتكاره للخط الجوي المباشر بين الدمام وحائل .. بسوء المعاملة وتوقيت الرحلات وإلغائها .. حتى وصل بهم الحال إلى إنقطاع الرحلات لفترات معينة بدون توفير بديل !!!

    يمكن ماتصدقون لو قلتلكم عندنا ناس طالبوا بإسترجاع قيمة تذاكر رحلات ملغية من حوالي سنة مارجع لهم شي !!

    خاطبنا هيئة الطيران المدني (الذين لاحول لهم ولاقوة) ويقولون حتى الصحافة تُوبّخ لو طرحت مشاكل الطيران الخاص بالمملكة !!!

    ياليت يكون فيه مجال عشان نتحاور بالموضوع و اقولكم على التفاصيل ونطلع بطريقة مناسبة لإرسال الشكوى لجهة له تأثير أقوى ،،،

    ليتنا نقدر نأخذ حقنا حتى لو بمماعط الشوش

    بالله وصل سلام جودنا إلى جودكم

    أخوك .. ناصـر
    أبو جود

14. 
    najla 27.09.2009 at 12:30 am

    من طول الغيبات جاب الغنايم

    التدوينه رائعه جداً وما حصل لي مثلك ولا كان
    وريتهم العين الحمراء
    واتمنى مايحصلي والسبب كسوله شوي
    اروح اجيب جديد وبسرعه اصرف لي
    والمرات الجايه الله لا يقوله راح اسوي مثلك

    ********
    اقدم معروض لك بما انك من محبينه

    اسدح لنا صور جديد لجودي ولا ترى اعلن

    في موقع الوورد برس اننا مانحبك ولا نواطنك

    وتدويناتك باخيه

    ********
    بخصوص التصويت
    ايه نعم من المؤيدين .. لكن تهمني الأسعار و نوعية المنتجات قبل الشراء

    وترجع لأحبابك بالسلامه
    وشوكرن …

15. 
    najla 27.09.2009 at 12:34 am

    ما احب نفسي لاسويت خطأ شنيع يخص الإملاء

    من العجله الله لا يشمت بنا

16. 
    azoz 27.09.2009 at 2:46 am

    يالله حيه .. مابغينا نشوفك ..!!

    تصدق ابوجود .. هذي ثاني مره تصير لي هالحركه .. يعني دايم ابتدء تصفحي النت بموقعك ..!!

    واذا وصلت لمرحلة اليآس آنك منتب كاتب مدونه .. آخش بالصدفه القاك لازخهم بتدوينه يحبها قلوبنا

    يامال العافيه يابوجود ..!!

    تدري آن موضوعك .. هـذا احتمال يصكر مدونتك بكبرها من مدينة الملك عبدالعزيز هههه .. بلاه مو منك من ربعنا « اقصد الطرفين » الشاكي والمشتكى عليه ..!!

    الشاكين بثرين وفيه ناس تشتكي على كل شي وفيه ناس تحب تتبلى ..
    والمشتكي عليه .. يخاف ، تحت مبداء ” الردء يقطع الوجه ”

    الله كريم يالغالي .. وكل عام وانت بخير بخصوص عيد الفطر .. آما بخصوص عيد الوطن .. فآنت ماتدري بالهمج الي عندنا وش سووا .. الله يفشلهم .. حتى بالفرح مايعرفون .. صدق نحن بحاجة لتغير جيل بآكمله .!

    بخصوص الشكاوي .. آو على قولتك آخذ حقك بلامماعط شوش .. ذكرتني بقضية طرد مدرب الهلال كوزمين .. يوم صعدوها في المنتدى برسائل شكوى للفيفا .. وفي خلال 48 ساعه وصلتهم 250 آلف رسالة كلها شكاوي .. لحد ماخرب ايميلهم .. على حد قول الي اتصلت علي شخص في روم الزعيم وهي تترجاهم انهم يوقفون الرسايل ..!!

    اما ديفك هـذا يابو المول .. آثاريه ماهو سهل .. يعني ماهو شخص عادي .. صار الرجال فنان وله حفلات وفيديو كليبات .. يعني شركة الطيران طاحو في الشخص الخطآ .. ” تهقى لو الخطوط الجوية العربية السعودية ” لو قطعو سلسال ” شعبولا ” بيطق فيهم فيديو كليب بطريقة ديف ..!!

    عموماً .. آنت مشكلتك آن معجبينك هذرتهم واجد .. فمالك الا تتحملهم ..

    توصل بالسلامه لديارك عزيزي .. نفسي صراحه آلتقي بشخصك الكريم ..!

    بخصوص معرضك الالكتروني .. الفكرة بصراحه .. رائده في مجتمعنا وشي مثير للجدل .. وبعدين مثل ماقالو الاحبه مشكله الكردت كارد .. الي ممكن الكثير بل آكاد آنها تصل لنسبة 88.34٪ من الزوار ماعندهم كردت كارد والباقين نصهم معهم بس منتهيه مثلي طال عمري هههه ..!!

