أهلا جميعا..
اليوم ودي أتكلم معكم بموضوع يمكن ما سبق تطرقت له قبل..
ممكن أختصره بأربعة كلمات: ليش ما نكون أفضل؟!
ليش ما نكون غير.. ليش ما نكون أسعد.. ليش ما نكون..
ولا تدرون وشلون..
انا عموما ما أحب الطرق المباشرة في توصيل الأفكار العميقة.. عشان كذا خطر ببالي اليوم أصمم عشرة بوسترات (كان ممكن تصير مئات.. عادي جدا)..
بوسترات الظاهر بتمشون خششكم ولا راح تشوفونها حقيقة لا في جيلكم ولا في جيل عيالكم.. و اتمنى ان ربي يخيب ظني بهذي..
يمكن ما نقدر نغير الواقع لإعتبارات كثيرة.. بس نقدر نحلم.. ولا؟
يالله.. شغلوا الخيال..
و تصوروا ان هالبوسترات هذي حقيقية..
.
.
.
<– يحلموووون
–> اصحى يابو!
<– صحني بعد خمس دقايق تكفى
–> جالس أصحيك للمدرسة أنا؟ .. قم وجع!
بس حاب أنوه عن 3 شغلات بسرعه:
1- جميع الصور في البوسترات هي ليست من تصويري.
2- أعتذر لكل الجهات اللي استعرت الـ logos حقتهم.. لكن هالشي كان ضروري عشان الواحد يعيش الحلم.
3- ترى البوسترات مهيب صدز.. ما يحتاج أقول عاد .. لا تطامرون باتسر بين المواقع تقولون البطالة انتهت ولا النصر يباركون للهلال.. ترى كله تسذب أويلاو!
على فكرة..
بعضها يمكن يكون صادم.. لكن مجتمعنا يحتاج هالأسلوب.. لأنه يعيش فوبيا حادة تجاه أي شي جديد.. و ما ينفع معاه إلا العلاج بالصدمه..
ما يحتاج أذكركم وش قالوا عن أخطار الجوال.. و بعده الجوال أبو كاميرا.. و بعده الجيل الثالث.. و هكذا.. إلى أن استوعب مجتمعنا درس ” الجوالات ” و بدينا نتسابق من يشري آخر جوال.. و اللي طاق آي فون.. و اللي خاطم عليه ببلاك بيري.. و اللي مسوي فاهم و كاشخ بآندرويد.. الخ..
مثل ما استوعبنا درس الجوالات.. لازم نستوعب درس السينما.. و درس قيادة المرأة.. و الدرس الأهم.. درس التفكير خارج الصندوق!
شوكرن!
_______________________________
معليش يا عزتي لك.. لازم تسجل دخولك عشان يمديك تسدح تعليقات.
البوسترات توجع ! تعور !
خاصة إنها مفاهيم بدائية في المجتمعات الأخرى و لا حتى هي مجال للنقاش !
تدوينة رائعة !
رووووعه يا مولي فعلا مجتمعنا يبيله علاج بالصدمات والكهرباء احيانا بس فيه شغله مدري تتفق معاي فيها والا لا الا وهي انه قبل ما اغلبنا يصير يحب البلد وقبل ما اغلبنا نصير نحب بعض وقبل ما اغلبنا يترك اللقافه اللي تفقع القلب ما اتوقع نوصل لاي شي من اللي ذكرت.
مجرد راي ..
يعطيك العافيه ولا تبطي علينا بتدويناتك الرائعه
بدينا يامولي بالدق على ديرتي ( بريدة )
والله انا معك فيها جميعاً , إلا سالفة السواقة حقت الحريم , ياخي وش تبي تصير شوارعنا زود على اللي فيها الحين , لو يقننون القيادة ومافيه مبزرة تسوق وعمالة ماعمره شافت سيارات وتجي تسوق بشوارعنا ذاك الوقت يحلها حلال …
ليتك بعد زودت الصور عن سالفة الموظفين والتعامل المقرف وكذلك الشرطة وشوارعنا وشواطئنا وتعليمنا أو أقول شكلي بتعب وأنا أكتب هالملاحظات
دمت بود ياعزيزي
أبو لجين
آآآي آآآووو أأأه !
آآآوتش!
آآآآآآوتش تشارلي قصدي موليكيولو !
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآوتش موليكيولو !..
ذاتس ريلي هيرت!
<< لا تنسى اللهجة الماصله
والله في الصميم ! أعجبتني الفكرة جدا
تقبل مروري الاول وادري اني نورت الحته
الي فوقي وخر بس
يعني احنا الي بنضيق عليكم
بالعكس نفتك من السواقين وبتخف الزحمه
أهلن بأبو المول



