Responses to “أفكار ذات فجأة عندما قبل السحور [نظرية عبدالرزّاق]”

1. 
   قطوة 3.09.2008 at 8:27 am

   صباح الخيرات مولي ..

   شف الصدفة ..!

   جايه ازور مدونتك اشوف فيها تدوينه جديدة ..ولا ..!

   قبل لا اشيك على بريدي .. واكتشفت بعدها اني املك الحاسه السادسه ..!

   << تف علي ماشاء الله << وش تحس فيه

   ياعزيزي ..

   انا اقولك موقف صارلي برمضان هذا .. << توه مابدا

   رمضانات اللي راحت ماكنت اروح اصلي تراويح لأنوه دراسه .. وتعب فمايكون عندك وقت ..!

   رمضان السنه هذي الله يشرفه .. قلنا نفتح صفحه جديده .. اجازة وفاضين ,,

   رحنا نصلي .. بعض من معارفي لما عرفوا سووا اعلان اني رايحه اصلي ..طيب وبعدين ..؟

   حسسوني اني وحده توها اعلنت الشهادة ..!

   ..

   يعني مايصلح الا تصير مسلم او كافر .. ولا يا متشدد او صايع ..ليه طيب كذا ..!

   اذا انت راضي عن نفسك ومقتنع انوه كل شيء تمام ومرتاح هذا اهم شيء بنتعب وحنا نرضي الناس ..!

   بس انا من وجهة نظري انوه بتبقى رول مودل << متعيجزة تكتبها

   وبالعكس لو انا شخص يعرفك تمام المعرفه وعرف بشخبطاتك ..! بتعلى في عيني اكثر..

   لأنك باختصار انسان متواضع .. ونادر شخصيات بهذا الاسلوب المرح ..

   وبتبقى Role model << هالمرة سويتله كوبي رغم انوف الكل

   بس والله اعجبتني نظرية عبد الرزاق

   بعد ياذا الصينين ياهم مسوين قلق .. هم ونظريتهم ..!

   ياملحوهـ فصولي ..! ياربي بس لايكون هو بعد يصوم ..!

   أوافقك الرأي في اهل الشمال طيبين .. قلوبهم بيض ..!

   مولي الله يحفظك .. يارول مودل .. مميز بحق

   وسوري اذا خنبقت كثير لأن اكتب وانا نايمه
   وردة

2. 
   anosah 3.09.2008 at 4:24 pm

   مشتاقيـــن
   معليش من زمان ما كتبت رد لظروف أنا أعرفها
   بس والله إني متابعة المدونة و أنتظر كل جديد فيها

   أعجبتني نظرية عبد الرزاق
   و أنا أقول المفروض ما يكون في نظرية و تجي زي ما تجي
   كل واحد و اللي يريحه ..

   الجانب هذا من شخصيتك هو اللي مساهم في إنك تبدع و تصير role model لكثير من الناس
   و أكيد الناس لما تعرف هذا الجانب راح تحسدك إنك جامع بين الإثنين
   بس أهم شيء تكون إنت مقتنع في هذا الشيء ..
   لأن إرضاء الناس غاية لا تدرك و هذا يتضاد مع نظرية عبد الرزاق

3. 
   wadha 3.09.2008 at 7:14 pm

   رمضان كريم عليكم معليش أول مره أكتب هنا “الاخت مختبسه”..المهم هل انت role model؟ بصراحه أنت أخبر بس اتوقع أنك تصلح role model وأّذا السالفه شخابيط تراه كل الناس تشخبط…
   كيف رمضان معي؟؟؟خلها على الله
   بالنسبه للنظريه اللي شرحتها انا احس الصينين يحبون يسون حكم واجد ويفسرون كل شي ومن يوم شفت “مولان”دريت انه ماعندهم سالفه
   الحياه مهي كذا الانسان مو سيئ علا طول الخط لازم يكون فيه خير وهذا يمحي مفهوم النظريه..
   مسلسلات رمضان خلني اتابع المسلسلات اللي تجي قبل رمضان انا وحده متأخره عن هالعالم كل العالم تهب بمسلسل
   زي “نور”وانا طول عمري احسبه افلام كرتون “نور”
   عالعموم بالنهايه اتمنى اني اكون ذات فايده هنا ومابربرت واجد مرسي

4. 
   picky 3.09.2008 at 9:32 pm

   ماشاالله مووووولي قد ايش مفيده مدونتك !