    عموماً انت سوها .. وشف التفاعل وخل اول يومين اشتر منتج واحصل علي الاخر مجاناً هههه ..!!

    تحيتي يالغالي ،،

17. 
    sahab 27.09.2009 at 2:57 am

    هلا والله وين هالغيبة ……..
    طولت علينا
    الصراحة تدوينة تستاهل الانتظار بس لا عاد تعيده تصيف وتقعد كل هالوقت ما كتبت شي
    والله معك حق عشان تاخذ حقك لازم مماعط شوش .
    بس وش رايك حنا المساكين وين نروح نشتكي على الاتصالات اللي ضاحكة علينا بالخدمة الزفت اللي زي وجيههم …..
    واحدة طفشانة اذا جت تدخل النت لقته ثقيل يالله تفتح المواقع والا منقطع أصلا
    بس الصراحة خوينا ديفيد هذا رباهم
    توصل بالسلامة

18. 
    sweetheart 27.09.2009 at 3:14 am

    صـبـــاح الـخيـر
    لصاحب آحلى مدونة ولآحلى أعضاء
    كل عام وأنتم بخير لكم وعيدكم مبارك ولو أنها متأخر بس العتب ع مولي

    :
    :
    مولي مابغيت تكتب شكلك كنت معتكف برمضان تكتب شكاوي في اللي قاهرينك
    أمزح
    والله شيء خطير ومايخطر ع بالنا حنا بالسعودية إن المستهلك يلقى كل هالإهتمام
    ولا إحنا بعد نااااس طيبين
    يعني أتذكر مرة من المرات صار لي موقف مع قرطاسية
    كنت شارية قصص أطفال بكرم طالباتي بمناسية أسبوع القراءة
    عاد أنا الذكية اشتريت قصص فيها رومانسية شوي مب حيل عاد
    قامت المديرة ما رضت أعطيها لهم ، خوفاً من الأهل
    المهم أنا تورطت لإني شارية من بعضهم أكثر من نسختين
    قلت الحين لإني زبونة ولو إني شرحت لهم موقفي بيرضون أرجعهم أقلها اللي متشابه
    أبدلها بغيرهااااااا والله إني ماقريتها بعد
    أتذكر رحت لهم وشرحت للي يبيع وقال لصاحب المكتبة ولا رضوا
    هنا أنا أنقهرت أنا كنت بس آبي أبدلهم بشيء
    قال صاحب المكتبة بعد ماقرأتها بترجعهم ، خير مفكرني طفلة
    المهم أنا عصبت هنا وقلت له يعني أنا تاركه كل المكتبات وجاية لكم وزبونة هذا احترامكم لي >>-تعرف تعصب بعد
    والله بهون مابشتري من عندكم >>–لا تدققون ترا ما أتذكر إن كنت حلفت
    وطلعت أقول لأخوي ولا تشترون من هالمكتبة ولا بشتري من عندهم
    وبعدها بكم يوم قلت لأخوي ودني للمكتبة اللي أحبها
    قال الحين أنت مقاطعتهم
    قلت إيه نسوني الحين وأنا أحب ستكراتهم مافي بمكتبة زيها >>>-مب لي الستكرات والله

    طيب الحين مولي تتوقع الحملة اللي مسوينها لمقاطعة شركة الإتصالات
    بتسوي شيء ، ترا مقررين يقاطعونها يوم 20-10-1430هـ
    أخوي يقول بيطفي جواله هاليوم
    والله مدري كان في أحد بيسمعنا

    مولي لا تطول علينا ترا نشتاق لمدوناتك
    وبالنسبة للأشياء التذكارية
    فـ أحس بدري عليها أصبر لين يصير عندي كرديت
    وسلم على ثامر إذا صار عندي أي استفسار برسلك
    بس ليش ماتسوي زي أول أسألوا moleculo
    

    نسيت قبل لا أروح
    وش هالإيدين ربي يخليها:glb:

    أعضاء المدونة عيدتي لكم
    http://www.youtube.com/watch?v=3ucP3BWQv8w

19. 
    sweetheart 27.09.2009 at 3:16 am

    صـح نسيت أقولكم
    القصص وزعتها على أطفال زميلاتي
    شسوي

20. 
    sweetheart 27.09.2009 at 4:03 am

    باك مرة ثانية >>–ما جاها نوم
    ع طاري شركة الخطوط السعودية
    تذكرت قصة قريتها عنهم من إيميل أرسله أخوي
    يقولون لكم هذا في واحد مدري وش جنسيته المهم كان راجع على الخطوط السعودية لبلده
    ومعاه كلبه عاد لما وصل اكتشفوا أن كلبه نفق
    عاد هم يعرفون كيف الأجانب يهتمون بكلابهم وحيوناتهم الألفية
    قاموا آخروا تسليم الكلب وجابوا له كلب بنفس المواصفاااااااااااات
    ولما سلمواه إياه استغرب
    قال كلبي كان ميت وأنا جايبه معي عشان أدفنه
    صراحة شيء يضحك

