.
الشهرة .. ممكن تكون طموح عند الكثيرين.. و ممكن تجد الكثير ممن قد يدفع في سبيل الحصول عليها الكثير من المال و الوقت و الجهد..
الشهرة.. أصبحت باب من أبواب الرزق و التكسب.. في عالم رأس مالي يضع تسعيرة على كل شئ.. حتى على الأشخاص.. فالشخص المشهور قيمته أعلى في عالم اليوم.. حيث يمكن استغلال شهرته هذه في التسويق و الدعاية و الاعلان..
و الشخص المشهور أيضا.. تفتح له السبل لمقابلة المسؤلين و التعرف على أصحاب القرار.. مما يكسبه زخما قد لا يستحقه في كثير من الأحيان..
و هوس الشهرة موجود في كل أنحاء العالم.. و في مجتمعنا الذي هو جزء من هذا العالم.. يأخذ هذا الهوس أشكالا خاصة.. ابتداءا بالترزز في مجلات الشعر الشعبي.. مرورا بالتسدح على خشبات المسارح و ردهات الندوات الفكرية أو الدينية و التميلح في القنوات الفضائية.. و وصولا الى انفاق مئات الملايين من الريالات على أندية رياضية مملوكة بالكامل للحكومة!
…
و لا يخفى عليكم ان الانترنت ساهم و بشكل فعال في سهولة الحصول على الشهرة.. و ان كانت شهرة وقتيه في معظم الأحيان.. يكفيك مثلا أن تحرك شفتيك بشكل مضحك أمام جهازك.. ليشاهدك عشرات الملايين و يعرفوا اسمك..
تماما كما حدث مع صديقنا أبو خدود هذا قبل ثلاث سنوات:
شاهد هالمقطع في يوتيوب وحدها أكثر من 30 مليون شخص.. و يقال ان عدد الذين شاهدوه في مختلف مواقع الانترنت يصل الى 200 مليون.. و تم عمل عشرات اللقاءات التلفزيونية مع هذا الرجل المشدق.. و قام بعمل أكثر من اعلان تجاري في الولايات المتحدة..!
حتى أنه ظهر في المسلسل الكرتوني الشهير South Park و تم تجسيد شخصيته في بعض الأعمال الكرتونية الأخرى..
….
عموما.. أعتقد الشهرة هي ميزة مكتسبة للأشخاص إما لعمل يثير الاعجاب أو ربما لعمل يثير الرفض و الاستنكار.. لكني أجزم ان الحصول على الشهرة لا يعترف بأي منطق.. خصوصا في أواسط العامة من الناس..!
اسمحوا لي أعطيكم مثل بسيط..
اكيد سمعتوا عن الحرب العالمية الأولى؟
هالحرب البشعة و اللي بلغ عدد قتلاها من البشر أكثر من 17 مليون.. غير عشرات الملايين من الجرحى و المشردين.. و في أقل من 4 سنوات!!
هالحرب اللي انهت الامبراطويرية العثمانية.. و هشمت امبراطورية ألمانيا و النمسا.. و مهدت لحرب عالمية ثانية أكثر شراسة..
ربما لا يعرف كثير من الناس أن سبب هذه الحرب كان أمر صغير جدا..
لكن أثناء هالحرب.. و بعدها.. لم يشتهر المسبب الحقيقي لها.. و قلة من الناس في ذلك الوقت و حتى الآن.. يعرفون اسم الشخص الذي أطلق الشرارة التي اضرمت نيران هذه الحرب العالمية!
فالطالب الصربي الشاب (جافريلو برنسب) هو الذي بدأ سلسلة متسارعة من الأحداث قادت إلى نشوب الحرب.. و ذلك بعد أن اغتال ابن امبراطور النمسا و زوجته و اللذان كانا في زيارة الى سراييفو في عام 1914م.. للمطالبة باستقلال يوغسلافيا عن النمسا..