   الشعار هذا كثير تسائلت مع نفسي عن معناه.. وفيه مرات كنتس اشوفه اصفر وازرق<نصراوي ..ماادري اذا يختلف عن هذا

   ماعجبني هالاعتقاد عند الصينيين .. حبيت عبد الحميد كثير ههههههههههه … فعلا فيه جانب رمادي فاتح ويمكن رصاصي غامق …تدرجاات …….ولايمكن الحياه تكون ثنائية التوجه..

   :

   وبالنسبه لحكيك عن الناس اللي يشوفونك مثال وكيف لو قرأوا مدونتك … والله انا مااشوف الا انها بتزيدهم اعجاب .. مافيه شخص serious على طول الخط …لابد يكون فيه جانب تنفيسي…هوايات….ثرثره…… اي شي ..واللي يقول غير هالحكي ماعنده سالفه

   :

   وعيال قريه شي يفشل الصراحه ومن سيء لاسوء هالثنائي .. وتاليتها عيال دجاجه<جابها فصولي هههههههه

   :

   ياليت تقول لنا على اللقاء اذا سجلته وين بيكون ومتى ^_^

5. 
   Arooj 3.09.2008 at 11:43 pm

   هاي مولي…
   تدوينتك اليوم مره اعجبتني بما اني احب الفلسفات القديمه وكنت ناويه ادرس فلسفه بس ماعندنا في السعوديه يقولون حرام…!!!
   المهم النظريه اللي تكلمت عنها مره تقنعني ومره احس انها واقعيه وفيه شي انت ماتكلمت عنه الا وهو النقطه البيضاء داخل السواد والنقطه السوداء داخل البياض وهذا معناه انو مافيه بياض مطلق ولا سواد مطلق وبعد يعني انهم ماكملوا بعض الا انو في كل واحد منهم شي من الثاني ولو كان صغير..
   المهم احسكم عطيتوني وجه….
   بالنسبه لنظرت الناس لك انا عندي وجهة نظر في الموضوع اللي هي انك لو ماكنت تسوي الاشياء اللي تحبها مثل موليكيلو وغيرها كان صارت حياتك ممله وبالتالي ماراح تقدر تبدع في الاشياء الثانيه , وانا شخصيا احس انو اكثر شي يميزك هو تمردك على البرستيج والاستمتاع بحياتك مثل ماتحب بدون ماتخدش برستيجك ونظرة الناس لك…
   وبس اسفه على الاطاله مثل مايقولون..

6. 
   HaNeEn 4.09.2008 at 1:33 am

   اروج معها حق … باااح يا عبدالرزاق ( وجه يغامز )
   فيه صفات بارزة للشئ المعين .. لكن يبقى شي مدفون يظهر في ظروف معينة او معايير اخرى و السائد سائد
   مثل المثلث مثلا .. هو مثلث بالمطلق و السائد
   لكن يخرج منه معين او اي شكل اخر
   و اظن كذا البشر ، لهم صفات بارزة لكن تطلع معهم كل الصفات الاخرى بنسب متفاوتة
   ما فيه شي اثنين منفصلين .. فيه اثنين مندمجين بش كل واحد بعنوان و يسرق من الثاني اشوي
   ترا حتى الكافر .. مؤمن .. مؤمن بقناعات معينة ..
   رول مودل .. باقي كذا حتى لو عرفوا

7. 
   S.A.L.M.A.N 4.09.2008 at 7:02 am

   لعن بليسك قبل امس منزل موضوع ولا امداني اكتب رد عليه تجي هالحين وتنزل موضوع ثاني

   المهم ياصديقي بحكم أني ادرس قانون وتعرف مجال فلسفي بحت و الله خلقني للفسلفه عله فابتفلسف فلسفه فسيلوجيه تنكلوجيه