    وتوصل بالسلامة يارب وتنور السعودية بوجودكم

21. 
    mazen3003 27.09.2009 at 6:42 am

    ياخي والله ان صاز هالوكالات عندنا ياخي حطينا مغفلين مانفهم شي انا مثلك صار لي قصة مع شركة الجفالي وكيل مرسيدس

    شريت منهم ذيك السيارة اللي يحبها قلبك بس الزين مايكمل يوم غسلتها صار الماء يدخل علي بوسط السيارة من الباب الخلفي والله اوديها يمهم
    ويطلع ذاك اللبناني اللي يبي ينفقع من زود النعمة الى وبكل وقاحة يقولي الابواب لازم تتغير والباب الواحد راح يكلفك 15 الف
    والله وانا اقولة طيب السيارة توها جديدة مالها يومين طالعة من عندك شلون سذا الا ويرد هذا مايضمنة الضمان
    والله واحسبها قلت تدري ياولد خلة يصلحها وانا اللي اطلع من عندهم وعلى الاب توب وادز ذاك الايميل على مرسيدس بالوضع اللي صار لي
    تصدقون بعد 24 ساعة من الايميل الى ذاك البناي يدق علي ويتعذر ويقول سيارتك جاهزة والامور ماتوصل بننا انك تشكينا للشركة الام
    واثاري القصة انة السيارة فيها عيب تصنيعي من الاصل والشركة الام وموجة الوكلاء بتغير الابواب دون ان يتحمل العميل اي مبلغ و ابو الشباب اللبنايي طايح زرف قي ربعنا
    الله لايوفقة اجل كل سيارة يطلع منها 60 الف من دون حق

22. 
    lady-11 27.09.2009 at 6:41 pm

    صراااااحة
    انا زعلانة ومانيب راده عليك <<< بدليل اني رادة
    والسبب انك ماترد علينا في اكثر من مدونة
    <<< دارية انك بتقول فلعنة وطقي راسك بأطرف جدار ,
    بس برضو لازم اخذ موقف

23. 
    moleculo 28.09.2009 at 1:28 am

    طيب بعد معطة الشوشة اللي معطتنياها الغالية lady-11.. لازم أحاول أرد على الكل.. و هذا من أبسط حقوقكم بالتأكيد.. و اعتذر بشدة على تقصيري معكم..

24. 
    moleculo 28.09.2009 at 1:30 am

    الغالية mDo0o..
    الله يسلمك يا عزتي لك..
    لا ابد خلاص.. أنا وعدتكم اني راح أدون بشكل مكثف ان شاء الله..
    ان شاء الله تجوز لك الأغنية..
    نورتي المكان طال عمرك..

25. 
    moleculo 28.09.2009 at 1:33 am

    يا هلا والله SuPer Woman..
    و انتي بخير يا الغالية..
    انا عارف اني قصرت معكم كثير الفترة اللي راحت.. لكن ان شاء الله ما راح يتكرر هالشي..
    ايه سمعت عن اللي صار في الخبر.. لكن أنا ما ألوم الشباب.. في كل أنحاء العالم فيه شباب يميلون للعنف و اثبات النفس من خلال الفوضى.. لكن اللوم الكامل على أجهزة الأمن المتخاذلة دائما في مثل هالمناسبات للأسف..
    نورتي المكان طال عمرك..

26. 
    moleculo 28.09.2009 at 1:35 am

    يا هلا والله ASMA..
    الله يسلمك.. و تشتاق لك العافية.. و ابد تراي ما أقول لأ بالنسبة للعشا.. من زماااااان عن الذبايح!
    نورتي المكان طال عمرك..

27. 
    moleculo 28.09.2009 at 5:06 am

    هلا والله أخوي طلال..
    تسلم يا عزتي لك..

    هين يا طلال.. لما تشتكي اي مقدم خدمة في السعودية على نفسه ما راح توصل نتيجه! .. حتى لو تشتكيه على جهات يفترض انها اوجدت لحماية المستهلك للأسف..
    الحل انك اذا صارت لك مشكلة زي كذا.. صك لك ايميل للإتحاد الدولي للطيران.. ترى تصرفاتهم هذي تخالف تماما قوانين الطيران الدولية.. و صدقني عقبها بتشوف السنع.. المهم انك تدعم شكواك بحقائق و دلائل..

    اما قصتك مع ماكدونالدز.. صراحه أهنيك على الضمير القوي اللي عندك!
    والله لو هو أنا كان حتى ما فكرت..
    يا حنبي نيلك والله..

