Responses to “wall.e و متلازمة الضفدع في الماء المغلي!”

1. 
   had0o0o0l 25.07.2008 at 11:26 am

   مرحبا مووولي … قرت عيونك بشوفة دووجا وبنت عبدالله اوول شي جت المباركه متاخره سووري ..
   ثانيا: الفلم وااااقعي جدا .. وتاثرت بكلامك لانه يحكي واقع اكثر الناس .. صار وضعنا غريب ويخوف؟ انا شخصيا تجيني حالات اكرره نفسي حتى جدول ضرب العشره اشك اني نسيته !! نسيت كل شي ..حتى الاغاني صرت اعجز احفظها ؟ هذا غير الموضوع الاهم تفكك العلاقات الاجتماعيه .. علاقات غريبه بارده بدون مشاعر ..
   اتمنى يا مووولي فيه حل ينقذ البشريه الكسوله الخامله من سيطرة الاجهزه عليها ..
   والله يستر من الجاااااي ..

2. 
   rainyshore 25.07.2008 at 1:00 pm

   مرحبا مولي

   اولا- شكلك من معارضي التقنية الحديثة

   لو نظرنا للجانب الايجابي

   العالم الحين مايحتاج شخص حفيظ يحفظ المعلومات..ليش وقوقل موجود؟!

   نحتاج الى افكار وناس تفهم وتفكر،،اما حفظ المعلومات والكوبي والبيست ماينتج ولايبدع اي شي

   امم وبالنسبة للعلاقات الاجتماعية

   زماااان كان الناس اهتماماتهم محدودة
   يعني يجتمعون كل سوالفهم فلانة تزوجت وعلانة انخطبت.. وباسكال قصت شعرها ولاتهون مجلة سيدتي

   بس الحين تغيروا

   صار في ناس اهتماماتهم التصوير ..الكتابة.. الفنون .. الخ
   والانترنت سهل وسيلة التواصل مع اشخاص يشاركونك الاهتمامات

   فـ طبيعي تنجذب لهم اكثر من العلاقات الاجتماعية الواقعية ..ألي احيانا ..تكون مملة وتغلب عليها المجاملات

   والفلم هذا لازم اشوفه
   thx

3. 
   sweetheart 25.07.2008 at 5:39 pm

   أهلاً مولي
   يسعد لي مساك ..
   بغض النظر عن الفيلم اللي كان مدخل لموضوعك واللي حمسنتي أشوفة لأنه شحن عقلك بكل هالأفكار
   لكن الفكرة اللي ناقشتها أوجعت لي قلبي أكثر من موضوعك الرومانسي
   وزي مايقولون في فمي ماء
   يعني حنا بنفس الوقت مانقدر نستغني عن هالتقنيات وبنفس الوقت طغى استخدامها على حياتنا وتعاملاتنا
   والشواهد عندي كثيرة ( من ناحية العلاقات والعواطف مثلاً )
   لو أقولك مثلاً إني مادريت عن سفر صديقتي العزيزة إلا من خلال منتدى يجمعنا ومن صديقاتها النتية
   كانت تعرف حتى مواعيد سفرها وصولها
   شيء أثر فيني أكثر مما تتصور هذا من جانب مع إني في المقابل عملت لها دليتت من حياتي
   صحيح علاقات النت أحترمها بكل تفاصيلها وما أعتبرها وهمية بالمرة
   لكن زي ماحرصت على علاقتي بالنت ليه ما أحرص على علاقتي بالواقع ( دايم أحسبها من الجانب )
   خصوصاً إن الواحد فينا إن ماكن فيه خير لأصحابه الحقيقين مدري كيف بيكون فيه خير لأصحابه الروحيين عبر الأثير
   :
   /
   من ناحية تأثير هالتقنيات على الجانب العقلي
   ما أقدر أقول شيء
   لإنك حسستني بتأنيب الضمير
   فبعتبر هذا الموضوع دعوة منك عشان أراجع جداول الضرب

   بعدين يا مولي لو ماكان في نت كنا ماقرأنا زي هالموضوع
   وماعرفنا moleculo.net
   
   اللي هي من آحلى الأشياء و شرفت فيها الشبكة العنكوبتية

   مدري أحس تعقيبي مدري وش يبي
   قبلاتي الحارة لجود أجل تضحك إذا بستها فديتهاااااااااااااااااااااااااااا

4. 
   Arooj 25.07.2008 at 7:06 pm

   مرحبا مولي …
   الموضوع جدا رائع ولمس وتر حساس عند اغلب اللي قروه , انا شخصيا كنت مااحب التقنيه والاجهزه وكنت احس انها تخلي الجو بااااااااااااارد وماله طعم ., بس مع الوقت اكتشفت اني متخلفه ومتأخره تكنلوجيا عن الجميع , وحسيت اني مضطره انجرف ورا هالتيار حتى لو ماحبيته ..