صورة جافريلو و هو توه محدد الشنب
اعتقد انه كان من المنطق أن يكون هالطالب من أشهر رموز الحرب.. لكن الشهرة لا تعترف بمنطق!
….
عاد تخبروني يا شيني لامني قمت اهوجس.. و جلست أفكر مين فيه من الناس اللي ماخذوا نصيبهم من الشهرة..
و طلع معي كم شخص بصراحه..
أولهم هذا اللي يردد ورى عبدالحسين عبدالرضا في أغنية (يا بطة في الخمار الأحمر)..
هالانسان والله المفروض يسوون له تمثال..
يعني على ان دوره ما فيه أصغر منه في تاريخ الدراما يمكن.. الا انه موب صاحي.. قسما بالله كل ما شفت هالاغنية من أيام الطفولة.. انسى الأغنية (رغم انها رهيبة) و الممثلين كلهم.. و بس احتري ضحكته الجنان.. و خصوصا لامنه هز كتوفه.. أغدي حكاكة مرقوق يا شيخ..
…
بصراحة طلع في بالي أسماء كثيرة.. منهم على سبيل المثال.. (سميرة) اللي في مسلسل (عدنان و لينا) و البنت الصغيرة اللي كانت تجي في دعاية جبنة بوك.. هذولي الثنتين كانوا فتيات أحلام جيل كامل من السعوديين..
المهم ان الشهرة موب منطقية أبد!
……….
اعتذر ان كانت التدوينة غير مكتملة أو غير واضحة المعالم.. كتبتها على عجل بعد ان جاني سيل من الهواش لأني قلت ابكتب تدونتين في الاسبوع و تأخرت عليكم.. صراحه.. والله انكم زكرت يا أعضاء المدونة.. صرت أخاف منكم يا حنبي نيلكم!
التدوينة القادمة راح يكون فيها اللقاء المرتقب مع العزيز (ثامر المحيميد)..
شوكرن
_______________________________
معليش يا عزتي لك.. لازم تسجل دخولك عشان يمديك تسدح تعليقات.
أهلاً و سهلاً


من ناحية الشهرة صارت طموح الأغلب .. أمنيتهم يشتهرون و هم ما عندهم مواهب و طموح
الناس اللي ذكرتهم تقول المفروض يكونون لهم نصيب من الشهره .. ما يسعون وراء الشهره

يعني مو الكل يبون يصيرون مشهورين .. و عندي اعتقاد ان الشخصيه اللي تبي تكون مشهوره هي شخصيه قياديه نوعا ما .. وان قلنا قياديه ما بقى لنا إلا التابعيه
توشكر على هيك مدونه
يسعد لي صباحك مثل ما أسعدت صباحنا بهالطلة الحلوة


كلامك رايق صراحة وليتك عاد زدت من عدد الأمثلة ..
تدري ساعات أفكر أنو لازم كل واحد يترك بصمة في الحياة
عشان إذا متنا ، يصير أحد يتذكرنا
بس الحين أحس أنو إحنا ميتين وحنا حيين !
أقصد ما أنجزنا شيء يذكر ..
مدري إذا فهمت علي ولا لا ..؟!
ويسعد لي أيامك يارب
ننتظر التدوينة الجاية ولا تتأخر
وياليت تكون مقابلة صوتية بتكون آحــــــــلـــــــــى شـيء
اهلين مولي
اولاً احيك على ثقافتك العاليه ,, وعلى روحك الحلوه
انا قد قريت عن الحرب العالميه من قبل و فعلا انا استغربت كثير لما قريت عن سبب الحرب !
وصحيح ان الشهره تجي بدون شروط ولا اسباب اواغلبها صدفه !
ومثل ماقلت غير منطقيه ..