    بالنسبة للمعرض.. هو فكره تسويقية بالمقام الأول.. يعني غير ربحيه تماما بشكل مباشر.. الهدف فقط هو التسويق للموقع..
    مفكر أبيع اشياء كثير:
    تي شيرتات من تصميمي.. غيتارات موقعه.. سكيتشات أوريجنال من رسمي.. أكواب قهوة.. و غيرها..
    بس والله احباط.. شف العالم وين وصل.. و حنا ما زال المواطن عندنا يخاف يطلع الكريدت و يستخدمها في الانترنت.. و بصراحه ما ينلام لأنه لو انسرق ما راح يلقى من يحفظ له حقوقه!

    اسلم لأخوك..

28. 
    moleculo 28.09.2009 at 5:12 am

    هلا والله nofah..
    ممنون ذوقك يا الغالية..
    بالنسبة للإتصالات.. الحل الأول و خصوصا في ظل هالمنافسة بين شركات الاتصالات في المملكة.. هو انكم تتبعون اسلوب Dave في فضح تعاملهم في الانترنت من خلال أساليب مبتكرة.. قبل فترة شفت فيديو لهتلر يستهزئ بشركة الاتصالات (والله يا هالكليب حق هتلر عقب ما سويته طاحوا فيه العالم.. ما يلحق جزاي هتلر ).. هالفيديو كان فكرة جميلة للتعبير عن الاستياء..
    أيضا انا سمعت انه فيه ناس كثير ناويين يسوون يوم مقاطعه.. و بصراحه هذي فكرة رائعه جدا و ايجيابية.. و اعتقد انه من المفروض ان اي واحد مستاء من خدمة هالشركة انه يساهم بدوره في هالمقاطعه..

    على فكرة.. موقعك رايق..
    نورتي المكان..

29. 
    moleculo 28.09.2009 at 5:14 am

    يا هلا والله tart..
    و انتي بخير و صحة و سلامة يا الغالية.. ممنون ذوقك..
    لا ابد هالمره غير ان شاء الله.. ما راح أطول عليكم..
    ترى الخط ما تغير.. نفس الخط القديم.. يمكن انتي مغيره اعدادات التصفح أو مغيره المتصفح؟
    نورتي المكان..

30. 
    moleculo 28.09.2009 at 5:16 am

    هلا والله white clouds..
    اللي سويتيه صح و تصرف ايجابي.. حتى لو ما وصلتي للنتيجه اللي تبينه.. يكفي انك تفاعلتي و طالبتي بحقك!
    نورتي المكان طال عمرك..

31. 
    moleculo 28.09.2009 at 5:20 am

    هلا والله anosah..
    و انتي بخير يا الغالية والله يحلي أيامك.. ممنون ذوقك..

    فعلا مبدع جدا هالكندي.. و على فكرة تراه اشتهر كثير بعد اللي صار.. يعني عرف يستغل حادثة سيئة و يحولها الى سبب للبروز و النجاح.. هذا هو الفكر الايجابي الرائع!

    هذا رأيك بس؟
    اجل شكلي ان شاء الله قريبا ابحاول افتتح المعرض.. والله يكتب اللي فيه الخير..

    نورتي المكان..

32. 
    moleculo 28.09.2009 at 5:23 am

    هلا والله و غلا M.M.20.M..
    الله يعافيك يا حبي لك..

    شكرا على مشاركتنا هالقصة.. و ابد مثل ما هالشخص هدد باللجوء للجريدة.. حنا لازم نهدد باللجوء للإنترنت!

    اسلم لأخوك..

33. 
    moleculo 28.09.2009 at 5:26 am

    هلا والله momey..
    شفت الحلقة اللي اشرتي لها.. فعلا الوضع سيء للأسف.. لكن لازم السعوديين يتعلمون كيف ممكن يطالبون بحقوقهم.. كيف يصيرون ايجابيين.. و يعرفون وش وسائل الضغط المتاحه لهم..

    والله يا الغالية ما عندي أكاونت في تويتر.. انا بس قلت لهم كذا من باب التهديد!

    نورتي المكان طال عمرك..

34. 
    moleculo 29.09.2009 at 5:05 am

    يا هلا والله أخوي albori..
    يا عزتي لك.. سلامك وصلك..

    ابد ما نفعت الشكوى.. موب مشكلة.. شف لك فكرة حلوه فيها نقد لهم بناءا على اللي سووه معك.. ونفذها و انشرها في الانترنت!

    والله حمستوني على مركز بيع الهدايا.. ابشتغل عليه قريب..
    و ابد الغيتار جاك هدية.. وعد مني..
    اسلم لأخوك..

35. 
    moleculo 29.09.2009 at 5:09 am

    يا هلا والله NaSSeR أبو جود.. زمان عنك يا أخي!
    نورت المكان يا بعدي..