5. 
   tofe 25.07.2008 at 7:24 pm

   السلام عليكم ورحمه وبركاته

   كيفك مولي انشاء الله بخير
   بصراحه دايم تدهشنا وتتحفنا بمواضيع ماتطري على البال
   من ناحيه التقنيه اللي تكلمت عنها بالبداية فاسمح لي انا ما افهم شيء فيه مثلك بحكم انه تخصصك لانك بتشوفه من ناحيه خبره ودرايه
   بس قصه الفيلم لفتت انتباهي ومثل ماقلت هذا هو واقعنا اذا خلينا التقنيه محور حياتنا والغينا بالتدريج دور العقل اللي هو نعمه من الله وامرنا باستخدامه وحنا الان مثل ماقريت <<بتعلمكم انها مثقفه ((نعيش عصر التغيير الجذري في نشاطنا وعملنا وحتى تفكيرنا ونحيا تجليات الثورة التقنيه ))
   بس الاهم من هذا انه نستعمل هالتفنيات بحذر علشان ماتاثر على جوانب حياتنا الاخرى الاجتماعيه والفكريه ..الخ
   ونحاول نبحث عن الجانب الايجابي فيها
   وانا اشهد اني بديت اذا قعدت عالنت انسى نفسي لدرجه اني كرهت الطلعات والصور اللي ذكرتها ياكثرها بعالمنا وخاصه الاله الحاسبه ههههههه
   وعلى navigator الحمدلله انه ابوي ما اضطر يركبه بسياره السواق لاني انا دليله اهلي لدرجه اني بديت اذلهم على الطلعه يا اما تسوون لي كذا والا ما اوديكم للمكان الفلاني وبحكم انه سواقنا تنكه بيرضخون لي <<نذله

   يعطيك العافيه ولا عدمناك

6. 
   Arooma 25.07.2008 at 11:44 pm

   اشتهيت أشوف الفيلم

7. 
   NANO 26.07.2008 at 12:14 am

   يالله ان تحييه ..

   وش اخبار الاجواء عندكم بالمملكه المتحده الشقيقه << شقيقه طل
   ما ابي انحتكم .. برد مطر وحنا يا بعدي بزراننا من لفحة مكيف عاطسوو موب منهم بلا من البيئه الصحراويه اللي هم عايشين به
   وحنا بنذوب من الحر يا عيني علينا يا الـ حنا

   المهم نجي للموضووع الاصلي << ما بغيتي !
   يبيلي اشوفه تحمست صدز
   ومن ناحية حنا خاملين .. نوكومنت .. انت قلت المفيد << ابد ابد محنب خاملين بسم الله علينا

   لا الصدز كلش متوفر تقنيا ..
   ما بقى شي .. مير قبل فتره سامعتن الامارات مسوين رجل آلي !!
   هو صدز؟؟؟!

   تششش بس ( مجه متحلطم ) ..

   انا عندي قاعده بكل شي بالدنيا .. ( الشي لا زاد عن حده –> انقلب ضده )

   (F)

8. 
   moleculo 26.07.2008 at 8:11 pm

   يا هلا والله و غلا هدووول..
   قرت عينك بشوفة نبيك.. و الحمدلله على السلامه..
   عسى مبسوطين بالحيل؟
   .
   كلامك بمتمه.. و بالنسبة للحل.. فما اعتقد ان الانسان يفكر في الحل الا بعد ما تقع الكارثة!
   و لنا في الكوارث السابقة في التاريخ أوضح مثال..
   .
   نورتي المكان..

9. 
   moleculo 26.07.2008 at 8:20 pm

   هلا و غلا rainyshore..
   أنا يا الغالية ضيعت ثلث عمري بالضبط و ما زلت.. في الدراسة و البحث في مجال التقنية.. (دي عالم صايعه بأه )
   فصدقيني أنا لست من معارضي التقنية الحديثة أبدا!
   .
   خلينا نتفق في البداية انه لا يوجد خير محض ولا شر محض.. لكل شي فائدة و ضرر..
   يقال ان الخير المحض هو فقط وجود الرب!
   حتى وجود ابليس لا يعتبره معظم المنظرين الاسلاميين مثلا شرا محضا..
   طيب..
   ابرد على نقطتين وردوا في تعقيبك..
   .
   أولا.. لا أوافقك أبدا في ان الانسان لا يحتاج لأن يحفظ أي معلومة لأن غوغل موجود!!!!
   و الأسباب لا يمكن حصرها..
   لكن سؤال بسيط.. مات غوغل.. توفى ويكيبيديا.. وين نروح.. مين يفكر لنا؟
   الفرق الأكبر بين الانسان و الحيوان هو قدرة الانسان على التفكير و الحفظ و الاستنتاج و الاستقراء و الاستذكار…. الخ
   لو عطلنا هالقدرات.. صدقيني.. eventually.. بنخسرها!
   .
   ثانيا.. ما اعتقد ان كل الناس زمان كانوا يجتمعون عشان يسولفون عن زواج فلانه و طلاق علتانه..
   و لو كان فيه نسبة من الناس تهتم بهالامور زمان..
   فصدقيني نفس النسبة و يمكن تزيد..
   تضيع أوقاتها على الجوال أو في الماسنجر.. تسولف في أمور أكثر سطحيه و تسولف عن أشخاص “وهمية”!
   .
   الفيلم لازم تشوفينه من جد!
   بس تكفين يا سينما ولا blu-ray..
   نورتي المكان يا الغالية..