تراي اندمجت بالصور وبديت افكر لو صارت صدز نبدأ بأول صوره
ياخي مابي سينما ليه كل ماقلنا نتطور قالوا ((السينما بالسعوديه ))مانبي <تحمست
نبي جامعات مستشفيات فيه كوادر سعوديه ميه بالميه شي نفيد منه مجتمعنا العاطل ونستفيد منه كشعب
المترو ترى ماغرت من حق دبي ولا ودي به اليوم قببل بوكره
السواقه يبيلنا سنين عشان يستوعبون رجالنا هالفكره
ومنها افتك من انيس وطقته 
بالعكس برنامج جماهيري ولازلت مواضيعهم قويه وتشدني دايم
كلام نواعم وراك حاقد عليهم
مباريات المنتخب ياليت والله
أكره الهاله الاعلاميه على الهيئه كأنهم هم العاهه الكبرى على مجتمعنا
ما كأنهم هم وجدوا ليحمونا
البطاله وما أدرااك مالبطاله
اوبرا لا وين ببريده أويلاووووه صدز
حلم ابليس يالجنه 
<مابي سينما ولا اوبرا بس اسووق 
شوكرن ابو المول وقصم طقتن الغلقه كم يبيلنا سنه على مانتطور
هههههههههههههههههههههههه
إبداااااااااع
(عليك بتشجيع المنتخب .. وعلينا مساعدتك على ذلك) …. يرحم أم المخ إللي طلع هالعبارة رهــــيــــبة
الصدز عاد كل البوسترات حلوة خصوصاً مسرح بريدة الأوبرالي .. رغم بريداويتي لكن جاز لي البوستر .. حسيت حقين الخبوب جايين يشوفون العرض ههههههه
يا أخي أنت رايق … ودي أصير صديقك >> شلون ؟
اهلين موولي,,


تصدق قلبت عليا المواجع,,,,
مدري متى بيكون عندنا سينما,,,وتصدق عاد مانبغى نسوق والله بس اهم شي يعرفون فينا ,,,يحنو علينا من البطاله اللي بتزيد وربي توجع قلبي,,,
لا ومعاملتنا برة السعوديه وتقول وباء,,
ولا الكورة اشوف اخواني كل يوم بطاقه واشتراك ,,,ومعاملة رجال الهيئه ,,,آآآآآآه موليكو….
يااموليكو لو بديت اتكلم راح الف مدونه ثانيه,,,
بس عساااااااااااااااااااك على القوة..
هلاااابكـ ابوو المول ,,,
يالله ان تحييهـ ,,,
موضوعكـ هذا ,,
يسوي كذا للواحد…
كله كوووم,,واللي تكلمت فيهـ ,,,وانه نعيش على حلم ,,,ومهاترات ونقاشات ودوائر للحوار وبالاخير تكون بحلقهـ فارغهـ
من جد صدق يعني حلم ابليس بالجنه
كل اللي فالحين فيهـ شفط بهالفلووس وحنا نحتري الشئ الصح ,,,ونبيهـ ولانشوووفهـ
يسكتووونا بس ..
بس سالفة السواقهـ من جد ,,,ابو القلق لو ساقو الحريم ,,,,الحين ,,هاللي يسوقون عندنا خلهم ينتظمون ويعرفون لانظمة المرور صح بعدين يحلها ربكـ مو تجي بالاشاره عشرين وااحد صافط قبل الاشارة بامتار ,,,اقال انه ماقطعهآ..اللي يسويها ودك تقول به تسذا
والا سالفة ,,السعوديين برا ,,شئ يقهر بصرااحهـ لاشفنا اللي غيرنا يعاملون ازين منا ,,,,ليه حنا وش ناقصنا ,,,
قهرررر
بس الحين ماودك تغير رايك بالاوبرا ,,,,الحين خلقهـ بريدة منتفشين تبيهم ينتفشوون زيادهـ
ابو المووول فوووتكـ بعافيهـ اشوفك على خير وتزدح ,,بخير ,,,وسلم على جووود
جايز نشوف أحسن من كذا .
اهلا د.مولي
بصراحة فكرة رائعة ومميزة… لكن ما تلاحظ انها فنتازية شوي.. لا لا مو شوي الا كثييير…