    والله و انا أخوك انا اسمع كلام سيء كثير جدا عن هالشركة.. لكن ترى هالتصرف هذا يخالف مخالفة صريحه و “بجيحة” أنظمة الاتحاد الدولي للطيران.. جربوا تشتكون لهم لو برسائل الكترونية على الأقل..
    و ابد و انا أخوك المدونة مدونتك.. ممكن نتناقش هنا اذا حبيت..

    جودنا تسلم على جودكم كثير السلام..
    اسلم لأخوك..

36. 
    moleculo 29.09.2009 at 5:11 am

    يا هلا والله najla..
    الله يسلمك يا الغالية.. ممون ذوقك..

    يالله يا كثر أخطائك الاملائية!

    أبد ابشري بصوري جديدة.. تامرين أمر طال عمرك..
    نورتي المكان..

37. 
    moleculo 29.09.2009 at 5:24 am

    يا هلا والله و غلا azoz..
    الله يعافيك و انا اخوك.. و ياا عزتي لك والله.. داري اني مقصر.. لكن ابد.. ان شاء الله تبي تلقى تدوينة جديدة كل مره تدخل.. و تأكد ان حرصك و اهتمامك هذا هو محل اعتزاز كبير..

    و انت بخير وصحة و سلامه..
    سمعت عن اللي سووه.. و ارجع أقول و انا أخوك.. وين رجال الأمن عن مثل هالمناسبات.. ترى هالشي مو جديد.. في الرياض حصلت كم مره في شارع الملك عبدالله.. للأسف فيه تساهل كبير في هالموضوع.. و أخرتها.. أطلق الحلول الخنفشارية اللي قدروا عليها: كل المطاعم تصك الساعه 12 بالليل!
    هنا في بريطانيا اللي الناس تنام مع المغرب.. عندنا مطاعم تفتح 24 ساعه!

    يالله.. ليتك ما ذكرتني بقضية كوزمين..
    ولو انه استشهاد ذكي و اعجبتني انك فكرت فيه..
    شف و انا اخوك.. هالقضية هذي بالذات تراها حاله خاصة ولا تقيس عليها.. لأن الفيفا معروف انه من أكثر المنظمات العالمية فسادا..
    ترى لو هالحركة اللي مسوينها سوريا ولا تشيلي.. كان وقفوا اتحادهم من صيد امس.. لكن تعرف السعودية ما تقدر تقول لها الفيفا شي لأسباب كثير..

    شويه طاحوا مع الانسان الخطأ!
    خلهم يستاهلون.. و نفس الكلام للخطوط السعودية.. ليت ينتبهون مني لأني برضو ما راح أسكت! (استريح )
    أما سلسال شعبولا!
    يا رجال.. يعطونه تمنّاشر ئنيه و يسكت!
    عاد تخيل عصب هو وقذلته.. وش بييزين؟ .. أغانية مالها قيمة أصلا..
    من كثرها هو نفسه تلقاه ناسيها.. كل يوم يسوي 7 أغاني.. على عدد الأخبار في قناة الجزيرة.. واحد عن انفلونزا الطيور.. و واحد عن انفلونزا الخنازير.. و واحد عن انتخاب أوباما.. و واحد عن قوة حسني مبارك.. و واحد عن دجة اسرائيل.. و واحد عن فوز المنتخب المصري.. و واحد عن الرسوم الدنماركية.. الخ..

    الله يسلمك يا الغالي.. و يشرفني جدا الالتقاء بك ان شاء الله..

    و شكرا جزيلا على رأيك بخصوص معرض الهدايا.. و الظاهر انه هذا اللي بيصير..
    اسلم لأخوك..

38. 
    moleculo 29.09.2009 at 5:27 am

    هلا و غلا sahab.. لك وحشة و أنا أخوك..
    الله يسلمك يا الغالية..

    ابد ابشري طال عمرك.. ما راح أطول عليكم مره ثانية..
    نورتي المكان..

39. 
    moleculo 29.09.2009 at 5:33 am

    هلا والله sweetheart..
    يا صباح الخيرات و الليرات.. و الله يحلي أيامك يا الغالية..
    و انت بخير و صحة و سلامة.. و ينعاد عليك باليمن و المسرات..
    الله يسلمك.. و السعوديه منورة بأهلها.. و تشتاق لك العافية يا عزتي لك.. ما راح أطول ان شاء الله..

    شكرا على مشاركتنا هالقصة.. ولو اني انقهرت منك انك رجعتي لهم مره ثانية!
    تصرفهم ينرفز!
    للأسف مجتمعاتنا أغلب اصحاب المحلات ما عندهم نظره طويلة الأمد.. ما يعتمدون على فكرة كسب الزبون.. عادي عندهم يخسرون زبون عشان يكسبون 30 ولا 50 ريال.. هذا نقص كبير في الوعي و غباء تجاري للأسف..