10. 
    moleculo 26.07.2008 at 8:27 pm

    هلا و غلا سويت هارت..
    الله يحلي أيامك.. و يعز مقدارك.. شكرا جزيلا على كلامك الجميل بخصوص المدونة طال عمرك..
    .
    أوافقك تماما على ما تفضلتي به.. و المصيبة ان هالظواهر الاجتماعية تزداد و تقتحم حياتنا بدون أن نشعر..
    فيه لقطه بالفيلم.. اذا شفتيها تذكري كلامي..
    انسانه (بعد 700 سنه أو أكثر من الآن).. خرب كومبيوترها.. فتلفتت حولها.. انصدمت!
    أول مره تشوف المكان اللي هي ساكنه فيه!
    شافت مسبح.. قالت أول مره ادري اننا عندنا مسبح!
    يا خوفي ان هالشي بيصير قبل الـ 700 سنه بكثير!
    .
    نورتي المكان.. و سلامك و قبلاتك بتوصل ان شاء الله..

11. 
    moleculo 26.07.2008 at 8:32 pm

    هلا و غلا أرووج..
    انا اعرف هالشي عنك..
    و طبعا مثل هالتغيرات الجذرية في الحياة الانسانية ما تقبل انصاف الحلول.. اما تنضم للركب ولا راح تكون متخلف و غير قادر على التعايش مع باقي أفراد المجتمع..
    اذكر كلام بروفيسور صديق متخصص في دراسة ظواهر التقنية و انعكاساتها على المجتمعات لما تحدثنا عن هالموضوع في زيارتي الأخيرة لأمريكا.. قال لي: مولي.. انا “اخشى” انه بعد 30 سنه.. اذا استمر التطور التكنولوجي بنفس الوتيرة و التصاعد.. ما راح نفهم “كلام” أولادنا و الجيل الجديد.. راح يتكلمون عن أمور ما نفهمها تماما.. ولا نقدر حتى نستوعبها!
    .
    نورتي المكان..

12. 
    moleculo 26.07.2008 at 8:36 pm

    هلا و غلا tofe..
    و عليكم السلام و رحمة الله و بركاته..
    الله يعافيك و يسلمك.. و ما تعدمين غالي يا الغالية..
    انا بخير يا مال الخير.. انتي كيفك؟
    .
    كلامك بمتمه يا tofe.. و أوافقك تماما على حكاية التغير الجذري..
    تصدقين عاد على طاري الانترنت..
    فيه اصوات بدت تتعالى في العالم.. لإيقاف هالشبكة!
    طبعا حاليا مستحيل تتحقق مطالب الداعين لهالشي.. لكن مستقبلا خصوصا اذا تضرر العالم بشكل جماعي و واضح من الانترنت.. then who knows..!
    .
    نورتي المكان..

13. 
    moleculo 26.07.2008 at 8:37 pm

    هلا والله Arooma..
    شوفيه أبد.. يبي يجوز لك..!
    .
    نورتي المكان..

14. 
    moleculo 26.07.2008 at 8:40 pm

    يا هلا والله و غلا بـ NANO..
    الله يحييك طال عمرك..
    الاجواء تسرك.. تعالوا بس فيذا وش لكم في فيذاك!؟
    .
    كلن مسوي رجل آلي.. ليش تتحطمين!
    الله يستر من المستقبل.. جيل عيالنا و أحفادنا و عيالهم.. هالاجيال ذي تبـ تاكل هوا!
    .
    نورتي المكان..