   عندنا نظريع قانونيه تقول ( الاستثناء يثبت القاعده ) <<< طيب وش دخلها
   مدري !!!
   بس فيه علاقه غامضه بينهم ولا تخاف العلاقه شريفه (^ـ^) <<< شريفه ولا حسنيه

   يعني لو تلاحض الاستثناء في حقيقه امره هو ضد لان القاعده ما تتطبق عليه فصار مخالف له وبذلك صار استثناء يعني مضاد <<< فسر المفسر بحيث صار كمن فسر الماء بعد جهد بالماء

   عاد تصدق الشعار الي رسمته طال عمرك كنت اتوقع انه متعلق بالببسي خصوصاً ان البيبسي لذيذ الايام هذي << نعم نعم

   و احب اقول حبك الله من الفنتو يامولي اقصد يا موكلي لانه للاسف صار غالي و سعر القاروره بـ 9 عند اسواق بالشرف و 5 عند كارفور و 4,5 عند العثيم و كان العام الماض بـ 3.5 بس للاسف الغش ما سلم منه أحد يعني قارورة الفنتو الي اغلى ما يملكه المواطن السعودي استغلوها النصابين <<< عاشق للفنتو لو تشوف شواربه طالعه عنابي اخخخخخخخخ

   و ثالثاً السنه هذي فيه زحمه مسلسلات بشكل ما تتصور يعني من كثر الزحمه اح وزن التلفزيون صار ثقيل و يالله انقله من بيت الشعر لين برى عند الملعب

   و عيال قريه هذا ماصخ موليه طالع فشل في فشل و رشه سقم <<< يطبخ الاخ في كشته

   و في الاخير مدري وش كتبت انا فوق تعرف وانا اخوك الايام هذي الواحد ما يقدر ينام خصوصاً أن الواحد يكون مقبل على تانج فالتفكير يكون محدود لذلك وجب التنبيه

   و لسعادتكم خالص الشكر و التقدير…

   رئيس حزب الائتلافي الاشتراكي الكنفوفدرالي بجزر الواق واق
   كذلك المؤسس لحركه العالميه إلا الفنتو
   ســـــــــــلـــــــــمان

8. 
   moleculo 4.09.2008 at 9:07 am

   هلا و غلا قطوه..
   صباح النور و السرور يا الغالية..
   يا عساك دايم بذا يا قطوه.. تنورين المكان..
   .
   الموقف اللي تفضلتي فيه.. هو مثال رائع على الكلام اللي كنت اقوله.. فعلا للأسف الناس في مجتمعنا “يعشقون” التصنيف!
   يحبون يحطون “ليبلز” على الناس..
   مطوع.. داشر.. دافور.. داج.. اسلامي.. ليبرالي.. علماني.. جامي.. سروري.. سني.. شيعي.. مسلم.. كافر…… الخ
   .
   ممنون كرم أخلاقك.. أتمنى اني أظل دائما عند حسن ظنك يا الغالية..
   و يا عسى ربي يتقبل صيامك و صلاتك..
   نورتي المكان طال عمرك..

9. 
   moleculo 4.09.2008 at 9:11 am

   هلا والله و غلا أنوسه!
   تشتاق لك العافية..
   وين الغيبات يا شينك!
   عاد انا ابعذرك أكيد لأني أعرف ظروفك.. لكن ترى وجودك يهمن بلحيل!
   .
   ممنون كرم أخلاقك.. عسى الله يجملني و أظل عن حسن ظنكم..
   المشكلة انا ما اعتقد.. لأني أنا نفسي.. ابنقد على الناس اللي اعتبرهم Role models اذا شفتهم يخربطون!
   تربينا على Yin و Yang لا بارك الله فيهم.. عبدالحميد كان في الحمام ساعتها!
   .
   لا تغيبين..
   نورتي المكان يا الغالية..