    فكرة المقاطعه حلوه.. شاركي فيها اذا انتي متضرره من الشركة.. حتى لو ما صار شي.. يكفيك الاحساس انك اتخذتي موقف.. و تصرفتي تصرف ايجابي!

    أما قصة الخطوط.. شكلها نكتة بصراحة!
    و شكرا على رأيك بخصوص معرض الهدايا..

    نورتي المكان طال عمرك..

40. 
    moleculo 29.09.2009 at 5:38 am

    هلا و غلا mazen3003..
    والله و انا أخوك القصه اللي تفضلت فيها تفقع القلب!
    للأسف الطاسه ضايعه.. ولا فيها رقابة ولا فيها قوانين صارمة لحماية المستهلك..
    لكن كفو عليك والله.. أعجبتني..
    لو انا مكانك كان نشرت هالقصه حتى بعد ما أخذت حقي..

    نورت المكان طال عمرك..

41. 
    moleculo 29.09.2009 at 5:41 am

    يا هلا والله و غلا lady-11..
    افا عليك بس.. ما عاش من يزعلك.. أويلاو بس!
    والله معك حق.. و بصراحه استاهل انكم تزعلون علي.. ما أقدر أقول شي..
    لكن هذاي رديت على الكل.. و أتمنى انك ترضين..

    نورتي المكان طال عمرك..

42. 
    NadOooOsh 29.09.2009 at 8:50 am

    مدريّ أأش السآآآلفه بسس رأأيحه أجيب كآآآسه عسييير لزوم الروقآآآن وأبوص ع البتآآآعه دي

    ليـآآ بـآآك ’’ بتعليقي تبعن < أأهم شئ

43. 
    lady-11 1.10.2009 at 7:52 pm

    يلوموني في هالمدونة يانااااااااااااااااس احس انها مني وانا منها
    احس انها غرفتي ولا صنودق اسراري
    ويلموني في مولي يحسس كل احد انه اهم شيء
    قلوب مني لصاحب المدونة ولكل احد في هالمدونة الحبيبة

44. 
    Miss~BuBu 3.10.2009 at 1:25 am

    هههههههههه
    عجبني الفيديو فوق ما تتصور .. عموماً انا كنت دايم افكر بهالطريقة
    بس قلت احس ما يهمهم اللي عندنا مهما سويت بلبلة .. والدليل اتصالات السعودية :\
    لكن فعلاً الشركة الأم راح تهتم أكيد .. وعلى حجم البلبة على سرعة ما حقّك يرجعلك كامل وفوقها بوسة بعد

    بخصوص التصويت .. ما أدري حسيته ماراح يكون جيّد كـ فكرة
    لكن ايش بتحط فيه مثلا؟
    ناوي تصير مشهور وسليبرتي وتحط وجهك مع قيتارك بأكواب وميداليات والا ايش؟ :P
    يومك سعيد يارب

45. 
    7anno 4.10.2009 at 10:15 pm

    مساء الخير والنور والسرور

    بصراحه موضوع مهم جداً وفعلاً الانترنت عالم صغير
    لما الشركة تحرص على سمعتها وتحافظ عليها، ويكون هالشيء لكل عملاءها (*مو بس المميزين منهم والهوامير*) وقتها بتتصرف وتحرص ان هالعميل اللي زعلان منهم يرضى عشان يمدحهم عند الناس ويكسبون عملاء اكثر

    عندنا LOL وش اقول وش اخلي بس
    عندنا مصطلح “العميل دائماً على خطأ” حتى لو كان صح! وهالموقف عشته أسبوع
    مع الشركة المحترمة شركة الانفصالات السعودية STC
    3 أيام يقولون الخلل عندي بالبيت ويكذبون ويقولون انهم مرسلين فنّي وانا انتظر الفنّي ، بعد 3 أيام ومدري كم مكالمه اتصل علي واحد منهم وقال لي ان الخلل عندهم توووو الناس تتكلمون ! ليه ما تعترفون بالخطأ من البداية، ليه المشوار هذا كله تحاولون تطلعوني غلطانه وبالأخير انتم غلطانين!

    عندنا، الخطأ مسؤولية غيري مو مسؤوليتي، هذا اللي يمشي مع الأغلبية
    للأسف الشر يعمّ والخير يخص ..