بس ومالوو.. خلنا نحلم دام الحلم ببلاش
اهلاً مولـــي ..~
جبتــها ع الجـــرح بصراحــه ,,
من امنياتي القلبيه اشوف السعوديـــة متطوره ولو في حاجه وحده بـــس >> مانيب طماعه
وضعنـــا مزري ومأساوي والسبب كـــله من الواســــطــه ..~
وعلى قولة ناصر القصبي ان المترو ما راح نشوفه الا في 9\9\9999 يعني اذا حجت البقر على قرونها
بالنسبة للسواقـــه انا كنت بالبداية من انصار هالفكره لكـــن بعد ما استوعبت الفكرة عارضت وبقوووووه
ودمت بووود
تذكرت جووود يوم شفت الشووز البنكي(( الله يكرمكم )) يا لبى بس ..~
.. Oops
نسيــت اقولك (( الله ميـــر يحييــك في وطنك الام والاب والاخت وكل ابو شي
حـــتــنور الخرابــــه يا باشا
))
درس التفكير خارج الصندوق
مبدع مبدع مبدع
لو بس يصير منك نسخ كثيره شوي
أهلـ ي ــن مــولــي
أخــ ي ــرا عــ ط ــيــتــنا و جــهـ <<< تشوف هالنك باليومين هذي بالمدونة يمكن ما تلقونه
بــصــراحــة أحلام حلو إن الواحد يعيشها لكن عبدالمجيد عبدالله يقولك ( يحلمووووووووووون )
يعني مو عشانك بالمملكة المتحدة تحسب زي هنا
يعني مو عشان عايش بمملكة وحنا بمملكة تصير نفس الأفكار
الحين مولي عندكم أغنية اسمها ( Dreaming ) ترا مترجم قوقل يشكي
اللي باوصل له إن كل هالكلام أحلام لا يمكن تحقيقها أبد أبد
فنتاااااستك .. أبدعت و أصبت ..
حي الله ابو المول
مابي اتكلم صراحه عن روعه البوسترات اللي من جد خيااال في التصمبم والانتقاء بس بغيت اتكلم عن بعض من مواضيع البوسترات <<<ياكثر كلامي
من ناحيه مترو وسينما وبطاله اغسل يدك ولاتنشفها صحيح ان الواحد ودة بهالأشياء بس لكن كأن واحد يقول في أّذني (تبطي)
وسواقه الحريم طال وكثر الكلام عنها والشي ذا متوقع راح يصير وانا من معارضيه<<وجهه نظري الشخصيه تقبلوها
لا لشيء ولكن لحفظ حقوق الانسانة التي تسمى مرأة
بس النصر والهلال يبي لي ساعه اتكلم عنها والبوستر اوووووكيييه
سلمت يمناك على ماكتبت<<<يمكن يكون اشول
ماتوقعت يابو المول تسمع لمايكل بوبليه
صمت المشاعر/ روحي اسرقي موتر ابوك وخذي لك فرة في الحارة
ياهلا
بـ إختصاااار روعــــــــــــــــــــة
صراحه انا استغربت من بوستر كلام نواعم
انا ما اتابع البرنامج ولا لي أي علاقه فيه
لكن حسب ما اعرف إنه كمل سنوات
والبرنامج يمشي على طريق علاج مشاكل وسلوكيات المجتمع
بغض النظر عن سلبيات البرنامج و((الثرثره والسواليف اللي مالها داعي )) ويعيبه عدم التجديد .. إلخ
لكن كأني شفت إعلان عن نسبة المشاهدين المرتفعه جدا ً
احس من الظلم إنك حكمت على فشل ذريع لجهد ناس ( أضعاف هالأربع ) ورا الشاشه من إعداد وإخراج وإعلان وإداره وضخ مالي ، بإنه “فاشل”
انا من هالمبدأ تضايقت ، يزعجني كثير إذا كان شخص تعب على أي شي ( تحقيق حلم ، إنتاجه لأي شيء ) ويجي الإنتقاد بكل بساطه و يكون هالإنتقاد هادم !
بعيدا عن مسأله الثقه اللي لها علاقه بهالموضوع
لكن انا ماقلت هالكلام إلا لمعزتك وثقتي بأفكارك ومبادئك
قصصصم بالله ان البوصطرات أفلل شي
خصوصا متروو جده
منجججججججد شر البليه ما يفطططس ضحك
يعطيك ألف تلريون عافيه يا فنان !!