15. 
    sahab 26.07.2008 at 9:56 pm

    هذي زيارتي الأولى للمدونة
    الصراحة مدونة أكثر من رائعة

16. 
    rainyshore 26.07.2008 at 10:26 pm

    هاي مولي

    اسمح لي مو كل علاقات النت كذب و قصص وهمية

    والدليل الكثير من صديقاتي الماسنجريات لماتطورت علاقتنا وتقابلنا بالجامعة مثلا,,اكتشفت انه كل الي كانوا يقولونه صدق

    بالعكس النت سمح لي اكتشف جوانب من شخصيتهم واهتمامات ماكنت اتوقعهم يهتمون لها ،،

    النت ليس قناع،،بالعكس كاشف للشخصيات

    سوري ع القطة

17. 
    moleculo 26.07.2008 at 11:42 pm

    هلا و غلا sahab..
    حياك الله.. و نورت المكان طال عمرك..

18. 
    moleculo 26.07.2008 at 11:47 pm

    هلا والله rainyshore..
    يا الغالية انا ما قلت أبدا ان كل العلاقات في الانترنت كذب و قصص وهمية!
    انا قلت ان الشخوص هي شخوص وهمية.. بلا هويات ثابته و واضحه..!
    الناس في الانترنت افتراضيين!
    يشكلون هواياتهم مثل ما يبون.. لكن لما تعرفينهم في “الواقع”.. هنا اختلف الموضوع..
    .
    عموما طال عمرك.. يبدو اننا نتفق على نقاط أكثر من النقاط اللي نختلف عليها.. و هذا بحد ذاته شي رائع..
    شكرا لك..

19. 
    CAT 27.07.2008 at 3:47 pm

    انا صراحه معتمده على الجوال في حفظ الارقام

    بس العمليات الحسابيه لا احب احسب واذا ازمت مره ورقه وقلم تحل المشكله

    بس بجد احس مستوى الحفظ عندنا في تدهور مستمر الله يستر لانتحول اتكالين على الالات ولاخربت جلسنا

    سؤالك/كم واحد فيكم حافظ أكثر من 4 أرقام تليفون؟
    اكيد مو انا
    بس مشاء الله على بابا جواله ماتلقى فيه ارقام مخزنه ابتلش لاجيت بادق منه

    موضوع بالصميم مولي

20. 
    moleculo 27.07.2008 at 7:59 pm

    هلا والله CAT..

    اوفقك على كلامك يا الغالية.. الواحد ما يدري الى وين هالمجتمعات تتجه في ظل هالثورة التقنية!
    نورتي المكان و سلامي للوالد الله يحفظه لكم..

21. 
    SKY 13.09.2008 at 7:15 pm

    السلام عليكم..

    ان شاءالله اشوف الفيلم اليوم..اتحمست..

    أنا مااعتمد كتير على الجوال.. مو ذكاء بس دآيما اشيل شنط كبيرا

    والجوال مرمي جوا وبعيد ومافيا أدور واذا لقيت مافيا اكتب اسهل اني اخزن عقليآ… كسل يعني P:

    عشان كدا أحفظ أرقام كتير.. ومعلومات وايميلز..

    أحب التقنية والتطور وكل شي .. أكره إنها لما تخرب تمحي كل الي فيها وكأنها ما تعرفني و لاعاشت معايا..

    عشان كدا مااعتمد عليها كتير ولا ما أنكر إني احتاجها..

    شكررررررررأ..

22. 
    NooN 19.09.2008 at 12:45 am

    “في طريقنا الى التحول الى كائنات خاملة فكريا.. كسولة.. مملة.. و غير مترابطه اجتماعيا..!”
    كلامك ذكرني بفلم Fahrenheit 451 ، أنصحك بمشاهدته
    http://www.imdb.com/title/tt0060390/

23. 
    moleculo 19.09.2008 at 12:47 am

    هلا والله SKY..
    و عليكم السلام و رحمة الله..
    الشكر لك انتي يا الغالية على تواجدك و تفاعلك..
    نورتي المكان..

24. 
    moleculo 19.09.2008 at 12:48 am

    هلا والله NooN..
    شكرا جزيلا على النصيحه.. الفيلم شكله حلو جدا و يصلح لي.. أبشوفه بأقرب فرصه..
    نورتي المكان طال عمرك..

25. 
    SLFR 18.07.2009 at 6:42 am

    نحن يا الغالين.. و بدون أن نشعر..
    في طريقنا الى التحول الى كائنات خاملة فكريا.. كسولة.. مملة.. و غير مترابطه اجتماعيا..!

    كلام ينطبق على حياة هذا العضو <<

26. 
    eman 13.04.2010 at 3:57 pm

    هذا اول رد لي فيذا
    مدونة رائعه بدايتاً
    وشوقتني للفيلم
    يعطيك العافيه

ورى ما تسدح تعليق؟ .. ترى ببلاش..

معليش يا عزتي لك.. لازم تسجل دخولك عشان يمديك تسدح تعليقات.