تدوينه حلوه
مرحبا موولي <<<<تصدق عاد انا سرت لمن تقول انك راح تنزل تدوينه ماانتظر لاني عارفه انك ماراح تنزل هههههه
بس معليش اذا احنا ماعذرناك مين بيصبر عليك <<ابوك يالثقه 

ونجي على تدوينة اليوم تصدق عاد وربي الشهره سارت طموح كل واحد حتى اللي مايملك شهاده ولا وظيفه بس الله يعين عاد على هالزمن
صباح الخير جميعن
يادكتور … كذا باتتسبب لنا بــ overdose ومما يادي الى الادمان على مدونتك اكثر واكثر وتخلينا نطالب بالمزيد
فلا تطول الغيبه
وبالنسبه لموضوع الشهره اسلوب الحياة اللي يغلب عليه الاهتمام بالجانب المادي اثر علينا من الناحيه السلبيه.
وانا تفق مع سويت هارت فالمفروض انا نترك اثر ايجابي لنا اولنا وللعالم ثانين.
على العموم مبروك تغيير سوال التصوت========< واحد ما يعرف يلمح(تري صوت .. فصوتو ا يجماعة الخير)
وعذرا على الاطاله.
فعلاً … كلامك سليم
واللي يرفع ضغطك بزيادة واحد داشر ما غير يفرفر بين البيوت بددسن 89
ومطلع الشعر من ورى والطاقيه على خشمه في عز القوايل!
ومن بكره يقدم كالشاعر الكبير ومن استضافه لاستضافه..
واللي امس يتبرون انه من قبيلتهم صاروا اليوم يصممون شجره جديده للقبيله
لكي يرتز بها الشاعر المغوار
هذا عاد غير (خبير في الشؤون الارهابيه في السعودية) و (خبير في شؤون العلاقات الامريكية السعودية)!!
وعمره ما جاء 30 سنه وليتها على كذا … ما معاه الا شهادة ثانوي وماخذ الباقي هواية!
فعــلاً فقط اخرج عن المألوف بسلب أو بإيجاب فستجد شهرة ام دافع لك ام دافع لك أيضاً
لكن عكس الاتجاه!
همسه/ موليكيلو تصويتك ياخي ديكتتاتوري ليش مافيه شي للاتصالات
والله انك صادق
احب الشهره
تصدق عاد انا بالذات اشتهرت
بطيحه خطيرة عند الأهل والقرايب وانا عمري 8
واللي يطيح من بزارينهم ويتراكضون عليه بعدمايغشى البزر
ويصحى وياخذون انفاسهم يقولون طاح مثل طيحة نجلاء
ويقعدون يزيدون وينقصون بهالسالفه
اللي مضى عليها كثر مامضى على وفاة جدي الله يرحمه
يابعدي انا امحق شهرة
ومازلنا ننتظر التدوينه اللي اعلاناتها
فاقت اعلانات معجون سجنال2 الله يذكره بالخير
هلا والله ابو المول
موضوعك اليوم حلو ومناسب بس ما تتوقع انك ماعطيته حقه شوي
عندك مثلا برنامج شاعر المليون ذا اللي لو سواقنا شارك فيه ماصوت له
طلع فيه ناس ماقول الا الله يخلف على اهلهم وفيه ناس ماعرفتهم الا منه بس اختفوا
وعندك برنامج انحطاط اكاديمي ذا اللي مع ان مانعين التصويت من السعودية بس ماياخذه الا احنا
واشتهروا من دون اي شي ومن زين اصواتهم <<<يمدح صوتك
اسلم وسلم
المرة الجاية اكتب تدوينه طويله شوي وياحبذا تحط لنا مقطع جديد
ياخي ماتحس انك ماعمرك غنيت للمدونة
صباحك سعادة
تدوينة رآآآآآآآآيقة مشالله هذا اللي كتبته على عجل أجل لو تروق وش تكتب
ممكن كل الناس يسعون للشهرة لكن أنا ما أسعى لها أحسها تعب
>>هذا اليوزر مزآآآآجه استهبالي
لا فعلاً كلامك صحيح وربي شي يبط الكبد لكن وش تقول عاد
بس أنا أضمن لك إن الشخص اللي بتسويله تمثال بيغدي مشهور بعد هالتدوينة والله يا ضحك الله سنه
وبالنسبة للبنت اللي بدعاية جبن بوك جاري البحث عن الدعاية وتحميلها >> ذكزتني بها أحس إني مشتاقة لها
مراحب
ولا سعيد العويران
ولا شوارزنجر
حاكم كاليفورنيا اللي ماحملناه ممثل نحمله سياسي وووووع 
كيفك مولي وانت صادق, الشهرة لوهي تعرف كان ماأشتهر شعبان عبدالرحيم
وربعهم واجد في الوسط الفني والرياضي
خسارة كان ودي احكي زيادة بس زلاعيمي تعبانه معي فلو بس مو H1N1
الشهرة كنز لا يفنى هههه
الصراحة إني يوم شفت الفيديو حق عبدالحسين عبد الرضا و أنا أقول أشوا إن خويك ما صار مشهور
و أنا أقول على التصويت إنه المفروض كل الخيارات (والله ان موبايلي مصرقعين و هزأوا الاتصالات.. بقوة!)