10. 
    moleculo 4.09.2008 at 9:20 am

    يا هلا والله بـ وضحى..
    تشرفنا بوجودك يا الغالية..
    .
    انا أخبر!
    لا والله و انا اخوك.. أنا أقول اني موب Role model أبد والله!
    لكن الله ابتلاني بتأثر البعض بجوانب من علمي أو عملي.. و هالشي والله ما يفرح قد ما يحسس بالمسئولية..
    لما أقرأ لأحد يقول ان مولي بشخصيته الحقيقية هو مثله الأعلى.. والله يضيق صدري يا اخيتي..
    لا و قبل شهور.. و بالصدفه المحضه.. لقيت مجموعة من الشباب يتهاوشون في موقع متخصص.. ناس ينتقدون بشدة آراء لي في مجال تخصصي.. و ناس مستميتين في الدفاع عنها.. و النقاش كان شديد لدرجة انهم بدوا يغلطون ببعض في آخر النقاش..
    ضاق صدري جدا يومها.. و حسيت بمسئولية كبيرة كنت غافل عنها..
    .
    شكرا على تعقيبك.. و طبعا كلامك يحمل فائدة كبيرة..
    خليك دايم حولنا!
    نورتي المكان طال عمرك..

11. 
    moleculo 4.09.2008 at 9:23 am

    هلا و غلا picky..
    قصدك ما شاء الله قد ايش رائعين زوار مدونتي.. شرواك يا الغالية..
    .
    شكرا على تعقيبك يا عزتي لك..
    و ابد ابشري.. ان الله قاله ابتكلم عن اللقاء..
    .
    نورتي المكان مثل كل ابو دايم..

12. 
    moleculo 4.09.2008 at 9:26 am

    أهلييين والله أروج!
    عاد انتي ام الفلسفة.. أخبرك!
    .
    اضافتك بخصوص الفلسفة صحيحه تماما و اشكرك حيل عليها.. لا خلا ولا عدم..
    و رأيك بخصوص موليكيلو.. أنا اعرفه زمان.. انتي من الناس اللي شجعوني افتح هالمدونة و استمر فيها.. و رأيك هو دائم محل ثقة بالنسبة لي..
    .
    اي اطاله يا مدربة التخسيس!
    كلهم جملتين و تقولين اطاله.. الا ابرك الساعات والله!
    نورتي المكان طال عمرك.. و عسى تقر عينك قريبا! ;)

13. 
    moleculo 4.09.2008 at 9:29 am

    هلا و غلا حنين..
    ايه و انا اشهد.. أروج دايم معها حق..
    .
    كلامك مثل العادة.. رائع.. منطقي.. و بليغ!
    الاستعانة بنظرية النسبية هنا جا في محله يا الغالية!
    .
    اتمنى ولا اتوقع اني قد حسن ظنكم فيني..
    نورتي المكان يا الغالية..

14. 
    moleculo 4.09.2008 at 9:32 am

    هلا والله و غلا بـ سلمان..
    خلاص ياخوك.. من اليوم و طالع كل يوم تدوينه.. ابدبل تسبودكم صح!
    .
    اعجبتني جدا قرائتك للموضوع.. و مثل العادة تسقط الفكرة على افكار مشابهة و بطريقة فيها ذكاء كبير و تدل على فهم عميق..
    أوافقك تماما يا الغالي..
    .
    بالنسبة للفيمتو.. يا رجل أبيه لو هو بـ 500.. تكز لي بس و انا اخوك؟
    نورت المكان طال عمرك..

15. 
    aella 4.09.2008 at 8:37 pm

    العنوان أبطل شيء بالعالم!
    النظرية هذي سائدة للأسف بعالمنا.. النقاء والأبيض الخالص، ولا الأسود الحالك.. ما فيه حل وسط أبداً.. حتى تلاقي هالأمر ينعكس على كتابات الكتاب اللي انطباعهم كذا عن الحياة، الأبطال بريئين براءة العالم وأقوياء.. والأشرار أشرار بكل ما في الكلمة من المعنى.. أي لمحات إنسانية مو موجودة!
    الآراء وتقبلها هذي موضوع كبير.. صعب تلاقي أحد يناقش بصورة حضارية، ويتقبل إن فيه وجهات نظر متعددة.. مو بالضرورة تكون وحدة صحيحة والباقي خطاً.. يمكن كلها صح يمكن كلها خطاً.. يمكن ما يحتاج نحدد خطأها من صحتها أصلاً!
    حتى سالفة الرول مودل.. الرول مودل إنسان.. يرتكب أشياء خاطئة وصحيحة، ويخربط!
    طولت وصرت واجدة.. أدري..
    نشوفك قريباً مولي!