أهنيك مولي
تدوينة قوية ومعبرة ….
اصيييييييييح والا اصيييييييييييييح
وربي من جد بوسترات ما اظن نشوفها بحياتنا نهائياً !!
اللي بالصميم من جد، البطالة
يا الله يا هي موجعه 
واللي تحتاج “كسر للصندوق” عشان يفكرون “برى الكرتون (احس هذي تصلح اكثر)” السينما والقيادة، وربي لو بس القيادة، راح نرتاح كثير!
صحيح مرات اكون ضدها، لما تصير لنا مواقف، بس بعدها اقول ليتني اسوق كان ريّحت اهلي وارتحت..
مولي، مترو جده؟
انت متأكد مترو ماهوب Submarine
الله يسعدك دوم يا رب.. والله ييسر أمورنا ويحقق لنا شيء بسيط من كل اللي عرضته بالتدوينة هذي..
أهلآآآ مولي ~
مبدع كعادتكـ ،، أكثر شي جاز لي بوستر الهلآل
شكرآ عالهتدوينه الرائعه
وتوصل غانم سالم لآرض الووطن
،،
اويلاو على اختي المواطنه مع القياده
..واااخ بس على مهرجان السينما 

ياخي قسم هذا حلم الا خرافه اصلن ماظن انه قد طراء على بال احد يتخيل بس تكون عندنا ها الشغلات يا امولي
اييييييييييييييه <<من قلب
نقول يارب على الأقل اذا مو بوقتنا بوقت عيالنا هذا اذا ما عجزو ولسى ماهوب صاير شي


ياربيه بس عورت قلبي ع هيك مدونه .. احنا ويييين والعالم ويييين
الله المستعان
عواافي والله يا مبدع .. مدونه ولا احلى
,
و لآ بالاحلام يتحقق شي من اللي ذكرته ..


خصوصا ان النصراويه يعترفون بان الزعيم افضل منهم بكثير ..
مدونه رايقه .. اعجبتني حيل استمر ..
مبدع مولي