و الحمدالله إننا هلاليين
من جدد ناس كثير انشهروا واخذوا شهره واسعه على اشياء ما تستاهل
وناااس من المفروض انه يكون لهم نصيب من الشهره بس ما حصلوا شي
بس هذه الدنيا ح ظ و ظ , وراااح تظل حظوظ =S
مت من الضحك يوم قريت فتاة احلام جيل كااامل ههههههههههههههه
سلمت يمينك موليكو
Hiiii Mole …
كيـف أصبحت ؟؟ كيــف أمسيــت ؟؟ كيف أغديــت ؟؟
تصــدق من شفت خشه (( ابــو خدود )) وانــا اقوول يا ربــي وين شايفه هالبوهه فيــه ؟؟
وقعدت افكــر واتذكــر ليــن قريت ((حتى أنه ظهر في المسلسل الكرتوني الشهير South Park)) >> فعلا” وجهه ماآرهـ كوميديان وينفع للمسلسلات الكرتونيــه
وبالنسبــه للشهــرة اتوقع من السهــل الواحد يــصيــر مشهور بهالــزمــن …
ومثــال حي على ذلك هــو (( انـــت )) من عقب ما نزلت فيديـــو (( لماذا انتحــر هتلــر )) واسمك مكتسح الساحه الفنيــه و الهوتميليه ,, ولا اخفيــك انـي كــل يووم ادعي لصديقتي اللي ارسلت لــي هالفيديو و دلتنــي على مدونتك
وكمان مثــال ثاني (( قبــل كم يوم Google حطت صورة الهندي الفقيــر”غاندي” كـ لوجو )
فـ طبــعا” اللي ما كــان يعرف غاندي عرفــه من هــاك اليوم >>خبــرك شعبنا تجيــه حكــه لو ما عرف وشهي الطبــخه …
وبخصووص الحرب الاهليــه اللي ما نشوفــها إلا ((برمضــان)) بيــن موبايلي والاتصالات
انــا اقووول والله ان موبايلي مصرقعين و هزأوا الاتصالات.. بقوة!
>> سؤال خارج الموضوع || وش صار على جائــزة هديـــل ؟؟ ||
ومشكووور ع التدونيــه السريعــه ,, سلمت لنــا يمنــاآك ويسراآك
ومبروووووووووووووووووووووووووووووووووك للزعيم يا زعيمنا ..



>> طسي بس
فرحتك من فرحتنا ..
هالتدوينه ممتعه .. بحق .. بدايه من الدب الي صار من المشاهير
للمعلومات الغريبه الي اول مره اسمع فيها ..
ومن جد فتحت لي باب البحث عن مشاهير بنفس الطريقه ..
ورغم انها تدوينه قصيره ولا شبعنا منها
مثل ابو دايم ما نشبع من علومك الحلوه
الا انها كانت غنيه بما فيها …
وربي يا مولوكيلو مدونتك اطلق شي بالنسبه لي على النت العربي ..