16. 
    moleculo 4.09.2008 at 8:59 pm

    هلا و غلا aella..
    أوافقك تماما على ما تفضلتي به يا الغالية..
    و شكرا جزيلا على تواجدك و تعقيبك المهم مثل ما عودتينا..
    لا والله ابد ما طولتي.. افا عليك.. أسعد اللحظات اللي اقرأ فيهم آرئك..
    نورتي المكان طال عمرك..

17. 
    tofe 7.09.2008 at 6:30 am

    ارحبووووووووو
    يازينك اذا غبت ايام كثيرة ولسببب بسيط جدا الا وهو انك غاطس بالمطبخ وتفتح ايميلك وتلقى مدونات خونفشاريه من مولي <<لايكثر بس
    نظريه عبد الرزاق من زمان وانا افكر فيها بس كنت اسميها نظريه الجهه المقابله <<يمديك على الاسم
    يعني مثل ماقلت بدل مانشوف الدنيا ابيض واسود نشوفها بكل الالوان وهكززااا
    وال Role model مايقلل من قيمتك واعتبارك مولي بالنسبه لنا مولي اللي فتح اذهاننا عن اشياء كنا غافلين عنها او بالاصح مانعرف عنها شيء
    وبرايي لو يعرفون انك مولي بتكبر بعيونهم زيادة لانك ماتكتب كلام فاضي انت تكتب اشياء بعضها من تخصصك وحنا نستفيد

    شف بعد هالكلام اللي قلته لايكبر راسك علينا
    ملاحظه مو كن رسمك متحسن هههههههههه

18. 
    moleculo 7.09.2008 at 9:11 am

    هلا والله و غلا tofe ..
    يا عزتي لك.. نورتي المكان..
    ما شاء الله عليك.. شكلك طبييييخه!
    .
    حلو مسمى (الجهة المقابلة).. ينفع اسم برنامج على قناة المستقلة!
    ابد كلامك بمتمه يا الغالية…
    .
    يا عسى يسلم راسك.. ممنون كرم أخلاقك أنا.. يا عساي اكون عند حسن ظنكم..
    اجل رسمي متحسن؟..
    .
    شوكرن يا الغالية..

19. 
    SKY 13.09.2008 at 8:52 pm

    كلامي زي كلام حنين..

    مايحتاج أقول شي يعني..اللهم إني مااحب الصينين..

    لكن أعشق اليابانين ..وأبغا أخد الجنسية إن شاءالله.. D:

    وعقبال مااتعلم اللغه مزبوط.. D:

    وأستمر..

20. 
    moleculo 13.09.2008 at 10:59 pm

    هلا والله SKY..
    عاد أنا أكره اللغة اليابانية!
    ما عندهم حروف!! .. الحروف عندهم هي “أصوات”!
    و ما عندهم كلمات مكتوبة!! .. يعتمدون على الرسم!
    صراحه.. لغة أي شي!
    >> بينجلد أبو المول!
    .
    نورتي المكان..

21. 
    SKY 14.09.2008 at 12:49 am

    اشبو الرسم حاجة سهلة يعني.. خخ.. !!!

    شعب اتنسف كم نووي.. وياجمالو اليوم .. :cool: .. يبغالو تحيهـ .. :lol:

    بعدين ترا مو صعبهـ .. لاتخليني أزعلك واعلمك كم كلمه.. :]

    خليك انجليزي بس مالك في رغبات الغير .. :lol:

    …

    جانا .. << حتبدأ تستخدم الياباني ردآ للإعتبار .. :lol: ..هههـ..

22. 
    moleculo 14.09.2008 at 12:56 am

    ماش يا SKY.. ودي أحب لغتهم.. ودي.. بس ماني قادر.. لا تضغطين علي بليز!
    أكلهم حلو.. بهذي انا معك.. و لو اني ما احب الـ sea food.. لكن كل شي غيره.. مره ممتاز..

ورى ما تسدح تعليق؟ .. ترى ببلاش..

معليش يا عزتي لك.. لازم تسجل دخولك عشان يمديك تسدح تعليقات.