    بخصوص مركز بيع الهدايا، مسألة البطاقات الائتمانية سهله !
    الحين متوفره “مسبقة الدفع” وأي شخص يقدر يطلعها ..
    أنا من المؤيدين ابي اشوف وش بيكون فيه

    —
    توصل للمملكة بالسلامة ان شاءالله
    

46. 
    MaHa 6.10.2009 at 6:14 am

    عاد عيدك وعاش حبيبك مع انها متأخره
    ثاني شي ترجع بالسلامه يارب
    =====
    قلت: أبي جهاز جديد!
    قال: اوكي خلاص.. بس تتحمل مصاريف الشحن..
    قلت: لأ!
    قال: أوكي خلاص.. من بكره بنرسل لك جهاز جديد.. و خل الجهاز القديم عندك مانبيه!
    =====
    <— ميته ضحك

    \
    \

    اعجبني ديفيد وتحمست مع قصته ومقاطعه ,,
    مشاء الله عليهم موب مثلنا تنفري تسبد الواحد ماسمعوا له
    من زود الحماس بغيت ادخل على موقع الاتصالات بس بلعت نعمتي

    لان شركة الاتصالات عندنا انا احلف لو بنزل مسلسل مع سيزوناته موب بس مقطع باليوتيوب ماراح يفيد معهم شي اذن من طين واذن من عجين ,,
    اشترك ولا انقطع وانثبر

    \
    \

    وبالنسبه للمنتجات والله ماعندي بطاقة ائتمان ولا منى عيني اشتري

    ترجع بالسلامه ولاهنت على التدوينه الحلوه

47. 
    Lo Mejor 6.10.2009 at 11:40 pm

    اول شي السلام عليكم يادكتور و
    مبروك عليك وعلى جميع القراء العيد بعد الزحمه
    احلى عوده لك وبصرحه احنا نحتاج لتدعيم مبدء حماية المستهلك من طمع وجشع
    الشركات التجاريه واللي ما ماعاد صارت تكتفي باي ربح للاسف

    علل العموم بدا تاثر المقال فيني ابرفع دعوة على شركتي فير فوكس والشركة اللي رفعة موقعك لانهم حرموني من المشارك في مدونتك لمدة شهر ( ماقدرة ا اسوي لوق ان ) ===مشكله المتاثر

    وتقبل مروري

48. 
    moleculo 7.10.2009 at 5:33 am

    هلا والله NadOooOsh..
    عسى روقتي اللحين؟
    نورتي المكان..

49. 
    moleculo 7.10.2009 at 5:36 am

    هلا والله lady-11..
    عسى رضيتي اللحين طيب؟
    المهم رضاك و رضا كل أعضاء المدونة طال عمرك..
    نورتي المكان..

50. 
    moleculo 7.10.2009 at 5:38 am

    هلا والله Miss~BuBu..
    سعيد جدا ان الكليبات جازت لك..
    بالنسبة لمركز بيع الهدايا.. ناوي أحط أشياء واااااجد..
    و بعدين لا يصير منتيب مقتنعه اني سليبرتي؟!
    نورتي المكان طال عمرك..

51. 
    moleculo 7.10.2009 at 5:44 am

    هلا والله 7anno..
    صباح الخيرات و السعادة.. والله يسلمك يا الغالية..

    فعلا كلامك صحيح.. لكن ان شاء الله المستقبل يكون أفضل..
    و صدقيني كل ما ازداد وعي العميل و أصبح أكثر ذكاءا خصوصا في كيفية المطالبة بحقوقه و الضغط على مزودي الخدمات.. كل ما أصبحت خدمة العميل أفضل..

    نورتي المكان طال عمرك..

52. 
    moleculo 7.10.2009 at 5:46 am

    هلا والله MaHa..
    كل عام و انتي بخير.. والله يسلمك يا الغالية..
    سعيد جدا ان الكليبات جازت لك..
    نورتي المكان طال عمرك..

53. 
    moleculo 7.10.2009 at 5:49 am

    هلا والله Lo Mejor..
    و عليكم السلام و رحمة الله.. و انتي بخير و صحة و سلامة يا الغالية..

    سعيد جدا ان التدوينة جازت لك..
    نورتي المكان طال عمرك..

54. 
    picky 22.10.2009 at 9:47 pm

    بااااااااك بعد غياب

    عيدك مبارك مولي <اطلعي برا ! وهابي ناشونل داي ! و كل سنه وانت طيب ورئصني ياقدع

    لكم وحشه والله <انت والمدونه والشعب المتابع و جود !

    تدوينتك قويه هالمره بس ماظنتي انو اي احد يهدد راح يقوم ويقعد بالنسبه لهم في هالزمن !! يمكن على قولك عميل مميز او شخصيه معروفه يختلف الوضع

    تسعدني زيارتك يا د.مولي ولو ان المكان موش أد المآم

    http://www.flickr.com/photos/34200119@N03/

55. 
    semoo 26.10.2009 at 3:08 pm

    فكرة خطييرة جدا جدا ..
    أول شي أحب أقول إني بالفترة السابقة ما كنت أدخل كثير ..

    لكن اليوم و انا بكرا علي اختبار فيزياء دخلت .. و لقيت ثلاث تدوينات جديدة !

    فماالي شغل بعلق و بقراهم كلهم .. و بعدين بروح اذاكر فيزياء ..