ونشتاق لها كثير .. بس مشكلتك انك تقطعنا عشان مشاغلك ..
وتعرفنا طماعين فيك وما نحس الوناسه والانبساط الا اذا قرينا لك شي جديد
وعرفنا ايش تفكر فيه .. >> وش ذولي العلل
اقول متى بتتقاعد وتتفرغ لنا
بسالك وين هي اراضي خالد ؟؟؟!!!!
هههههههههههه والله كأنك معي يا مولي
مقطع اغنية عبدالمحسن عبدالرضا .. جت أمس على فنون .. فقعت ضحك على ذا العصاقيل ..
أقول لأمي وينهم ذولي عن الفن؟ أحس معطين لمسة للمقطع رهيب مرة ..
عموما من ناحية الشهرة .. الأضواء عمرها ما كانت منصفة .. هذا كتاب بنات الرياض والا حب في السعودية
ماخذين البساط من روايات وكتب أدب عظيمة والسبب لأن الشهرة أرادت ذلك ..
عموما انا لا ألوم أحدا إلا الإعلام .. وفي بلدنا بالذات الطبقة الفكرية التي تحرّك الناس هي من تولي لأتفه الأمور
ولصغائر حجم الناس أولوية في المتابعة وتترك قمم بعيداً عن الشهرة والتقدير ..
وبالتالي .. العالم عامة يلتفت لمن هم تحت الأضواء ويدققون على أتفه تفاصيل حياتهم .. يحاولون أن يستشعروا بأنهم اناس طبيعيون ! والحقيقة أن كثيراً من أولائك الذين تحت الأضواء قاموا بـ ” فضيحة ” ما جعلت العالم يهتم ويحفظ اسمائهم جيداً .. لذا في عصرنا الحديث تماشت الشهرة مع الفضيحة بشكل مخيف !
لدرجة أن الناس تقوم بأعمال غريبة الأطوار ليندرج تحت اسم فضيحة فيشتهر – خارج مجتمعنا على الأغلب-
أو ببساطة .. اصحاب المنتديات والصحف وربما الايميلات – يسوّقون لأنفسهم بعنوان بعض المواضيع شيئا ما يدل على فضيحة شخص ما .. اما رجل اعمال أو هيفاء وهبي كما جرت العادة :\ ..
* لدرجة اني شفت واحد كتب موضوع كاتب فيه مقطع جنسي لنانسي عجرم مع مدري مين .. وطلع الموضوع نصيحة لمشاهدي الـ pornography .. النيّة طيّبة لا شك .. لكنه ضمن شهره موضوعه وتسجيل عالي للمشاهدات من العنوان .. وهذا ينطبق على كثير من مقاطع اليوتوب التي لا علاقة لها لا بفضيحة ولا بهيفاء وهبي < ماسكة
ومن جهة أخرى .. عندما ترى رواد فضاء .. علماء ذرة .. نابغة فلسفة وآداب .. يكون الرد بسيط ” فاضين قسم بالله .. غيّر القناة ! ”
للأسف اصبحنا ننتمي لجيل أو لعصر يرى أن العلم والأدب وكون الإنسان نابغة في مجاله شيء ” عادي ” ووجوده من المُسلّمات وأننا لا نرى أنها جيدة بالاهتمام لكونها “مملة ” .. وأن الشخص الذي يقبض عليه في حالة يرثى لها أو “شخصة” تمارس الاستعراض الرخيص يثير ذوي العقلية ” الفاضية ” فهذا شيء يستحق ان نتحدث عنه في المجالس ونقرأ عنه ونشاهد منه الكثير .. وتمتليء صحفنا وصندوق بريدنا بكل جديد عنه ..