من جد لو فيه منك 100 بالسعوديه باسلااااااام
كان صدق صار ذا الشي وماصار بس خيال
بس ندعي ربي يتحقق لوبعد 100 سنه
مرحباا مولي ..
والاروع لما تكون واقعيه 
البوسترات فيها تعبير رائع وحسب
مشكلتنا دايم نحبط انفسنا ونقول مستحيل وخيال بالعكس انا متفائله جدا
انه بيجي يوم ويتغير هذا كله
صباح الانوار
اما مترو جدة,, الاعجوبة الثامنة
بس عتبت عليك, ليه كذا مع النصر مساكين هم بروحهم متحطمين ومتهزأين يبيلهم تهيئة نفسية للمواجه الهلال, وبعد كذا يهيئون للتهنئة.
المهم لبى قلبها صاحبت الحذاء الزهري
مولي المزيد من الابداعات
يعني لازم تجيبون سيره النصر في كل شي ؟؟؟؟؟؟؟؟؟؟؟؟؟؟؟
واحب اقول لكل سعودي يحلم زي هذي الأشياء : من جدك انت ترى حنى بالسعوديه مو اليابان
مولي لايزال الإبداع مستمراً
شوف هذا الموضوع
http://tomaar.selfip.com/vb/showthread.php?t=138939
رائع جداً من جد ابدعت ما شاء الله ومن جد حلم مستحيل يتحقق
تدوينة مميزة ما شاء الله ~
تقبل مروري/ ســـاره
الســــلـآآآم عليـــــكـــم

Posters Awesome
بمــآآ انــكـ تحب الطـرق المبـآآشرهـ
راح نكتــب هيــكـ
الفكــرهـ مرهـ حلوهـ . كثيـر من الـى بيسعــوو لـ رقى المجتمــع بـ يتطرقو لهــآآ .
وتختلـف الأسـآآليــب …
حبيت اكتــب تعليــق لكــل بوستــر .. معليــش لو فيــه ازعــآآج
اول شئ سينمــآآ ..و.. الأوبــرآآ
يمكـن لو اتغيــر الشعـب كلــه فيــه احتمــآآل الفكرهـ تكون منــآآسبــهـ
بس فـي هــآدآ الوقـت ما راح تنفعنــآآ ولاا تعـدل شئ
فـ لو استبدلناها بـ المشاكل والنقص الى يعاني منـه المجتمـع يكون أفضـل
متـــرو جــدهـ .. العطــآآلـــه .. احتــرآآآم السعودييـــن .. كــلـآآآم نــوآآعــم
10\10
نتمنـــــــــي
اثبــآآآت لـ هيئـهـ الأمـر والنهي عـن المنـكـر ..!
أي شخـص لـه الأحقيـه بـ الأمر بـ المعروف والنهي عن المنـكـر
اختــلآف في الرأي لا يفســد للـود قضيـــهـ
يعطيـــكـ الــف العافيــه
ياخي وريتنا عالم جميل.. متى يتبلور لواقع نعيشه
موضوع حالم وابو الفله
سبق وكتبت مقال عن السينما بالسعوديه موجود بمدونتي..http://eman222.wordpress.com/2010/04/11/162/