    أصلا مذاكرتها من امس .. لأن كان المفروض يكون الاختبار اليوم .. بس وش نسوي باستاذات ماصلات يأجلون الاختبار ع كيفهم بس !

    فكرتك خطيرة ..

    أكثر من مرة صارت فيني مقالب مع الأجهزة الالكترونية … و ما عمري فكرت بهالحركة ..
    بس شكرا على كل الأحوال .. المرة الجاية لو صار شي .. بسوي كذا .. !

    و انت متوقع المصيبة قبل ما تصيرا يا شيخ ! ..

    الله لا يقولها ينكسر غيتارك .. !

    وش رايك بعد تصور الفيديو من الحين .. ؟!

    تدوينة خفيفة ظريفة ..

    سلآآم

56. 
    goodfeeling 28.04.2010 at 10:32 pm

    ((ايش هذاااا ))) !!!!!!!!!!!! ؟؟؟؟؟؟؟؟؟؟؟؟؟؟؟
    في ناس في الدنيا كدا رايقة ………….
    اجل انا مو عايشه ……….
    هذا مصور فيديو كليب — فيديو كليب — لا والصوت ماشاء الله في استديوا ممتاز مو مسجله من الكمبيوتر من البرامج المحلقة تسلية ترفيه تسجيل صوت …………………..ويالله حط الصدى
    لا مشتغل علشان ياخذ حقه وكمان معاه اشخاص كم كلفته؟
    والله اخوي كل مره توريني اشياء تخليني ادوخ واحس نفسي مو في العالم !
    مره اشتريت بطاقة شحن سواا — مية ريال — وجيت اشحن مره مرتين مافي شي —
    رحت اتصلت بالشركة — وانا ابكي
    قلت للموظف اشحن ما انشحن ايش المشكلة ……….
    قالي جيبي الرقم التسلسلي ………… اعطيته قالي هذا مشحون من اسبوع !!!!
    قلت ياويلي …………. مالي دعوة رجعولي فلوسي وبكيت قالي اشتكي قدمي طلب واشتكي
    قلت له اعطيني رقم الي شحنه دامه ظاهر عندك وانا اوريه
    قالي مافيه ………. قدمي طلب بعد شوي اتصلي — قدمت شكوى — وقالوا بعد اسبوع
    وانا مستمرة ومصرة اتصلت قالوا في النهاية لا تتعبي نفسك ……….. استعوضي الله
    خلاص …………….. كرهت الشريحة وكرهت الشحن وكرهت شركة الاتصالات
    ومااخذت حقي ………… ياليتني قرأت مدونتك ايامها كان سويت لهم اغنية وصدى وفضحتهم بالراديوووووووو بس ياترى !! بيسمحولي
    لا بترحل من البلد ………….. هههههه ………… أنا مقيمة هناااااااااااا ويترحلوا اهلي علشان 100 ريال ……….

57. 
    أنا :) 3.07.2010 at 1:57 pm

    hi mole

    من زمان عن المدونه

    تدوينه رايق والعنوان كلام ثاااني

58. 
    seraj 28.08.2010 at 11:42 am

    هلا والله مولي ان شاء الله تكون في تمام الصحه والعافيه

    الموضوع جدا حلو ومميز بالنسبة لتجارب معي كمان في السعوديه ما رحت بعيد

    قد ارسلت رسالة لمسئول في التعليم والله ما قصر اعطان رد حلو يعجبك

    ولكن تلاقي ناس زي كذا 1 %

    يالله تكثر من امثالهم

59. 
    TAGRID HMD 20.12.2011 at 1:38 pm

    تدوينة خطيرة هل لي أن أطلب طلبا !
    1- مممممكن تغير قليلا في قولك :
    و بمجرد ما رجعت البيت.. زلقت عليهم بايميل كنه معروض طلب تجنيس خدامة صومالية.. >> تغير خدامة وصومالية : الخادمات موظفات والصوماليون شعب يعجبني وهذه تعابير في سياق جارح ؟أو محرج يادكتور
    في تعابير ثانية مثل : معروض طلب تجنيس لاجيء

    2- لو بحط رابط التدوينة في مدونتي هل ممكن ذلك . وهل ممكن أنسخ
    التدوينة مع اسمك طبعا والرابط وانشرها في مدونتي وبقول إنها بإذن من كاتبها و بدون التعليقات طبعا – لأنها مهمة جدا جد ا لمجتمعنا ومشكور حيل @9_77

    *

60. 
    ReemaG 7.04.2012 at 11:11 am

    هههههههههههههههههههه أنا بكتفي باقتباس هالدعابة: “و زلقت عليهم بإيميل كنه معروض طلب تجنيس خدامة صومالية” . شوكرن.

ورى ما تسدح تعليق؟ .. ترى ببلاش..

معليش يا عزتي لك.. لازم تسجل دخولك عشان يمديك تسدح تعليقات.