ملاحظ اني صايرة يوزرة ملتزمة وأجي اول ما تنزل موضوع؟
ما شاء الله لا ارجع لعادتي القديمة :P
هلا والله اخوي مولي
كيفك
الشهره فيها الزين والشين مع ان اغلبها شين والدليل ياسر القحطاني والمشاكل الي صارت له
وبالنسبه للشهره عنطريق الانترنت او بالاحرى اليوتيوب شف البزرين ذولا
http://www.youtube.com/watch?v=_OBlgSz8sSM&feature=channel
للمعلوميه ترا امس كانو الي شافو المقطع 124 مليون وشوي واليوم شوف كم
ابد يا ابو المول ما جا منك قصور ومعذور
اهلين ابو جود .. والله آنك قول وفعل ههههه << ذكرتني هالكلمه لإعلان في الشرقيه آتذكر آول ما آستلم الحكم الملك عبدالله وكانت له زياره لمنطقة الشرقيه ،، فكاتبين لوحه طول بعرض ” آهلاً بملك الآفعال ” ..!!
.. طبعاً آنا لاتعليق وقتها ..
..!!
تسلم لنا المدونات الخفائف اللطائف .. السريعه الممتعه وغير مريعه ..
تعجبني مدونتك .. الي صرت آستقي منها معلومات ليس من السهل وجودها في مكان واحد .. الله يعطيك العافيه ..!!
صراحه ما هقيت آن سبب الحرب العالمية الآولى سببها ذا .. الي فوق
..!
عموماً دائماً اي حرب كبيرة آو مشكلة تبداء بمسائل تافهه .. لو آنحلت لآنتهت المسآله برمتها .. لكن يآتي من يضخم ومن يجعل من هالمشكله آهدافاً مستقبليه لمصالحه الشخصيه .. وهذا ما آعتقده في الحربتين العالمتين الفيرست والساكند ..!
الله يكفينا شر الحروب .. كل من دخل الحرب خاسر .. حتي المنتصر فيها خاسر ..!!
بخصوص المشاهير .. اييييه وايييييه وايييييييييه .. ياكثرهم عندنا .. شفهم مترززين في الانديه عندنا .. مستعد يدفع الي وراه ودونه من آجل آنه يشتهر .. في الانديه .. وآخرتها عندكم يا آبو المول .. الاماراتي الي استلم مانشستر ستي .. واليوم الفهيم والسعودي الفرج .. الي اشترو اسهم نادي بورتسموث ..!
عموماً .. الناس بإختصار نوعين في هالحياة .. إما مغييرين للتاريخ .. آو موجودون ليعملون توازن للبيئه ..!!
من يضع هدفاً آمامه .. ويصّر على الحصول عليه حتماً سيصل للهدف .. بعكس الكثيرين الـذين يسيرون في هالدنيا بلا آهداف .. آو آهداف هشه .. وطموح بائسه .. ماهي الا سوالف ليل .. وتتبخر في الصباح ..!!
فيه حكمه تعجبني تقول :
إن لم تزد على الحياة شيئا …فلا تكن زائدا عليها ..!!!
عوافي آبو جود .. بإنتظار تدونتك القادمه ..!
بس بخصوص التصويت .. وراه ماتضيف .. خيار ” والا كلهم بزارين ياحلااة من يآدبهم .. بس ماعندك آحد ياهيئة الاتصالات ” ..!!
صحيح فيه الاخت الي فوق سآلت عن جائزة المرحومه بإذن الله ” هديل ” العالمية ..؟
وش صار عليها ..
تحياتي لك عزيزي ..
آٍولن .. دختوٍرٍ موٍلي .. كح كح يآٍئديم .. هلآٍ بك نوٍرٍت آٍلمدوٍنه ..
آٍمآٍ بآٍلنسبه للشهرهـ ..
آٍخخخخخ ومآٍآٍدرآٍك مآٍلشهــرٍهـ ..
يآٍخي آٍنت صح ميه بآٍلميه ..
فيه نآٍسس آٍشتهرت وهي مآٍتستحق آٍلآٍشتهآٍر ..