وخصوصاً السينما ياسلام
واتذكر اطلعت عليه رئيسة تحرير عكاظ قالت لي من يسويلك سينما القصبي والا السدحان الله يسدحهم
الحلم قد يصبح حقيقة يوماً ما
السلام عليكم
مولي
أحييك على هذه الأحلام الراقيه
/
وَ هنا أشكرك على تحقيق حلمي الأزلي
بــ/إعطااااء كلام نواعم شلوووووت داعس 545455كيلومتر في ال6 ثواني الماضية من عمر المشاهد!
االلآآآآآآآآآآآهي حلمي تحقق بالحلم
^
^
^
^
حلوه الفكره
(لنحقق أحلامنا بالحلم)
اممم تنفع عنوان حمله صح
/
أستاز مولي
نعتزر إن زل لساني في هازا المتصفح
لكن جو الخبر يعج بذرات محملة بمادة الانثرتوباكي مما يسبب التناحه اللا إراديه
(لنحقق أحلامنا بالحلم)
طرحك للموضوع روعة ——— وهذا شي مو جديد عليك اصبحت سمة ملازمة لك ……
ولكن لدي تعليق …………… قبل أن يسمحوا للمرأة السواقة يلزمهن غسل عقولهن —-
بصراحة البنات أنا عارفة وضعهن لأني اعيش بينهن هنا خاصة في السعودية ………….
ثقافتهن محدودة في اطار معين وحلقة معينة ((ليس الكل )) فقط العموم الظاهر …..
ستكثر الحوادث لأنها ((كل شوي تناظر للمرايا وللميك اب)) تهتم بالخارج والداخل فارغ …….
تناقشها — تكلمها كلمتين (( ضياع وتشتت )) ((خليها تقود نفسها وشخصيتها )) بعدين تقود سيارة …. يسامحوني البنات ………بس هذا رأيي مع أنني اكثر انسانة احتاج لقيادة السيارة ولكن هناك بديل ………. وليس كل البنات مثلي ………….وبالنسبة لدار الأوبرا خسارة فلوس مااااحد راح يجي لأن مجتمعنا ما يقدر ها الفنون وهذا يبغاله ناس رايقة ومعاها عامة الشعب لا ……… خاصة احنا في بلد الحرمين والسمة الظاهرة في المجتمع ان هذا حرام وما يجوز ومن ها الكلام إذا دخلت في مكان عام ورن جوالي اغنية يناظرولي كأني ارتكبت جرم واني انسانة ((صايعة))
مره حالم انت هههههههههههههه .. احلم ياخويا كمان ان بدلنا الشماغ بالقبعات الامريكية تخيل … مع الثوب مره كشخة
اخ شو اقول بس في الصميم بجد تهئ
متى بنتغير بجد متى بنصير ننافس الدول الكبرى
متى بيتغير تفكيرنا <<< مو انا ^0^ الجحلط الي بالبلد <<< لا حد يسمعك
بجد صراحة صراحة ويش اقول تهئ غير انه
My Heart Is Broken بجد
نبغى نصير افضل بدل ما نحلم نحقق الي نفكر فيه الله يعين ويهدي هالـ.. هالـ..
خلني ساكت لا اصير في غوانتنامو اليوم ^0^
تسلم بجد طلعت حرتي ولو جزء قليل منها
المفروض بعد سويت كذا مول او سوق وكتبت عن العوائل تهئ حالنا يحزن
انا شكلي بهاجر <<< خفض حسك بس
^0^ يارب شسمه الي ببالي يشوفوها وينصدموا شوي ويحسوا بإلي هم فيه
خاصة عن الهيئة ……… مرة في الصميم
فلة ^0^
موضووع حلو بجد ادبااااع ^0^
اخ ياقلبي ..
عاد دكتورتنا تدورر بين القاعات ووراها العاملات ينظفون ولا دخلت علينا عاملة بنص المحاضرة تقول لها نظفي ههههههه والمشكلة انه المبنى بكبره مافيه تكييف وبعز الحر!! 


بس !! متى بنتطور!!
متى !!
وصلنا 2010 و أحنا أخر العالم تطوراً بكل شي وبكل القطاعات للأسف
و أذكر بداية الترم اللي طاف كانوا بيجون يشوفون جامعة سعود عشان يصنفونها من أفضل الجامعات
وبالاخير محد جا!! تصور !!
ومن جد لا دراسة لا تطور ولا شي !!
وحنا لانزال نعيش احلام اليقظة لعلها تخفف شوي عنا!!
ولكن لايزال هناك أمل لايزال هناك أمل
أنا بس بضيف على الاخت اللي فوقي و اقولها أبشرك وصلنا 2012 موب بس 2010:”).
السينما انا ما عندي مشكله معها..اذا كانت فيه رقابه على الأفلام المعروضه.وياليت تخصص لأفلام السعودية بس بعد.!
-اما سواقة الحريم..! ايش الفايدة منها؟! وش بتقدم وايش بتأخر؟!
*حنا لازم نعرف نقطه مهمة.. “ليش حنا لازم نكون نفس الدول الثانية في كل شي”؟! اذا ديننا حرم علينا شي معين ليش نسوية؟! ديننا ما يأمرنا بشي الا وتأكد تمام التأكد انه لمصلحتنا ، وأبداً ما يخالف رقينا وتطورنا.
يعيني لازم نفتح مسرح أوبرالي على شان نوصل للقمر؟!!!!!
خطأ ! مو أربع كلمات
” ما ” يعتبر حرف !! .. المهم لقطات رائعة