وفيه نآٍسس يتمصعوٍن ويتقطعوٍن .. وبآٍخر شي يقول .. (( يآٍليييييييل مآٍطولك
))
وآٍللي يتسدح .. وآٍلي يترقص .. وآٍلي يشوت كوٍرٍهـ وتدخل هدف (( هذآٍ خلآٍص يصير توٍب عندنآٍ .. وخصوصن بآٍلصعوطيه
))
تصدق
مرهـ شفت حلقه لبرنآمج آلموبدعه (( آٍوٍبرآ )) ..
وكآٍنت آٍلحلقه عن آٍليوتيوب ..
وآٍستضآٍفت نآٍس آٍشتهروآٍ من هذآٍ آٍليوتيوب .. وصآٍروٍآٍ حديث آٍلنآٍس ..
آٍجل تصدق (( جآٍبوآٍ كلب على آٍلمسرح .. وليته كلب حلو .. آٍلكلب آٍبو خدود ))
يتزلج على زلآٍجه .. آٍعتقد آٍنك عرفتوهـ صح
عشآٍنه يتزلج على زلآٍجه آٍستضآٍفته آٍوبرآ
آٍجل آٍنآٍ بآٍتسر بجيب بسه وآٍدربه على ركوب آٍلسيكل عشآٍن آٍحطه بىٍليوتيوب وتستضيفن آٍوبرآ
وثآٍنيه بنت ..
هآٍلبنت تعشق جستن تمبرليك ..
وكآٍنت تصور فديوآٍت وهي بغرفته .. وتغني .. وآٍشتهرت هآٍلبنت وكل آٍلنآٍس يسمعون صوته آٍلحلو ..
توقع وش صآٍر يآٍمولي ..!!
جسستن عرف بآٍمر هآٍلبنت ..
ورٍآٍح شخصيآٍ للبنت .. وقآٍل آٍبيتس تغنين معي آٍغنيه
يعني .. آٍلوآٍحد مآٍيدري وش يصير ..
كلن على نيآٍته ..
وآٍلله يرزقنآٍ بسس
شوٍكرن ..
<< آتفلسف صح
هلا
آفـا والله روعتنا ع خالد
ألف لا بأس عليه
بلغه سلامنا وأمنياتنا له بالشفاء العاجل
وأنت انتبه لنفسك ولجود وباقي الأهل
والله إني خايفة ع هالأطفال
ليتهم أجلوا دراستهم
مرحبا مولي
موضوعك خفيف حلو
ومثل ماقلت الشهرة لاتعرف المنطق والا فيه ناس انظلموا بالدنيا وما اشتهروا
يعطيك العافيه وننتظر جديدك لاتطول …
وااااااا علــي علـــيه هالخالــد
..
ما يشوووف شـــر بتاتا” البـــته ..
والله يشفيـــه ويعافيــه وياخــذ من عمــر عدوهـ ويعطيــه
..
و زي ما قالت سويــت انتــبه لنفســكـ وللعايلــه الملكيــه بتاعتكـ
..
وفي خبــر ما ادري عن مدى صحتــه بس جبتــه من وكاله ((يقولون))
يقولون اذا كانت نسبــة غياب طلاب الابتدائي اكثــر من 10% راح يأجلون الدراســه الى غــرة محرم ..
و بلغ سلامنــا لخويــلد ,, وما يشوف شــر مرتن ثانيــه ..
سلااآآاااآآامــز ..
سلامات لخالد ومايشوف شر وطهور انشاء الله.
وانتبه لجود …من فلونزا الخنازير … وعين الحسود
الحمدلله ع سلامة خالد .. يا بوجود ..!!
وما آصابه لم يكن ليخطأه وما آخطآه لم يكن ليصيبه .. الحمدلله انه تعالج وبإذن الله يرجع سالم غانم ..!!
وانا آكتب هالرد .. آر تي الزعيم عايدين مبارة الهلال Vs مانشيستر يونايتد .. إعتزال سامي
هذا سامي جااه المرض وهو بالرياض والحمدلله خطاه السوء وقام بالسلامه .. لا يآخذكم رعب هالمرض آكثر من آعراضه .. كل الامور طيبه ..!!
جعله طهور ان شاءالله ..
شكرا لكل اللي سألوا و تحمدوا لي بالسلامة
الله يبعد عنكم كل شر ما قصرتوا
من جد من جد من جد
الناس صار كل همها الشهرة ما ادري ليه كل واحد حس انه موب مشهور سوا له شي علشان يشتهر مثلا السعوديين, يايروح يشتري اغلى سيارة او يخت او اي شي او انه يبني اطلق قصر في اطلق مكان او انه يشتم الناس على التلفزيون و كلها ماشيه, واحلى شي ان الناس تهتم بهذا الشي علشان كذا الواحد لقى من يدفعه لفعل هذا الشي
“ياخي ذا الدب المشدق وش فيه علشان يشتهر قسم بالله انه ما عنده ما عند جدتي”
بس زي ما قلت الشهر مو لكل واحد وانا اعتبر الشهرة عبارة عن صدف, شي تسويه وبالصدفة تشتهر فيه, زي الدب اللي فوق
مشكوور يااخوي ياحبيبي على هالموضوع
سلااااااااامات وفالك العافيه خلود … الحمد لله انك شفيت منهااااا ..
وانا اقول ايش هذي الغيبه الطويله >> مسويه تعرفكـ
أقصم يالله إنه ماصل الأبو خدود هذا …
عشان بس تشوفون كيف ..
متأكدة مية بالمية لو راح برنامج america got talent
بيطردونه و ثلاث اكسات بجدارة ..
بس جد ع قولتك الشهرة مافيها منطق !
و الفيديو يجنن حق هزاز الكتوف ..
أول مرة أشوفه بحياتي … ! اابداع !
و بالنسبة للحرب العالمية الأولى .. إلا أعرف اسمه .. بس أول يوم حطيته في بحث سويته عن هاذي الحرب .. قالت الأستاذة إنه المعلومة هاذي مو مهمة !
مادري هل الأستاذة ماتدري وين ربها حاطها ؟.!
و لا إن البحث مدرسي .. و مو لازم أحط هالمعلومة ؟!
و لا أساتذة التاريخ يعتبرون إنه مو مهم ؟! بغض النظر عن الشهرة العامية ؟!
حلوة التدوينة ..!
أنتظر مقابلة ثامر المحيميد
سلآم
شكرا للجميع..
ابرجع ارد عليكم بحول الله..
هههههههههههههه عن جد احلى صباح لك ضحكتني وأنا منبهرة من المواضيع المميزة المطروحة الي تحرك فكري وتزيد عشقي للتأمل في كل شيء وتلفتني لأشياء تعطيني احساس روعة …
الشهرة لو كانت تستحق أن تعطى ولو الشهرة تميز الشخص كان لقيناك اخوي مشهور …
تستحق الشهرة بصراحة بها المدونة المفروض تسوق لها اعلامياً بصدق روعة روعة .. ولا اخفي أعجابي بشخصك الذي يتضح لي من خلال كل شيء (( تصميم المدونة – المواضيع المطروحة – …… شيء مميز))
شكرا لك بالفعل تعطيني الكثير من الأفكار .. والكثير من التأمل في ذاتي …
لبى قلبك على المدونة .. والله بالصدفه لقيتها بمقطع يوتيوب عن هتلر ههههههههههه
بس احييك وربي توسع الصدر استمر
علئ طاري الحرب العالمية الاولى
شكلها بتنعاد الكره الحين مع محمد بو عزيز وهلم جرا مع الدول العربية وما جاورها وهاتك يا مظاهرات وحروب والله يستر
فوتك بعافية يا باش
يوووووووووووووووه,, عاااااد انا مااحب الشهره وهي بس تلاحقني من مكان لمكان
لدرجة اني صرت البس طاقية الاخفاء,,,,,,
حلوه التدوينه استمررررررررر